上星期一篇新聞報道指香港唱片生意由89年的27億元，下跌至目前只得4億多元。國際唱片業協會(香港)總會的發言人，再度將香港唱片銷路下跌的主要原因，歸咎於非法下載。
馬沙睇完呢篇報道，不禁駡了一聲不知所謂。香港唱片業多年來將唱片銷路下跌怪罪於非法下載，究竟業界曾否自我反省問題的真正所在？
誠然，自互聯網普及之後，非法下載活動猖獗，但銷路嚴重下跌，是否完全因為非法下載而起呢，馬沙就認為唔係。而問題的癥結所在，乃係香港唱片業界多年來不思進取所致。
早在80年代初期，雖然未有非法下載，但因為當時的市民普遍經濟能力不及現在，租賃黑膠唱片及收費轉錄卡式錄音帶的小店舉目皆是，何以當時的唱片業仍能百花齊放，答案只有一個，當時香港的歌曲質素好，人人愛聽。
現今樂迷的消費能力，普遍比80年代好。我輩喜愛聽音樂的樂迷，家中的音響系統已經花費五、六萬元，又點會將翻版CD放入心愛的CD播放機。簡而言之，呢類高消費能力的樂迷，遇到高質素的唱片，自然樂於奉上金錢。
年青一輩，喜愛以電腦、iPod以及手提電話聽歌，由於播放器的關係，音樂製作的質素已是次要，重點是如何方便地將歌曲輸入播放器。部分年輕人喜愛非法下載，就係貪其方便，即下即聽，無需再轉換格式。如果業界能為年輕人提供價錢合理的合法下載方法，只要夠方便，年輕人自然樂意俾，既方便又環保。
(2008年9月30日刊於《am730》)
最近最愛聽嘅,就係 VITAS 呢位人兄嘅新CD!
VITAS "Lucia Di Lammermoorr"
Vitas - Dedication
Vitas - The Star
近十幾年有邊首歌似樣?而家所謂歌只係中文*字*、根本唔係中文!
回覆刪除宜家香港啲垃圾歌，DL都嫌嘥位啦
回覆刪除香港地只要肯賣肉而唔係啞嘅就可以做歌手
而家Ｄ算係咩野歌詞？！狗屁不通都算係歌？吾駛有專業水平既歌手都可以出碟，真係當消費者儍.
回覆刪除香港的歌手水平... 唉, 老實講, 係人有把口識得出聲已經叫自己做"歌手"!
回覆刪除想番起以前, 唱歌, 係一個專業, 係好高難度... 依家... 唉...
終於有人"識聽歌" 啦!! 其實已經0係內地睇過佢幾場演唱會,但內地場館0既音響設備冇香港咁好, 浪費0左佢0既演出... 好期望佢會0黎香港開演唱會.
真係唔明, 我唔敢話佢唱功好唔好, 但一個可以唱到咁0既音域0既演唱者, 點解佢0係香港係零知名度?! 係香港人愚昧自閉? 定係演唱者0既宣傳唔夠?!
如果佢0黎香港開演唱會, $1500 一張飛都要去睇!!
同意以上各位意見, 單就一條好D訊号線都要過萬元, 就我自己每月都花400-700買CD,
回覆刪除我只聽Jazz and classical music,就是不聽港產流行曲, 制作實在九流, 但小部份獨立公司出品就十分不錯, 這反影主流公司掌門人對本港音樂事業認知不夠, 好的產品一定有市塲, 愛樂者是肯消費的!
講真我係一個對音樂要求唔高既人. 亦都冇乜文學收養. 但係而家有好多流行曲既詞真係幾不知所謂, 而題材亦都唔知點解淨係得情情答答既野(不過呢幾年又好似好返d).
回覆刪除以前我仲讀緊書既時候都仲會買下碟, 但而家真係無晒興趣. 唉.
沙沙你d音樂觸覺又好另類。
回覆刪除俺對Vitas唔過電，好耐之前有Farinelli，不過佢把聲系合成既，歌仔就好聽好多。
http://hk.youtube.com/watch?v=A8t_WySo414&feature=related
值，就會有人去買。
回覆刪除本地唱片唔賣得會否怪罪市場失敗呢？
The market will decide who is a winner and who is a loser.
回覆刪除A company should not lay the blame on external factors.
Company executives should learn the hidden (and illegal) rules of the market well.
The market will decide who is a winner and who is a loser.
回覆刪除A company should not lay the blame on external factors.
Company executives should learn the hidden (and illegal) rules of the market well.