星期四, 6月 19, 2008

會計師之路 (四)

早兩日馬沙話,跟香港會計師公會 (簡稱「公會」) 淵源最深的英國特許公認會計師公會 (The Association of Chartered Certified Accountants (ACCA)),互認情況慘不忍睹,究竟有幾慘。

誠如馬沙在第二篇文章指,當年公會未開發自己一套考試 CPA Qualification Programme (QP) 時,是跟ACCA一同舉辦聯合考試 Joint Examination Scheme (JES),換句話說,香港考生是應考由ACCA所制定的專業考試,而取得公會會員資格。馬沙敢講,現今香港35歲以上的會計師,絕大部分是透過ACCA考試出身。正因為這個原因,ACCA在過去20多年,成為香港會計界人力市場中,最為人所熟悉的外國會計師公會。

隨住公會中止與ACCA一同舉辦聯合考試及自行推出QP課程後,ACCA在香港開始失去優勢。雙方06年8月簽訂的最新一份互認協議,更為正努力完成ACCA考試的考生帶來極大震撼。在新協議生效前,考生只要完成考試及成為ACCA會員,就可申請成為公會會員。但新協議生效後,ACCA會員要成為公會會員,就得乖乖符合新協議訂下的所謂8大規條。

規條內容包括要取得公會認可的大學學位 (University degree accredited or recognised by the Institute);只能在香港或英國取得全部14卷 (包括指定的4卷) 合格;完成QP其中一個Workshop;取得QP Final Exam (FE) 合格;完成Aptitude test (即取得香港法律及稅法兩卷合格);再加特定受監控 (Gained under an Authorised Employer (AE) or Authorised Supervisor (AS) ) 的工作經驗等,幾乎同再考QP無大分別。

所以值得準考生注意的是,如果閣下能符合第一規條 (即取得公會認可的大學學位),根本就應該放棄選擇ACCA,直接選擇參加QP,否則後果自負。

(2008年6月19日刊於《am730》)

6 則留言:

若缺齋老人 說...

ACCA份野真係唔簽好過簽:唔簽大不了學AI咁話各行各路,簽左即係自認矮仔!

匿名 說...

TO 老人:

話晒美帝國而家仲係全球最大經濟體(雖然都危危乎),好多大型企業仲係佢地既世界, 所以ai仲有牙力. 但acca的宗主國後台唔夠ai硬... 可能佢地驚唔簽仲死多幾成, 別忘了佢地仲有個香港鄰近大國(自稱)市場咩~~ :p

seikomatic 說...

沙沙入左CA味?

匿名 說...

不過我又唔係做audit firm
咁考QP 定係ACCA 都唔會有好大影響呀?!

匿名 說...

Seikomatic 都係會計師 !!!?

KaKa 說...

我都係放洋英國,但只係補返兩科coversion course咋喎..依家岩岩開始QP,好辛苦呀,好唔想讀.. 馬沙係唔係都係會計之人呀?