即係咁，睇完佢長篇大論嘅分析，先「有機會亅賺300大元。
攪咁鬼死多嘢，如果目標都係穩賺$300，咁不如用15分鐘去網上券商開個戶口，即刻有免費股票送比你。例如牛牛，依期開戶及存入一皮嘢，即送一股Twitter (TWTR)，今日市值US50. 44 (約港元390)，沽完可以吐現走人。
其他網上券商送乜股票，我唔花時間去揾，自己去 Google 下就知。
＃絕非廣告
馬沙 facebook : https://www.facebook.com/charblogger02
星期一, 10月 05, 2020
名店新常態
某大著名珠寶品牌，近日試途打開新血路。趁其新系列名錶上市，大賣廣告試玩網購，免費送遞到府上，上午訂貨下午收貨，仲有14天退貨期。
如果今次成功，未來可以縮減旗下商場名店數目，慳到唔少店舖租金。如果未來自由行未能放鬆，仲可以玩埋免費送貨比大陸客。
若果今次攪網購成功，各大品牌又一齊玩網購，各大商場未來都可以收皮。
再進一步講，以名錶為例，若果買家可以直接向各品牌網上訂購，而各品牌將原來俾AD賺嘅錢，直接俾買家作為折扣，名錶AD嘅存在價值，可能慢慢地失去。
未來日子，香港人上淘寶買cheap嘢落嚟，大陸人上名店網購名牌返上去。
馬沙 facebook : https://www.facebook.com/charblogger02
星期六, 9月 26, 2020
姓賴
香港人好多都姓賴，獅子銀行近日跌到阿媽都唔認得，竟然得出「不要信長揸、不要再信巴菲特」呢個超越人間智慧嘅結論！
先講「長揸」，如果你呢十年長揸「企鵝亅，升咗90幾倍，依家可能發咗達。退一萬步而言，走去跟巴菲特買入「脾阿敵亅長揸，近5年「脾阿敵亅股價升咗大約170％。而長揸「脾阿敵亅，已為巴菲特帶來240億進賬。
再講「不要再信巴菲特」，如果你信巴菲特，你唔應該買獅子銀行。第一，巴菲特從來無叫大家買入獅子銀行。第二，巴菲特本身亦無持有獅子銀行。再講，若你深信巴菲特係股神，你係應該投 BKK.B 信心一票，買入 BKK.B 之後長揸。附圖為 BKK.B 1997年至今表現，股價升咗7.7倍。
至於獅子銀行，十幾年前我寫專欄時，已評論佢管理層係「環球金融、地踎智慧亅，從佢踏隻腳收購美帝銀行嗰日開始，已經注定有今日！
星期三, 4月 24, 2019
清心直說
4月初政治氣氛無問題時,原本要二讀同三讀嘅《2018年專業會計師（修訂）條例草案》議員法案,提案人梁議員就玩失踪唔出席「甩轆」收場!
呢兩日就掛住撐佔中罪犯,今日仲話盡量協助坐監議員履行議員職務,咁Q得閒理社福界,又唔見理下自己嘅會計界。
《2018年專業會計師（修訂）條例草案》議員法案,一拖押後半年,放埋暑假後復會先攪喎! 可能到時又揾理由再押後半年,半年之後又半年,立法會又換界,又用同一法案爭取選票連任!
唔知各位會計界朋友知唔知,單係以 乜乜『會計事務所 / 會計事務所有限公司』經營而有領有 TCSP 牌照嘅公司竟達58間之多,都未計無申請/申請唔到 TCSP 牌照嘅其他 乜乜『會計事務所 / 會計事務所有限公司』!
到底有幾多市民知『會計事務所 / 會計事務所有限公司』並唔係由具有專業資格嘅會計師經營?
靠梁議員維護香港會計業界嘅聲譽同誠信?
兩屆立法會會期都就快做完,到底梁議員為會計業界做過啲乜?
有份投票選佢嘅會計師到底又諗乜？
星期四, 4月 18, 2019
讀死書、死讀書、讀書死
作為一位執業會計師,見到一班專業會計師既認真又熱烈咁討論 #安心事件 中賣片人收到嘅錢是否需要根據稅務條例課稅,真係唔知好嬲定好笑。
幾乎任何一個古惑仔唔駛一秒能夠答到嘅問題，一班專業人士圍埋討論足一日且得不出結論，真係唔好比人知，笑死人！
好喜歡一位心水清嘅師兄給我嘅留言:「大家讀得書太多」😂
星期五, 10月 26, 2018
低水準的香港傳媒
順豐同DHL單交易，在在證明咗香港傳媒報新聞嘅水準低到一個點......直情仲低過十八層地獄........
去到呢一刻，絕大部分香港傳媒仲係大字標題「順豐55億人仔收購DHL中港澳業務」！
係一個會計師群組，仲有條儍西話順豐老闆係咪儍㗎，55億咪即係要成70年先回本（即係70倍PE) ！
大佬呀，人地依家淨係賣「Chinese contract logistics business」咋，一般平民百姓認知嘅 「DHL 中港澳 快遞業務」不受影響呀！
更重要嘅係順豐嗰55億人仔，係叫「upfront payment」，雙方仲簽咗長達十年嘅戰略協議，之後 DHL 德國母公司仲要每年比返「Revenue-based partnership fee」順豐。
至於DHL德國母公司每年要比返幾多所謂partnership fee 順豐，扣完呢舊錢其實順豐係呢單鵰實際付出多少，之後十年合作期收獲又係多少，我就緊係無咁得閒去計。
計數呢家嘢，緊係留返比會計界「一計就明」啦！
馬沙 facebook : https://www.facebook.com/charblogger02
星期日, 5月 20, 2018
信者失救
我個客2008年用二千萬買嘅樓，今日銀行估值近四千萬。而事實上，個物業下星期五會以四千萬成交。
未有樓、未安居樂業嘅各位年青儍西，你地繼續聽班政棍、環保撚老點，唔好比政府填海、用效野公園地起樓。繼續係咁叫政府收返粉領高爾夫球場、叫政府收返每日150人入境啦。
只有自己有樓住嘅離地環保撚，才會提議保留郊野公園土地比乜柒「六班月飄蟲」住都唔L肯比人住！
你地即管繼續無止境咁拖、爭吵落去啦，過多十年必定仍原地踏步，到時你班年靑儍西三、四十歲連劏房都住唔起。
到嗰陣時教你班儍西乜都反對嘅有樓人士會點呢，層樓到嗰陣時當然因為越多人越唔夠地之下水脹船高。到嗰陣時一個今日連港女都睇唔起嘅兩房單位分分鐘都過千萬，佢地賣樓套現夠哂搬去外國享受退休生活。
你班人到中年嘅儍西，睇怕到時仍然係到日日儍叫做十九幾廿年嘢都未儲到首期上車囉！
馬沙 facebook : https://www.facebook.com/charblogger02
星期二, 8月 15, 2017
監禮人
富豪，有時真係好難憑外表去分辨，尤其係嗰啲隱世富豪！
今日同老婆食緊 lunch 時，收到老友 banker J 電話，佢叫我食完 lunch 嗱嗱聲飛的落長沙灣某工廠大廈，有要事搵我幫手，臨收線仲要加句：「記得2:30準時到！」
雖然未趕完D Code deadline，但老友叫到，好難托手掙。食完飯，返上公司拎返件披即刻打的落去長沙灣工廠區。去到 banker J 指定某工廠大廈大堂，見到banker J ，同行仲有 banker J 老頂 banker L。
我心諗，乜料呀！乜依家唔係客仔求銀行開戶年代咩，乜解救 32 度大熱天時，banker 要親身走落工廠區。老友banker J 本身職位已經算高級，仲要出埋佢老頂 banker L。之後老友 Banker J 簡單同我解釋咗點解要急 call 我到場，內容無乜特別，反而佢最後一句說話就令我充滿好奇，因為佢最後一句係咁講：「一陣我地上去見嘅人，身家我地見到嘅已經超過300億！」，難怪佢老頂banker L 都親身上陣。
上到去間公司嘅會議室，同佢地 GM 吹咗半個鐘頭水，佢老闆富豪W終於出場。老實講，呢位隱世富豪，橫睇掂睇都唔似一個有錢人。最攪笑係互相交換卡片作介紹時，banker L 竟然同富豪W講，我係今日成件事嘅主禮嘉賓。
大家互換完卡片吹幾句水之後，就坐低開始做正經事。而我開口第一句同富豪W講嘅說話，就係：「麻煩熄匙、車牌、身份證，唔該！」
當我在文件上簽完最後一個名，banker L 大聲宣布：「好！禮成！」。富豪W細細聲講咗句唔該哂各位，就離開咗會議室。
做完banker L 口中所謂監禮人，當然第一時間離開現場，飛的返公司繼續趕餘下嘅D Code cases。
馬沙 facebook : https://www.facebook.com/charblogger02
星期五, 6月 16, 2017
問題天天都多
準備出兩份 Professional Clearance Letter，同事攪咗大半日都未拎比我簽，問吓佢點解攪咁Q耐，答案相當精彩 
😱😱😱
😱😱😱
附圖取自呢位用人名執葉嘅盧姓女會計師嘅信紙，用硬身紙及印刷相當精美，佢信紙上印住 Beauty P.K. Lo CPA (Practising)。問題在於公會執葉名冊上搵唔到同名嘅執葉會員，而同姓唯一 match 到嘅叫 Lo Pok Kai 
😓
😓
另一個 畸士 問題亦相當近似，呢位都係用人名執葉嘅馬姓男會計師，佢嘅信紙印住 Handsome Ma CPA (Practising)，但係公會執業名冊上搵唔到同名嘅執葉會員，而同姓唯一 match 到嘅叫 Ma Pok Kai Handsome 😓
😓
同事話雖然同姓唯一 match 到應該無錯，但唔係100%肯定係同一人，唔知封信出比乜名先至啱 
😪
😪
以上兩位執葉同業幫艇仔簽Report 攪爛哂啲客盤數以經唔好，仲連自己執業個寶號都亂哂大龍，到底攪邊科 
🤔
🤔
理論上，你地用咗同執葉證書上面所顯示唔一樣嘅名去簽發 柯跌報告 ，同無牌執葉係無乜分別 😓
😓
PS 大家唔駛search啦，以上兩位 Beauty & Handsome 都係假名嚟 
😌
😌
馬沙 facebook : https://www.facebook.com/charblogger02
星期四, 4月 21, 2016
香港不再支持初創企業 （二）
假如外地（包括中國及外國人）投資者無法滿足銀行開戶條件，基本上就同滙豐銀行有緣無份。當然，如果你認識有特權人士，銀行應該可以為你特事特辦。
對於外地（包括中國及外國人）投資者，銀行要求更加嚴格。目前香港各大小銀行，都嚴格執行 KYC (Know you client) 呢個開戶審查，換言之，比銀行問長問短已經唔係一件新事物。
就以滙豐銀行為例，根據其3月中開始執行之最新公司戶囗開戶政策，外地（包括中國及外國人）投資者要為其新成立的香港公司成功開立公司戶口，除以住需要的文件外，需要具備以下新條件：-
1）開戶的新成立香港公司，其股東或董事必須要在海外或內地有一間公司；
2）海外公司或內地公司或集團的營業額，每年至少要達1,500萬美元以上；
3）申請開設公司戶口時，必須提供海外或國內公司之最新一年財務報表；
4）申請開設公司戶口時，必須提供海外或國內公司之最近三個月之銀行月結單。
假如外地（包括中國及外國人）投資者無法滿足銀行以上開戶條件，基本上就同滙豐銀行有緣無份。當然，如果你認識有特權人士，銀行應該可以為你特事特辦。
原則上，其他銀行的開戶條件及要求，亦不斷在更新中。換句話，即係今時今日係香港，想開間公司仔做下小生意，要有心理準備，要比銀行拒於門外。
不過，話雖如此，馬沙近日就發現台灣有幾間銀行，近年就非常積極為台灣人解決呢個銀行開戶問題。馬沙就有唔少台灣客，為其香港開設嘅公司在台灣銀行開戶。
昨天同一位來自台灣嘅新客開會，佢就同馬沙講，準備為其新成立嘅香港公司，於台灣銀行開設公司戶口。佢話台灣有幾間銀行，依家都有離岸專設戶口，為 海外註冊（包括香港）公司提供各類金融服務。難怪近年那幾間台灣銀行的bank confirmation 在audit file 中常出現。
馬沙忽發奇想，以後係香港開唔到公司戶口，可以推薦客戶飛去台灣開戶，反正依家有internet banking，銀行所在地已經不太重要，來回台灣機票分分鐘仲平過香港銀行開戶手續費。
你地話，香港銀行業再咁趕客落去，真係唔知銀行未來點算。要知道香港目前有32萬間中小企，佔全港企業總數逾98%。
對於外地（包括中國及外國人）投資者，銀行要求更加嚴格。目前香港各大小銀行，都嚴格執行 KYC (Know you client) 呢個開戶審查，換言之，比銀行問長問短已經唔係一件新事物。
就以滙豐銀行為例，根據其3月中開始執行之最新公司戶囗開戶政策，外地（包括中國及外國人）投資者要為其新成立的香港公司成功開立公司戶口，除以住需要的文件外，需要具備以下新條件：-
1）開戶的新成立香港公司，其股東或董事必須要在海外或內地有一間公司；
2）海外公司或內地公司或集團的營業額，每年至少要達1,500萬美元以上；
3）申請開設公司戶口時，必須提供海外或國內公司之最新一年財務報表；
4）申請開設公司戶口時，必須提供海外或國內公司之最近三個月之銀行月結單。
假如外地（包括中國及外國人）投資者無法滿足銀行以上開戶條件，基本上就同滙豐銀行有緣無份。當然，如果你認識有特權人士，銀行應該可以為你特事特辦。
原則上，其他銀行的開戶條件及要求，亦不斷在更新中。換句話，即係今時今日係香港，想開間公司仔做下小生意，要有心理準備，要比銀行拒於門外。
不過，話雖如此，馬沙近日就發現台灣有幾間銀行，近年就非常積極為台灣人解決呢個銀行開戶問題。馬沙就有唔少台灣客，為其香港開設嘅公司在台灣銀行開戶。
昨天同一位來自台灣嘅新客開會，佢就同馬沙講，準備為其新成立嘅香港公司，於台灣銀行開設公司戶口。佢話台灣有幾間銀行，依家都有離岸專設戶口，為 海外註冊（包括香港）公司提供各類金融服務。難怪近年那幾間台灣銀行的bank confirmation 在audit file 中常出現。
馬沙忽發奇想，以後係香港開唔到公司戶口，可以推薦客戶飛去台灣開戶，反正依家有internet banking，銀行所在地已經不太重要，來回台灣機票分分鐘仲平過香港銀行開戶手續費。
你地話，香港銀行業再咁趕客落去，真係唔知銀行未來點算。要知道香港目前有32萬間中小企，佔全港企業總數逾98%。
(2016年4月15日刊於 全民媒體)
馬沙 facebook : https://www.facebook.com/charblogger02
星期四, 4月 14, 2016
香港不再支持創業 （一）
現在幾間大銀行要求開戶者提供公司商業註冊地址證明。此要求指明新成立公司必須有其實質業務地址，即係新公司必須已租賃一個工商大廈單位作為辦公室。換句
話，即係以往所謂home office 、在商務中心租用register office address、virtual
office，銀行一概列為沒有實際業務地址，不處理開戶。
當全宇宙都熱烈討論初創、startup ，鼓勵年青人創業，殺出一條血路，原來香港已經進入唔鼓勵人創業嘅年代。
點解馬沙咁講？
你話喇，一個人想創業，第一步係做乜？
當然係開返間公司先喇。一個人要係香港要開公司做老闆係好容易，最簡單就係自己搭地鐵去稅局4樓商業登記處，填一張申請無限公司商業登記表格，放低$250 (2016年4月1號起由$2,250減至$250），真係行出稅局已經做咗老闆。
如果要註冊一間有限公司，申請程序就比較麻煩一點，馬沙就建議各位準老闆搵間正正經經嘅會計師事務所代辦，記住千期咪貪平係坊間搵嗰啲乜嘢$1 開公司，需知道光棍佬教仔，「便宜莫貪」！
本來，香港近幾十年嚟，政府都無任歡迎任何本地市民或外國人來港開公司創業，但呢個情況近年已經改變。呢個問題不在於政府，而係在於近年銀行監管方面。
一個創業者，當你開咗人生第一間公司成為真正老闆之後，第一件事通常係走去銀行開一個公司戶口。問題就嚟，依家香港各大銀行，包括滙豐、恆生、中銀等大銀行，在開戶過程中設下大小關卡，一個普通創業小老闆，理論上係好難滿足到以上各銀行嘅所謂開戶基本要求。
首先，以馬沙所知，現在幾間大銀行要求開戶者提供公司商業註冊地址證明。此要求指明新成立公司必須有其實質業務地址，即係新公司必須已租賃一個工商大廈單位作為辦公室。換句話，即係以往所謂home office 、在商務中心租用register office address、virtual office，銀行一概列為沒有實際業務地址，不處理開戶。
馬沙2015年尾就曾經親身受過中銀無禮對待。是咁的，2015年尾一個下午，馬沙親身
到中銀某分行，準備為名下其中一間服務公司開設一個新戶口。中銀客服要求馬沙提供辦公室地址證明，馬沙多次向該客服指明辦公室租約及所有服務合約均以本人
主要業務的會計師事務所簽署，並即時提供本人卡片所參考。但該客服卻一口咬定服務公司只是租用該地址，本身並沒有實質業務地址，真係比佢吹脹。因為一個業
務地址，同該客服爭論咗成個鐘，仲不得要領。一氣之下，馬沙叫該客服退回所有開戶文件，一走了之。
馬沙今日就聽過一個客講，佢因為業務地址呢個問題，滙豐就拒絕為其新公司開戶。最後成功係中銀開戶，不過中銀就要求佢開戶時存入$50萬。大家話，試問有幾多個創業人士可以隨便拎出$50萬放係公司戶口？
對於外地（包括中國及外國人）投資者呢，要求更加嚴格，下篇再續！
(2016年4月2日刊於 全民媒體)
馬沙 facebook : https://www.facebook.com/charblogger02
星期四, 4月 30, 2015
陰陽路
辭職走咗成年先收到佢嘅正式辭職信，公司班管理層究竟同呢位CEO係咪活在不同時空？
呢間上市公司主業做廣告媒體及開發電影業務，可能因為咁，公司班管理層都相當有創意！
根據其2014年6月27日發出的最新一份公司年報，高級管理層一欄清楚寫明「黃偉剛」先生於2014年3月獲委任為公司之行政總裁。即係話公司之核數師在2014年6月27號簽發核數報告前理應見過呢位新上任CEO!
咁靈異之處係乜呢？
根據公司於2015年4月1日所發出之公告，呢位公司新貴原來在上任未夠三個月即2014年5月21日已經跳船！即係話出年報之時，呢位CEO已經跳咗船，點解年報出之前無人知道CEO 已經離職，公司年報高級管理層一欄仲清楚寫明「黃偉剛」先生係公司之CEO呢？
最靈異之處係公司竟然夠膽死係2015年4月1日所發出之公告大大隻字話:「公司係其CEO跳咗船成年嘅2015年3月31日先收到佢嘅正式辭職信」，仲話未有在2014年5月公布佢跳船係「不經意所致」…..
上市公司CEO跳船咁大件事都可以「不經意」，你估請咗個信差返咗兩日工見辛苦粒聲唔出閃咗人咩？
辭職走咗成年先收到佢嘅正式辭職信，公司班管理層究竟同呢位CEO係咪活在不同時空？
呢個簡直係香港上市公司企業管治嘅經典！
(2015年4月29日刊於 全民媒體)
星期四, 1月 22, 2015
為咗吹大個問題，可以去到幾盡？
成日話儲唔到首期嘅人, 就以上述家庭月入得$24,000為例, 買樓之前嘅一年,能否持續每月儲 $11,000? 如果得,
即係唔駛日日係到小狗「青年事務委員會主席陳振彬」話儲5、6年都儲唔到首期買樓, 因為月儲$11,000, 唔駛3年就夠首期9成按揭上車
(用$300萬計)!
今日睇咗一篇題為「港人不吃17年 方能置業」嘅文章，幾值得大家討論一下。
首先，文章內用家庭年入息中位數同樓價中位數去計算，家庭年入息中位數月入得嗰 $24,000，乜最盡可以買到樓價中位數$489萬嘅樓咩？
我先用會計同業瓜瓜今日am730「誰放棄了靑年」篇文入面個計法︰
『現在樓價高企，在新界買個二手上車盤，怎麼樣也要300萬元左右（但朋友說已經很難找了），假設向銀行借足九成按揭並加借按揭保險，而且購買的樓 宇樓齡不 太舊，還款期可以拖至最長30年期，以目前最優惠利率5.25厘減3.1厘計算（即是2.15厘），每月供款額大約要10,545元。可是，要成功取得按 揭，還需要通過金管局要求的壓力測試，即以現行利率加3厘計算，而每月供款額必須低於其每月入息的60%。按此計算，最低每月入息至少要25,443 元。』
依上述計法，家庭月入得$24,000 ，點買300萬樓，更枉論「港人不吃17年 方能置業」篇文章內用樓價中位數 $489萬嘅樓去計17年呢個低B答案！
如果有人家庭月入得 $24,000又夠膽死諗住去買 $489萬嘅樓，第日跌市燒炭都真係唔駛可憐！其實以一家2大1小家庭，如果月入得 $24,000，供 $300萬嘅上車盤都好辛苦！
馬沙今日再講以下一些絕少人提出o既現實問題︰
首期︰成日話儲唔到首期嘅人，就以上述家庭月入得$24,000為例，買樓之前嘅一年,能否持續每月儲 $11,000？如果得，即係唔駛日日係到小狗「青年事務委員會主席陳振彬」話儲5、6年都儲唔到首期買樓，因為月儲$11,000, 唔駛3年就夠首期9成按揭上車 （用$300萬計）！ 如果唔得，咁比你上咗車又如何？你點應付每月供樓$10,545條數？都未同你計每月差响、管理費、水電煤，呢啲每月$1,500坐底，即係每月供樓負擔至少要$12,000！
供款︰再諗落去，上咗車之後要供30年！ 家庭月入$24,000一個人揾定兩個人揾？ 若果一個人揾,，突然失業又點？好彩兩個人揾，突然其中一個失業，剩返嗰個份糧又頂唔頂得順？
利率︰ 瓜瓜條數係用2.15厘計，若果短期內加息5厘去到7.15厘，大家知唔知每月變咗要供幾多錢？答案係 $18,236！供完樓 ($24,000-$18,236) 得返$5,764, 再交埋差响、管理費、水電煤 ($5,764-$1,500) 得返$4,264, 日子應該點過自己問下自己！
樓價︰現在$300萬可以買到乜樓？私樓大約15-30年內舊樓，10年內半新樓唔駛諗。 呎數一般300-400建築呎 (實呎210-280)， 呢類單位買咗要你住一世，你接唔接受？ 生小朋友又夠唔夠住？ 唔好同我講之後upgrade 換樓，即使你買完樓價無再升，upgrade 換樓樓價每多一百萬你人工要加$9,430 先合乎按揭標準。 若果你買完樓一個唔好彩，再次發生樓劫樓價跌3成即係你即時負資產$60萬，如果樓價再次跌5成即係你即時負資產$120萬！唔供樓要破產，跌5成死供等 樓價升返上$300萬即係樓價要升一倍，咁你應該要住一世無得upgrade！
有網友問︰「馬沙，你未計買樓前要租樓呢。」, 老實講，我睇唔到點解想儲首期嘅人，會嘥錢走去租樓而唔係同屋企人住。我識得又靠自己買到樓嘅人，差不多全部買樓前都係同企人住。 唔好同我講乜鬼屋企唔夠地方住呀，同屋企人唔啱呀，呢啲係abnormal case！
又有網友問︰「之前有個印度佬同我講…..任何時候都係買樓時候…」。 無錯，誠哥之前幾年都係咁講 (值得注意係誠哥今次已經無再講），我都好認同，只不過呢個講法只適用於有足夠實力嘅人！ 咁點為之有足夠實力嘅人？
馬沙個人認為，俾足至少三成 （最好四成） 首期，按揭只做15年，每月供款佔家庭入息3成！點解？即使二人當中有一人失業家庭入息少一半，剩返嗰半供完樓仲有原本家庭入息2成頂住。二人當中有一人 長期失業或轉做家庭主婦，剩返嗰半頂唔順，可以加長按揭年期至20年。 再唔好彩遇上加息周期，仲可以加長按揭年期最長至30年或増加按揭成數最高至9成！如此，即使第日樓價大跌5成，呢類人好難同負資產拉上關係，更枉論破 產、燒炭！
(2015年1月22日刊於 全民媒體)
今日睇咗一篇題為「港人不吃17年 方能置業」嘅文章，幾值得大家討論一下。
首先，文章內用家庭年入息中位數同樓價中位數去計算，家庭年入息中位數月入得嗰 $24,000，乜最盡可以買到樓價中位數$489萬嘅樓咩？
我先用會計同業瓜瓜今日am730「誰放棄了靑年」篇文入面個計法︰
『現在樓價高企，在新界買個二手上車盤，怎麼樣也要300萬元左右（但朋友說已經很難找了），假設向銀行借足九成按揭並加借按揭保險，而且購買的樓 宇樓齡不 太舊，還款期可以拖至最長30年期，以目前最優惠利率5.25厘減3.1厘計算（即是2.15厘），每月供款額大約要10,545元。可是，要成功取得按 揭，還需要通過金管局要求的壓力測試，即以現行利率加3厘計算，而每月供款額必須低於其每月入息的60%。按此計算，最低每月入息至少要25,443 元。』
依上述計法，家庭月入得$24,000 ，點買300萬樓，更枉論「港人不吃17年 方能置業」篇文章內用樓價中位數 $489萬嘅樓去計17年呢個低B答案！
如果有人家庭月入得 $24,000又夠膽死諗住去買 $489萬嘅樓，第日跌市燒炭都真係唔駛可憐！其實以一家2大1小家庭，如果月入得 $24,000，供 $300萬嘅上車盤都好辛苦！
馬沙今日再講以下一些絕少人提出o既現實問題︰
首期︰成日話儲唔到首期嘅人，就以上述家庭月入得$24,000為例，買樓之前嘅一年,能否持續每月儲 $11,000？如果得，即係唔駛日日係到小狗「青年事務委員會主席陳振彬」話儲5、6年都儲唔到首期買樓，因為月儲$11,000, 唔駛3年就夠首期9成按揭上車 （用$300萬計）！ 如果唔得，咁比你上咗車又如何？你點應付每月供樓$10,545條數？都未同你計每月差响、管理費、水電煤，呢啲每月$1,500坐底，即係每月供樓負擔至少要$12,000！
供款︰再諗落去，上咗車之後要供30年！ 家庭月入$24,000一個人揾定兩個人揾？ 若果一個人揾,，突然失業又點？好彩兩個人揾，突然其中一個失業，剩返嗰個份糧又頂唔頂得順？
利率︰ 瓜瓜條數係用2.15厘計，若果短期內加息5厘去到7.15厘，大家知唔知每月變咗要供幾多錢？答案係 $18,236！供完樓 ($24,000-$18,236) 得返$5,764, 再交埋差响、管理費、水電煤 ($5,764-$1,500) 得返$4,264, 日子應該點過自己問下自己！
樓價︰現在$300萬可以買到乜樓？私樓大約15-30年內舊樓，10年內半新樓唔駛諗。 呎數一般300-400建築呎 (實呎210-280)， 呢類單位買咗要你住一世，你接唔接受？ 生小朋友又夠唔夠住？ 唔好同我講之後upgrade 換樓，即使你買完樓價無再升，upgrade 換樓樓價每多一百萬你人工要加$9,430 先合乎按揭標準。 若果你買完樓一個唔好彩，再次發生樓劫樓價跌3成即係你即時負資產$60萬，如果樓價再次跌5成即係你即時負資產$120萬！唔供樓要破產，跌5成死供等 樓價升返上$300萬即係樓價要升一倍，咁你應該要住一世無得upgrade！
有網友問︰「馬沙，你未計買樓前要租樓呢。」, 老實講，我睇唔到點解想儲首期嘅人，會嘥錢走去租樓而唔係同屋企人住。我識得又靠自己買到樓嘅人，差不多全部買樓前都係同企人住。 唔好同我講乜鬼屋企唔夠地方住呀，同屋企人唔啱呀，呢啲係abnormal case！
又有網友問︰「之前有個印度佬同我講…..任何時候都係買樓時候…」。 無錯，誠哥之前幾年都係咁講 (值得注意係誠哥今次已經無再講），我都好認同，只不過呢個講法只適用於有足夠實力嘅人！ 咁點為之有足夠實力嘅人？
馬沙個人認為，俾足至少三成 （最好四成） 首期，按揭只做15年，每月供款佔家庭入息3成！點解？即使二人當中有一人失業家庭入息少一半，剩返嗰半供完樓仲有原本家庭入息2成頂住。二人當中有一人 長期失業或轉做家庭主婦，剩返嗰半頂唔順，可以加長按揭年期至20年。 再唔好彩遇上加息周期，仲可以加長按揭年期最長至30年或増加按揭成數最高至9成！如此，即使第日樓價大跌5成，呢類人好難同負資產拉上關係，更枉論破 產、燒炭！
(2015年1月22日刊於 全民媒體)
星期四, 9月 25, 2014
等 • Smartone • 退訂
呢幾日傳媒不斷報導iPhone 6 果農損失如何慘重，查實市場上重有幾個大贏家！
首先要講嘅當然係夠膽死用炒價賣機嘅零售商。正所謂無圖無真相，馬沙早兩日就冒死衝入蘇寧影咗呢副相，當時仲大把自由行排隊等出機！
當零售店鋪用炒價賣機都有人買時，呢個就係iPhone 6 嘅fair value (公允價值）。所以當收機佬話iPhone 6 64G 回收價跌破IPO價只有$6,300 時，擺明就係搵果農笨柒。點解？蘇寧零售賣緊$8,688 呀老友！你拎部機企係蘇寜門口大叫: 「iPhone 6 64G 未開盒齊單 $8,000!」，分分鐘成班排緊隊嘅自由行向你狗衝！
今日馬沙呢篇文嘅重點，其實係想講下另一無本生利嘅大贏家 – 「Smartone」！
眾所週知，果農另一戰綫係出上台機之後劏機。各大電訊商今次同果店同步接受客戶預定上台iPhone 6 / 6 Plus 。唯獨Smartone 一間夠膽收取客戶$500 不可退回嘅定金。
好多人見今次Smartone 係咁推乜鬼登記Red Pass 預定，可以快人一步云云，又得佢敢收客$500定，諗住Smartone 應該有大量貨派比上台客，紛紛登記預定。
誰知iPhone 6 開賣，除了極少數客戶收到call 取機外，大部分預定客戶得個等字。最戲劇嘅係原先預定咗iPhone 6 Plus 嘅客紛紛收到Smartone 通知，內容大致係話iPhone Plus 無貨，預定客戶有個黃金機會由預定iPhone 6 Plus 轉去iPhone 6。
好喇！如今 iPhone 6 上市已經一星期，Smartone 依然無貨比預定客，而iPhone 6 回收價又跌至近原價，即係失去劏機賺錢嘅價值。一大班Smartone 預定客就落入咗進退兩難嘅困局，因為等到有機收時 (查實不知何年何月何日)，已經肯定無利可圖，但唔出機$500定金又收唔返即蝕。
於是乎，$500 定金變相就係向Smartone買咗一份期權。依家份期權時間值每日下跌，內在值亦跟住iPhone 回收價大跌 ，實質價值已經跌至近乎「零」。所以呢班比咗$500定金嘅客，好大機會唔會行駛呢份期權。咁Smartone 呢個期權發行商，就理所當然咁無本生利，「通殺」$500 期權金！
依家比咗定金班預定客，最不服氣唔係iPhone 無得炒，而係Smartone 收咗定無貨比人又唔主動比客退定。比得定金都係諗住快人一步出機，到周街都輕易買到，你Smartone 仲無貨比人，仲唔退定，Smartone 你究竟想點？
話時話，收客定金又不能在合理期間內供應合理數量的產品,可能已違反《商品說明條例》中「商戶接受市民付款後卻無意供應產品」。
最後, 希望大家可以將呢篇文廣傳，比啲壓力Smartone 管理層，因為真係好多比咗$500定金嘅預定客正在「等 • Smartone • 退定」！
(2014年9月25日刊於 全民媒體)
星期二, 9月 23, 2014
iPhone 6 64G 市場走勢分析
由於市場對iPhone 6 64G 睇法過份悲觀, iPhone 6 64G H股回收價反覆向下跌穿招股價HK$6,388，H股現價HK$6,300, 創上市5日新低。
iPhone 6 64G 5天RSI 跌穿30報25.52, 已呈嚴重超賣,預期會作出比較顯著反彈, 反彈目標為HK$7,000。
至於iPhone 6 64G A股回收價企隱RMB6,900 (約HK$8,970)。
由於中港iPhone 互通已準備好, 香港phone管局預期, iPhone H股 / A股回收價在未來一星期將進行回收價接軌。至於H股回收價會向上追A股回收價,還是A股回收價向下跟H股回收價,有待市場對iPhone 6 64G 未來一星期出貨量去確認!
iPhone 6 64G 5天RSI 跌穿30報25.52, 已呈嚴重超賣,預期會作出比較顯著反彈, 反彈目標為HK$7,000。
至於iPhone 6 64G A股回收價企隱RMB6,900 (約HK$8,970)。
由於中港iPhone 互通已準備好, 香港phone管局預期, iPhone H股 / A股回收價在未來一星期將進行回收價接軌。至於H股回收價會向上追A股回收價,還是A股回收價向下跟H股回收價,有待市場對iPhone 6 64G 未來一星期出貨量去確認!
(2014年9月24日刊於 全民媒體)
星期五, 1月 17, 2014
學好三年、學壞三日
客家諺語: 學好三年，學壞三日 【要把一個人教好可能要花三年，但一個人要學壞只要三日。】
會計師公會就「監管上市公司核數師的改革建議」向所有會員發出網上意見調査 (Online survey)! 我就塡咗,唔知各會員交咗未!
就我個人所見,好多會計師見到呢份嘢之後,不論係有直接利益關係嘅上巿公司核數師、看似無乜關係嘅非上巿公司核數師、以及表面睇完全無關係嘅商界會計師,都非常擔心,其擔心程度尤如共產黨明天就全面接收香港,接管香港所有行政、立法、司法權力一樣。
的而且確,今次改革建議係衝住會計師公會現行六大監管功能（即註冊、審查、調查、紀律處分、持續專業進修及準則制訂) 而來,但今次只限於監管上市公司核數師而已。不過,好多會計師就好擔心落實咗今次呢個方案之後,財務匯報局 (FRC) 就必定會進一步走向全面監管所有會計師。係咪會咁我就唔知,但小弟愚見係,上市公司核數師的而且確有需要受到監管!
我入行2x年,見過、聽過上市公司爆煲無數,除咗某幾位直接協助上市公司做假數嘅會計師被刑事起訴後,再由公會跟進釘牌,公會絕少主動或成功對上市公司核數師作出調查或責罰。唔好話行外人,就連我呢個局內人,都曾經無數次質疑公會係咪永遠唔敢郁四大會計師行?
就以最近肥胡 (胡定旭) 單嘢為例, 「專業行為不當，沒有遵守會計師獨立性的要求」證據確鑿,會計師公會紀律聆訊竟然玩咗十年, 係足足十年呀! 我聽完心中不其然泛起DLLM 四個英文字! 最令人爭議係案發時肥胡做EY坐館時唔郁佢,依家肥胡都無做會計師啦,會計師公會今日釘一個唔再需要會計師牌嘅人個會計師牌,其實有乜實質作用? 我會想呢個case如果交由財務匯報局 (FRC)著手調查,肥胡醫管局十年皇朝根本就不存在!
再講遠啲,當年「雅佳 」、「廣南」爆煲,點解無人要負責? 「廣南」核數師爆煲後竟然withdraw已經簽發咗嘅核數師報告都無事,會計師公會事後至今一句解釋都無,其監察透明度了勝於無,比我感覺又係由四大會計師行要員揸旗嘅會計師公會永遠唔會郁四大會計師行! 假若日後審查、調查權力交到財務匯報局 (FRC) 手,麻煩翻查一下呢類案件。
上市公司核數師由會計師公會自行監管,確實需要改革! 至於點改至好,是否將現行六大監管功能（即註冊、審查、調查、紀律處分、持續專業進修及準則制訂)通通交到財務匯報局 (FRC) 手,就緊係唔得啦, 例如註冊、紀律處分、持續專業進修及準則制訂等等,應該保留,而審查及調查交給財務匯報局 (FRC)著手處理及向外公報調查結果!
至於那個「財匯局可於收集部分資料,如正在調查的資料後,通知公會暫停對會計師事務所或個人會員的首次註冊或註冊續期」建議,就低能兼白痴,呢個擺到明叫未審先判,點可能係香港發生?
會計師公會就「監管上市公司核數師的改革建議」向所有會員發出網上意見調査 (Online survey)! 我就塡咗,唔知各會員交咗未!
就我個人所見,好多會計師見到呢份嘢之後,不論係有直接利益關係嘅上巿公司核數師、看似無乜關係嘅非上巿公司核數師、以及表面睇完全無關係嘅商界會計師,都非常擔心,其擔心程度尤如共產黨明天就全面接收香港,接管香港所有行政、立法、司法權力一樣。
的而且確,今次改革建議係衝住會計師公會現行六大監管功能（即註冊、審查、調查、紀律處分、持續專業進修及準則制訂) 而來,但今次只限於監管上市公司核數師而已。不過,好多會計師就好擔心落實咗今次呢個方案之後,財務匯報局 (FRC) 就必定會進一步走向全面監管所有會計師。係咪會咁我就唔知,但小弟愚見係,上市公司核數師的而且確有需要受到監管!
我入行2x年,見過、聽過上市公司爆煲無數,除咗某幾位直接協助上市公司做假數嘅會計師被刑事起訴後,再由公會跟進釘牌,公會絕少主動或成功對上市公司核數師作出調查或責罰。唔好話行外人,就連我呢個局內人,都曾經無數次質疑公會係咪永遠唔敢郁四大會計師行?
就以最近肥胡 (胡定旭) 單嘢為例, 「專業行為不當，沒有遵守會計師獨立性的要求」證據確鑿,會計師公會紀律聆訊竟然玩咗十年, 係足足十年呀! 我聽完心中不其然泛起DLLM 四個英文字! 最令人爭議係案發時肥胡做EY坐館時唔郁佢,依家肥胡都無做會計師啦,會計師公會今日釘一個唔再需要會計師牌嘅人個會計師牌,其實有乜實質作用? 我會想呢個case如果交由財務匯報局 (FRC)著手調查,肥胡醫管局十年皇朝根本就不存在!
再講遠啲,當年「雅佳 」、「廣南」爆煲,點解無人要負責? 「廣南」核數師爆煲後竟然withdraw已經簽發咗嘅核數師報告都無事,會計師公會事後至今一句解釋都無,其監察透明度了勝於無,比我感覺又係由四大會計師行要員揸旗嘅會計師公會永遠唔會郁四大會計師行! 假若日後審查、調查權力交到財務匯報局 (FRC) 手,麻煩翻查一下呢類案件。
上市公司核數師由會計師公會自行監管,確實需要改革! 至於點改至好,是否將現行六大監管功能（即註冊、審查、調查、紀律處分、持續專業進修及準則制訂)通通交到財務匯報局 (FRC) 手,就緊係唔得啦, 例如註冊、紀律處分、持續專業進修及準則制訂等等,應該保留,而審查及調查交給財務匯報局 (FRC)著手處理及向外公報調查結果!
至於那個「財匯局可於收集部分資料,如正在調查的資料後,通知公會暫停對會計師事務所或個人會員的首次註冊或註冊續期」建議,就低能兼白痴,呢個擺到明叫未審先判,點可能係香港發生?
星期五, 1月 03, 2014
小錯無限放大,德政無人提!
今朝返工時聽到政府有意提出呢個對全港打工仔都有莫大好處嘅德政,到依家就快放工,竟然無乜傳媒報導!
一向自命幫打工仔嘅「你桌球」、工聯會去L咗邊呀........
oh... 差啲唔記得咗「你桌球」自己遣散員工都係在對沖機制下,在僱員的強積金戶口拎錢賠比人.....
商界就唔同啦,即刻要求約見梁振英要求撤回。點解商界一直咁怕梁鷹做特首,咪就係因為梁鷹唔怕得罪商界去惠及打工仔囉!
講真,「強搶金」呢個對打工仔咁唔公平嘅「對沖機制」,我都鬧咗近10年,竟然無一個人為打工仔去爭取,拖咗13年先由政府提出,啲所謂為勞工爭取權益嘅政掍,去食屎啦!
**************************************************************************************
**************************************************************************************
**************************************************************************************
**************************************************************************************
政府擬降低強積金對沖比例
【now新聞台】行政長官梁振英本月十五日會發表任內第二份施政報告。據了解，政府有意提出降低強積金的對沖比例，僱 員被解僱後，所獲的遣散費及長期服務金，不能以僱主的強積金供款權益抵銷。消息引起商界極大反彈，擔心會提高經營成本及增加僱員轉工誘因，已約見梁振英要 求撤回。
強積金實施超過十年，但有僱員的強積金戶口儲到並的不多，其中一個原因可能是強積金有對沖機制。
例如一名月薪12000元的僱員，僱主每月要幫他供入息百分之五作為強積金；如果工作十年薪金沒變，累積供款大約有72000元。如果被遣散，僱主要向他支付80000元的遣散費。但在對沖機制下，僱主可以在僱員的強積金戶口取回他十年來供的72000元。
梁振英在競選時曾經向勞工界承諾檢討對沖機制。據了解，這個承諾有可能在即將發表的施政報告中兌現。消息說，梁振英正考慮逐步減少可對沖的比例，直至最終完全不能對沖，亦可能分兩個階段取消對沖遣散費及長期服務金。
僱員得益，但商界就質疑，做法破壞當年成立強積金的共識。
強積金成立以來，共有187億被對沖。勞工界認為，對沖機制令僱員無意慾管理好強積金組合，取消可以挽回信心。
立法會議員鄧家彪認為，隨人口老化，強積金是退休保障重要支柱，大家管理好可以減少未來福利負擔。
http://hk.news.yahoo.com/%E6%94%BF%E5%BA%9C%E6%93%AC%E9%99%8D%E4%BD%8E%E5%BC%B7%E7%A9%8D%E9%87%91%E5%B0%8D%E6%B2%96%E6%AF%94%E4%BE%8B-001550339.html#
星期二, 11月 19, 2013
最強幻象
呢個「昇薈 THE VISIONARY」 長達2.5分鐘嘅賣樓廣告,所傳達嘅信息係音樂家買咗佢,溝到靚老婆,生個仔長大又做咗音樂家,之後又溝到靚老婆,一代一代咁生個音樂家去溝到靚老婆.......無限loop..... 咁.........
之但係條片講音樂家嘅溝女環境、個仔長大嘅快樂環境 ........ 通通寫到明都係「並非昇薈設施之實景」,即係全部都係幻象.......無一樣係真.....
買咗昇薈之後,現實除咗「昇薈設施之實景」可以走哂樣外,老婆個樣嘅「實景」當然一樣會有好大落差......
片尾以「眼光 決定將來」來介紹呢個「昇薈 THE VISIONARY」,至於呢個樓盤係邊呢,長達2.5分鐘嘅賣樓廣告就提都無提過,要睇到最後兩秒先寫住喺東涌........
講到呢到,我淨係想講新「商品說明條例」其實有乜用,發展商一樣照舊用最強幻象去吸引無知嘅買家!
之但係條片講音樂家嘅溝女環境、個仔長大嘅快樂環境 ........ 通通寫到明都係「並非昇薈設施之實景」,即係全部都係幻象.......無一樣係真.....
買咗昇薈之後,現實除咗「昇薈設施之實景」可以走哂樣外,老婆個樣嘅「實景」當然一樣會有好大落差......
片尾以「眼光 決定將來」來介紹呢個「昇薈 THE VISIONARY」,至於呢個樓盤係邊呢,長達2.5分鐘嘅賣樓廣告就提都無提過,要睇到最後兩秒先寫住喺東涌........
講到呢到,我淨係想講新「商品說明條例」其實有乜用,發展商一樣照舊用最強幻象去吸引無知嘅買家!
星期五, 3月 01, 2013
樓價痴線系列 (九)
好老實咁講,香港住屋問題根本唔關乜嘢「比港共攪到無左」事!
老董當年提倡8萬5就係希望人人有屋住(即係依家大部份人想要嘢嘢),可惜老董生不蓬時,不幸遇上亞洲金融風暴,出現咗回歸以來第一場樓劫!
香港人乜都賴人,樓劫就賴8萬5,當日香港人日屌夜屌,最後如你地所願,8萬5無咗, 最後仲要暫時停建居屋嚟托住樓巿!
好啦,當日香港人日屌夜屌,終於屌到老董下台,開哂香檳.....
好大喜功嘅貪曾上台,為咗討好香港人,條PK永久閣置起居屋,唔Q定期賣地改勾地,大減土地供應!
哈.....明知未來可供出售單位會大減,又竟然無人出嚟屌喎.....點解? 因為有樓及負資產終於可以再次GO...GO...GO.... 理9得你班無產及未上車人士.....
好啦.....07年急升....到08年金融海嘯都阻唔住升勢, 香港人開始正視唔夠供應嘅問題, 就日屌夜屌要求重建居屋, 貪曾真係采你都有味 ....... 你地越日屌夜屌,佢就繼續話之你死! 到差不多夠鐘走人,咪是9旦旦話復建居屋囉!
終於到梁鷹上場, 全港樓價升到完全脫離現實!
私樓未來可供出售單位比班所謂「地產霸權」嘅發展商玩到無乜供應之餘, 可供出售嘅通通變成豪宅成萬蚊呎咁賣......
居屋啱啱先話復建,起樓唔駛時間咩!
公屋呢? 根本唔係起得唔夠快, 實際已經不斷咁起,而且起得好L快! 問題係突然多咗好多人去申請! 香港人真係好醒,依家好多年青人一夠秤就排住隊去申請,以公屋輪候人數去睇,點起都唔夠,每年有幾多人夠秤排住隊加入公屋輪候册?
今時今日,香港人又日屌夜屌梁鷹叫佢下台,直情未上台就想屌到佢落台,其實我上面講嘅「私樓供應短缺問題」、「居屋起唔切問題」、「公屋起極唔夠問題」, 關佢Q事咩?
要屌都屌一手促成所謂「地產霸權」及「樓市泡沫」嘅貪曾啦!
唔賣地增加私樓供應關佢事! 早幾年(07、08年)唔急市民屎急立即復建居屋關佢事,早幾年(07、08年)應市民要求復建居屋,依家大量供應就啱啱好! 嗰啲乜柒SSD、BSD、DSD、TVB 早幾年就要出!
最後,我想講嘅係, 貪曾在位一手促成嘅所謂「地產霸權」及「樓市泡沫」,梁鷹正式上場短短九個月,我見到佢真係一步一步撥亂反正中, 起碼有努力去揾地起公、居屋! 嗰啲乜柒SSD、BSD、TVB 、ATV、CCTV 係咁出.......
下年度(即4月起)取消勾地機制,政府從掌土地供應的主導權,即係可以大量供應,唔到班發展商一齊玩嘢唔勾地!
基本上我認為梁鷹一直盡力將房屋問題修正及重回正軌，依家越嚟越正路,只係需要時間一步一步咁嚟！
老董當年提倡8萬5就係希望人人有屋住(即係依家大部份人想要嘢嘢),可惜老董生不蓬時,不幸遇上亞洲金融風暴,出現咗回歸以來第一場樓劫!
香港人乜都賴人,樓劫就賴8萬5,當日香港人日屌夜屌,最後如你地所願,8萬5無咗, 最後仲要暫時停建居屋嚟托住樓巿!
好啦,當日香港人日屌夜屌,終於屌到老董下台,開哂香檳.....
好大喜功嘅貪曾上台,為咗討好香港人,條PK永久閣置起居屋,唔Q定期賣地改勾地,大減土地供應!
哈.....明知未來可供出售單位會大減,又竟然無人出嚟屌喎.....點解? 因為有樓及負資產終於可以再次GO...GO...GO.... 理9得你班無產及未上車人士.....
好啦.....07年急升....到08年金融海嘯都阻唔住升勢, 香港人開始正視唔夠供應嘅問題, 就日屌夜屌要求重建居屋, 貪曾真係采你都有味 ....... 你地越日屌夜屌,佢就繼續話之你死! 到差不多夠鐘走人,咪是9旦旦話復建居屋囉!
終於到梁鷹上場, 全港樓價升到完全脫離現實!
私樓未來可供出售單位比班所謂「地產霸權」嘅發展商玩到無乜供應之餘, 可供出售嘅通通變成豪宅成萬蚊呎咁賣......
居屋啱啱先話復建,起樓唔駛時間咩!
公屋呢? 根本唔係起得唔夠快, 實際已經不斷咁起,而且起得好L快! 問題係突然多咗好多人去申請! 香港人真係好醒,依家好多年青人一夠秤就排住隊去申請,以公屋輪候人數去睇,點起都唔夠,每年有幾多人夠秤排住隊加入公屋輪候册?
今時今日,香港人又日屌夜屌梁鷹叫佢下台,直情未上台就想屌到佢落台,其實我上面講嘅「私樓供應短缺問題」、「居屋起唔切問題」、「公屋起極唔夠問題」, 關佢Q事咩?
要屌都屌一手促成所謂「地產霸權」及「樓市泡沫」嘅貪曾啦!
唔賣地增加私樓供應關佢事! 早幾年(07、08年)唔急市民屎急立即復建居屋關佢事,早幾年(07、08年)應市民要求復建居屋,依家大量供應就啱啱好! 嗰啲乜柒SSD、BSD、DSD、TVB 早幾年就要出!
最後,我想講嘅係, 貪曾在位一手促成嘅所謂「地產霸權」及「樓市泡沫」,梁鷹正式上場短短九個月,我見到佢真係一步一步撥亂反正中, 起碼有努力去揾地起公、居屋! 嗰啲乜柒SSD、BSD、TVB 、ATV、CCTV 係咁出.......
下年度(即4月起)取消勾地機制,政府從掌土地供應的主導權,即係可以大量供應,唔到班發展商一齊玩嘢唔勾地!
基本上我認為梁鷹一直盡力將房屋問題修正及重回正軌，依家越嚟越正路,只係需要時間一步一步咁嚟！
訂閱：
文章 (Atom)