先辭職、再被炒

拋開所有政治因素,純講HR問題,其實伍珮瑩打咗咁耐工,講嘅嘢都幾低B! 首先,佢認咗係佢自己先提出辭職,其後總公司高層來港開會,叫她即日離職!

香港各大傳媒、市民就將呢個解讀成「伍珮瑩先辭職再被炒」! 各大傳媒、市民個個鬧威普公司好PK, 明明係伍珮瑩辭職在先,做乜仲走去炒人,無良顧主兼炒人唔賠錢!

睇返伍珮瑩尋日記招,更加證明根本無「被炒」呢回事,只係各大傳媒有心做新聞,無知巿民又人講乜就信乜,下下先入為主,當正伍珮瑩係英雄,乜鬼因「仗義執言」被炒!

要分析呢單嘢好鬼簡單:

第一,伍珮瑩清楚表示,自己先向顧問公司威普呈辭獲接納! 「呈辭獲接納」係呢個CASE 係重中之重! 即係話,伍珮瑩呈辭 (RESIGN) 並獲顧主 接納 (ACCEPT), 咁由顧主接納佢呈辭嗰刻開始, 伍珮瑩已進入咗離職通知期,根據伍珮瑩追薪資料,佢嘅職位呈辭要俾3個月通知期 (合乎一般公司高層3-6個月通知期);

第二,伍珮瑩表示,周刊其後刊出報道後,威普再出信將伍解僱 (估計目的是「唔想俾錢」。而伍連假期都未獲賠,通知期亦欠奉。)! 問題就係到喇,其實一間公司係「絕對唔會」炒一個已進入咗離職通知期嘅員工,因為理論上呢位員工已經辭L咗職,干脆叫佢通知期唔駛返工即刻走就得,仲炒乜 Q? 伍珮瑩對外聲稱自己被「解僱」已經錯到不得了,正確係佢自己「辭職」,公司唔使佢3個月通知期返工,叫她即日離職先至啱!

所以現實根本唔會有「先辭職、再被炒」呢回膠事! 呢句說話你講出嚟我唔笑9你,其實係我有修養而已!

呢單嘢唯一有討論價值係「錢」! 打過下工嘅人都應該好清楚,一般情況,不論辭職或被炒,都有個叫「通知期」存在,一般人通知期係1個月、中高層就3個月、非常重要職位就半年甚至1年都唔奇,總之顧傭合約應該寫得淸淸楚楚!

先講公司炒人,因為較為簡單:
1) 公司要炒人,理論上要比通知期,不過現實世界,除咗啲孤寒又怕蝕底嘅老闆外,十居其九都係賠錢(代通知金)比被炒員,叫被炒員工即日走!

2) 另一常見方法咪叫你打封信自己辭職,同意免你通知期,比你即走囉! 好處係你仲可以大大聲同新顧主講你係自動離職,唔係比公司炒囉!

3) 捉你違反合理命令,免賠即炒!

以上要錢定要公司reference letter, 自己決定啦!

再講員工辭職:
1) 正常人比辭職信公司又獲公司接納 (事實係根本無得唔接納),好嚟好去有交帶,咪做埋通知期(一般人1個月)先走人囉! 如果辭職員工想即刻離職 (例如趕住返新工),咪同樣賠錢(代通知金)比公司囉,打工仔無人唔知掛?

2) 另一個較為複雜嘅係公司與員工關係持續不良,即係員工俗稱「博炒」,比員工博到,咪收多個月代通知金走人囉! 博極公司都唔炒,反被公司玩返轉頭頂唔順自己辭職,比人玩多個月囉! 不過好多公司都怕鬼咗呢啲員工係通知期攪亂檔,叫呢啲員工通知期唔駛返工即日走! 理論上公司咁做,雖然呢啲員工通知期無再返工,但係錢係要照俾,之但係公司肯白白咁賠呢個月人工比呢啲員工,一早就賠錢炒Q咗佢啦! 咁點好呢,現實世界,咪口講經雙方協商後,公司同意免去員工通知期,允許員工即日走囉! 員工當然可以堅持唔就犯,但通知期一定好難過囉 (例如叫你搬去廁所門口坐、全日唔俾嘢你做要你坐到直一直又唔準做任何私人嘢)!

http://www.metrohk.com.hk/?cmd=detail&id=229386

雞鵝髀飯

尋日王維基係報紙話幾個月前去銅記茶仔,食咗客雞鵝髀飯索價$165元好Q貴,都係自由行惹嘅禍! 

於是有報紙就係銅記周Q圍揾下邊間茶仔雞鵝髀飯賣$165元咁Q貴,點知揾極都揾唔到,王維基你究竟係邊間茶仔食索價$165元一客嘅雞鵝髀飯?

其實我認為,要評論物價,用一碟普通燒味雙拼去比較係咪公平及合理啲呢,有幾多普通巿民會去茶仔加錢叫雙髀飯?

不過再話時話,即使$165元一客嘅雞鵝髀飯,點都抵過之前某茶仔推出$128嘅低B餐蛋飯!

老實講,其實我認為去茶仔比$165元食雞鵝髀飯,已經顯示呢條友本身相當ON9! 比得起$165元食雞鵝髀飯,點解要係茶仔食? 去中環鏞記一級食府食一碟雞鵝髀飯都係$140元!

其實我覺得去太興食碟雞飯收$61已經離哂大普,我去泉章居食碟招牌鹽焗雞飯開壺靚茶慢慢嘆先收$42!

好文共賞 (三)

糟老頭真係勁,一氣呵成寫哂回歸至今成台戲,同我睇法完全一樣!

如果能加入埋董營梁粉蟲呢位MPS劊子手如何未上戰場,就比MPS 利益集團暗殺,就very good !

**********************************************
**********************************************

作者: 糟老頭

法律要求電台要拎牌, 所以傷台雖名為商業, 但行事要付合社會公眾既合理期望, 係可以理解.

正正就係咁, 你小姐作為 烽煙節目主持, 應炒, 一早炒. 唯有如此, 方能璋顯香港言論自由.

何解 ?

你小姐有明顯政治立場, 有 agenda ( 反鷹), 乃是不爭之事實. 相信佢自己都要認. 既然如此, 她應去從政, 參黨, 組黨, 競選議員, 或是打正旗號做時事評論員 , 一樣可以海闊天空發光發熱, 我都會耐不耐聽下, I promise .

郁文, 長毛就係好例子. 你套理論只要有人 buy, 當選議席自然就可以在廟堂之上大發高論, 甚至掟蕉掟你姥姆西, 誰曰不宜 ? 邊個話香港冇言論自由 ? 真係劈大眼講大話.

但以你小姐有明顯政治立場之身, 點解可以以咩「不偏不依不群不黨」去做 烽煙節目主持, 其實係霸住個大氣電波去握殺異見聲音, 實則去實行你既 hidden agenda ? 你應該去做受訪嘉賓先o岩 !

佢其實係繼承緊某條大石班既舊路. ie,

老懵董時期, 要打擊地主黨同 MPS 利益集團, 彼方自然聯手反擊. 策略之一, 就係搵條大石班係電台發功, 拆老懵董台. 佢非常之成功, 令老懵董腳疼下台, 換上一個高地價同 MPS 利益集團代言人煲呔僧. 終其任內, 香港公共房屋供應大減, 樓價大昇. 依家幾十萬人住當ij 房就係佢既 legacy, 可笑既就係, 受害者冇人識得追究佢. 而隻大石班呢 ? 佢以民意領袖身份, 高票當選議員, 而哩度先係佢露出真面目既地方. 佢係個度做過尐乜? 正正就係乜都冇 ! 粒聲都冇 ! Because mission already accomplished !
到第三個凸手選舉 , 爆出九龍塘大宅 僭建風波. 你小姐搵當事人上台解畫, 言辭間大有護航味道, 因為主角正正就係高地價同 MPS 利益集團栽培已久既代言人.

無怪近日九龍塘大宅男, 同另一個前朝怨婦即刻走出黎撐阿你小姐, 因為你小姐既任務, 就係要重演一次老董腳痛 , 可惜出師未捷身先死.

佢將佢既被炒, 政治化裝成打壓言論自由, 而無視佢自已利用公眾既大氣電波中進行黨同伐異, 限制不同意見人仕發聲, 去鋪排另一個高地價同 MPS 利益集團既代言人上台既行徑. 可笑復可哀者也.

郁文講得冇錯, 當日郁文被炒時, 你小姐你有冇為「言論自由被打壓」出過聲 ?

反政府記者協會

今日最好笑嘅笑話，係那個垃圾記者協會原來係「反政府記者協會」！

話說基本法委員會委員流奶強2012年向那個垃圾記者協會投訴，其專欄無啦啦被人言報「滅聲」，但記協完全沒有協助！

記協回應話當年流奶強的投訴，舉證不足所以難以跟進！記協副主席任美貞話，流奶強當年未能說明清楚涉及哪些文章，以及引起乜嘢爭議被「滅聲」，即無證無據，所以無法指控人言報及要求人言報回應，因此無處理呢單投訴！

問題就嚟，你胃零同樣指控傷台滅佢聲，同樣冇提出任何實質證據，點解垃圾記協又全力幫你胃零出頭，又高調開記招力撐你胃零，周日重攪乜鬼炒魷大遊行呢？

就呢兩件睇，垃圾記協持雙重標準，歡迎親中愛國評論人被滅聲嘅同時，全力捍衛反政府評論人，咁即係話垃圾記協嘅宗旨淨係支持反政府、鬧689嘅言論自由，即係記協已經由「垃圾級」升級至「反政府級」，即正式成為「反政府記者協會」！

智障研究報告

如果星養兒開支300萬、英200萬,而香港竟然要860萬,只能說香港人智障!

香港人點解咁智障? 咪就係因為香港有智障研究中心呢類智障研究報告囉!

話養一名子女到18歲大時約要860萬,簡單計咁平均每個月 ($860萬除18年再12個月) 即係要$39,815! 睇到依個數就知個研究有幾智障!

香港中產家庭入息中位數係幾多? 養一件平均每個月要$39,815, 咁養兩件平均每個月要$79,630! 事實真係咁的話,香港9成中產家庭小朋友已經死咗9世啦!

老實講,呢個智障研究中心副主席劉鳴煒,眾所周知係富豪大劉個長子,佢對孖仔依家每個月洗佢$79,630唔出奇,不過無理由將自己富豪式洗費講成普通中產家庭生活水平估計!

******************************************************************************

養子女到讀大學 要花860萬

【經濟日報專訊】在香港養大一個小朋友究竟要花費多少？最新估計指，中產家庭撫養子女到大學畢業，需550萬元，若計算通脹更高達860萬元，遠高於英國及新加坡。

養兒開支之巨嚇怕年輕夫婦，至2031年，生育率仍處於1.19的低水平，有研究建議加強移民政策。
有學者直指，教養子女不應以金錢來衡量，明言「家長教育」，才是本港現時需要的。

智經研究中心根據最新的生活水平估計，現時一個中產家庭由小朋友出生到大學畢業，養育費用高達550萬元，如把通脹計算入內，到子女大學畢業時，總「成本」更達860萬元。

星養兒開支300萬 英200萬

而在新加坡，養兒育女的開支大約為300萬港元，至於在英國撫養一名子女到18歲大時，約只要200萬港元。

該中心副主席劉鳴煒指出，即使政府提供經濟誘因，亦難以提高本地生育率：「就算俾兩、三萬元生育津貼，但養大個小朋友要幾百萬元，根本幫唔到夫婦。」

對於養大子女需要花逾500萬元，嶺大公共政策研究中心主任何濼生直言，教養子女並非以錢行先，強調關鍵是精神及時間，「個數根本無譜，因為視乎你如何花錢，你話要再多些都可以。」
他認為，「家長教育」才是現今香港缺少的一環，不少父母不懂與子女相處，遑論建立親子關係，「好多人是『無符』，教細路教到驚，不知如何與他們溝通。」
學者：家長教育 才最重要

事實上，開支大，窒礙港人選擇多生育。根據智經研究中心最新發表的《香港至2030年的人口及人力需求》研究報告，到2031年，本港生育率將只有1.19，遠低於更替水平、即每名婦女要生2.1名子女。

報告又指，屆時本港人口遇到的其他3大挑戰，包括人口老齡化，即每1,000名年齡介乎15至64歲的人士，就要撫養578名年齡15歲以下及65歲以上的人士；其次是勞動力萎縮至350萬人，並需要額外50萬勞動人口；以及難以吸引及挽留人才。
報告建議，政府應檢視移民及入境政策，鼓勵有財力及教育水平高的雙非家長有秩序地來港，並吸納東南亞鄰近國家的專才，以及吸引海外港人回流等。
新移民生育高 人口勿設限
劉鳴煒解釋，根據英國及澳洲的經驗，新移民女性的生育率較本土女性高，加上透過各種移民及入境政策，政府可以控制輸入優質人才，因此，加強移民政策既有助本港提高生育率，亦能補充優質勞動力。
要吸引大量的移民來港，劉認為首先不需要為本港人口設定上限，「人口上限只是一種排斥主義的講法……香港一直都在發展，會起新樓、會重建，有能力容納更多人。」
劉鳴煒認同人口政策「不單是一盤數字」，政府需要考慮港人感受，以達致社會共識。
他呼籲政府應該先詳細檢討目前的人口政策，以及計算人口政策所需要涉及的財政收支，包括經濟生產力數字、醫護開支等。

http://hk.news.yahoo.com/%E9%A4%8A%E5%AD%90%E5%A5%B3%E5%88%B0%E8%AE%80%E5%A4%A7%E5%AD%B8-%E8%A6%81%E8%8A%B1860%E8%90%AC-225550034.html;_ylt=As4AC024YSVFrhvLw2VyyPCqVsd_;_ylu=X3oDMTExZXU1YmFrBG1pdAMEcG9zAzIyBHNlYwNNZWRpYVRvcFN0b3J5VGVtcA--;_ylg=X3oDMTBmaG90YXE3BGxhbmcDemgtSGFudC1ISw--;_ylv=3

市民有乜嘢損失?

田少你自己少咗隻馬前卒,係你自己損失吧!
 
咪L又騎劫「全港市民」個名啦,我作為市民,幾時有授權你條L樣代表我?
 
「炒魷」就「炒魷」啦,成日創埋啲「被乜乜」、「被物物」,你班L樣先至係語言偽術専家!
 
話時話,你胃零比傷台炒L咗,我不知幾L開心,有乜L嘢損失?

 *********************************************************
 

田北俊：李慧玲被消失是市民損失

【反滅聲撐新聞自由2.23上街】
李慧玲未入商台前，是專跑政治線的記者，天天遊走於議員與政府之間。同樣在政壇打滾多年的自由黨黨魁田北俊指，李慧玲是個「句句到肉」的新聞從業員，即使對他也毫不客氣，窮追猛打，認為她被消失於大氣電波，是市民的損失。
在 田北俊眼中，令他記得起的電台節目主持沒有多少個，想起的只有名嘴鄭經翰、黃毓民和李慧玲，三人也是收聽率高的主持，除了說話出位，也是因為他們敢於批評 政府。他指，港台、商台同樣也有晨早烽煙節目，但認為李慧玲主持的烽煙節目有號召力，善於啟發聽眾對分析時事的興趣，是個稱職的時事節目主持人，「李慧玲 講嘢到肉，揀嘅課題、關注嘅方式都係到肉，唔到肉係冇人聽㗎！」

對李既愛且恨

田北俊又表示，現時「連名都噏唔出」的主持，就是沒有號召力。
在大氣電波備受批評，心中當然不快，田北俊對李慧玲是既愛且恨：「對於我田北俊嚟講，有時李慧玲講嘢係啱聽，有時我都會覺得，佢係唔啱聽，例如我都唔鍾意佢叫我黨友張宇人做『張廿蚊』，但係整體上都係支持佢。」
高官不願上李慧玲節目以免醜態百出，出席過多次李慧玲節目的田北俊形容李慧玲做訪問時「幾犀利」：「佢都『將』得我好行，我講咗樣嘢，佢會不斷地挑戰我，例如我以前做旅發局主席、自由黨同梁振英嘅關係，我講一句嘢，佢會繼續『將』住我，好似要我不斷解釋點解咁睇。」
田北俊表示，商台有必要解釋清楚解僱李慧玲的原因，認為近日流傳解僱李慧玲的不同原因也並非無道理，難以理解商台不說個明白。
田北俊說：「你（李慧玲）日日喺度鬧老闆、鬧商台，我作為商界嘅代表，做老闆唔炒你先奇啦，老闆真係冇理由請個夥計，日日係咁喺度鬧老闆，商台咁樣解釋，總好過唔解釋吖嘛。」

你知道嗎? 你 (老董) 是最好的!

牛胃郷頭先係立鴨會竟然公開承認，老懵董係回歸以來，三位特首中最好嘅一個!
 

牛胃鄉都好厚顏無恥下，當年佢都有份日日大大聲屌㭍老懵董落台，依家竟然講呢啲！
 

最好笑係之後譚耀宗發言，老譚把握機會串牛胃郷，話佢今日回望就話老董係最好，話唔定妳要過多幾年先發覺到梁鷹係最好嘅特首!

傳媒人騎劫「香港人」

估唔到連豬場新聞創辦人劉細良呢個級數都恐共恐到儍撚咗!

起個題「香港人憤怒了」都夠膽死! 你劉細良憑乜嘢騎劫「香港人」三個字?

你憤怒係你嘅事,唔好動不動就代表「香港人」發聲!

你胃零被傷台炒魷,幾L多香港人在寒風中站出來開香檳慶祝,你知唔L知?

對於你胃零被傷台炒魷,香港人開心嘅多定憤怒嘅多唔係由你劉細良一個人講咗就算,如果憑你一個人就騎劫咗「香港人」三個字,代表「香港人」發表乜L嘢「香港人憤怒了」,咁香港就唔單止 Freedom of Speech is Dead, 直頭可以熄燈!

另外,商台幾時變L咗公共機構（Public Body）, 商台管理層幾時又變L咗公職人員（Public Servant）? 如果商台炒你胃零必須向公眾解釋炒你胃零原因,咁係咪以後商台炒任何一個員工都必須向公眾解釋原因?

如果你立論正確,TVB同樣都係受通訊局監管的發牌傳媒機構,咁TVB 炒個新聞小花係咪都必須向公眾解釋原因? 否則通訊局,工商局要介入要求TVB交代,而立法會議員更應該介入,調查是否有其他公職人員濫用職權,脅迫TVB內之公職人員去解僱個新聞小花?

*********************************************************
*********************************************************

香港人憤怒了

李慧玲被商台突然解僱，商台不作解釋，只有八個字金句口號：「君子相分、不出惡言」。此種典型俞琤四字金句，比梁振英那一句「未富先驕」，更令人憤怒。
首先商台管理層要明白，解僱李慧玲不是俞琤或陳志雲與她私人朋友絶交事件，而是關乎新聞自由，關乎公眾利益的事件，商台解僱李慧玲不是私人公司解僱員工， 商台是受通訊局監管的發牌傳媒機構，屬公共機構（Public Body） ，商台管理層屬公職人員（Public Servant），不單受防賄條例約束，同時更受普通法中公職人員行為失當罪所約束，目的是阻止除收受利益以外，其他濫用職權行為。
根據公務員事務局有關小冊子解釋，公職人員行為失當罪存在，「原因是公職人員獲賦予為公眾利益而行使的權力。有權自有責，他們有責任在行使權力時以公眾利益為依歸。公眾期望所有公職人員在行使有關權力及酌情權時，均秉持崇高的誠信及操守」。
因此商台必須向公眾解釋突然解僱李慧玲原因，否則通訊局，工商局有要介入要求商台交代，而立法會議員更應該介入，調查是否有其他公職人員濫用職權，脅迫商 台內之公職人員去解僱李慧玲。香港新聞自由已步入隆冬，一個又一個資深傳媒人被調職，解僱，傳媒不斷收緊言論空間，審查作者言論，刪稿甚至借改版之名換走 批評政府之作者。
李慧玲事件，是最新一宗，也是最粗暴的一宗，商台員工、香港傳媒工作者、廣大市民，我們還容許這種情況一而再，再而三地出現嗎？新聞自由的喪鐘已響徹天空，香港這個在亞洲有深厚自由傳統的城市，將會在我們這一代手上淪喪！

http://thehousenews.com/media/%E9%A6%99%E6%B8%AF%E4%BA%BA%E6%86%A4%E6%80%92%E4%BA%86/ 

Freedom of Speech is NOT Dead!

一個地方,任何人都可以公開以任何形式,大大聲咁屌任何一個佢唔鍾意嘅人,呢啲咪叫「Freedom of Speech」囉!

乜依家香港唔可以公開屌人咩?

明明日日都大把人係各傳播媒體、FB 起勢咁屌行政長官、各級政府官員。就連尊貴嘅立法會議員都經常係會議廳入面,公開大大聲咁屌行政長官,屌到比人趕出會議廳方休。

由呢班由朝到晚淨係識屌人,又毫無建議嘅人,講「Freedom of Speech is Dead」,真係笑L死我!

言論自由已死? 死L 咗去邊呀?

學好三年、學壞三日

客家諺語: 學好三年，學壞三日 【要把一個人教好可能要花三年，但一個人要學壞只要三日。】

會計師公會就「監管上市公司核數師的改革建議」向所有會員發出網上意見調査 (Online survey)! 我就塡咗,唔知各會員交咗未!

就我個人所見,好多會計師見到呢份嘢之後,不論係有直接利益關係嘅上巿公司核數師、看似無乜關係嘅非上巿公司核數師、以及表面睇完全無關係嘅商界會計師,都非常擔心,其擔心程度尤如共產黨明天就全面接收香港,接管香港所有行政、立法、司法權力一樣。

的而且確,今次改革建議係衝住會計師公會現行六大監管功能（即註冊、審查、調查、紀律處分、持續專業進修及準則制訂) 而來,但今次只限於監管上市公司核數師而已。不過,好多會計師就好擔心落實咗今次呢個方案之後,財務匯報局 (FRC) 就必定會進一步走向全面監管所有會計師。係咪會咁我就唔知,但小弟愚見係,上市公司核數師的而且確有需要受到監管!

我入行2x年,見過、聽過上市公司爆煲無數,除咗某幾位直接協助上市公司做假數嘅會計師被刑事起訴後,再由公會跟進釘牌,公會絕少主動或成功對上市公司核數師作出調查或責罰。唔好話行外人,就連我呢個局內人,都曾經無數次質疑公會係咪永遠唔敢郁四大會計師行?

就以最近肥胡 (胡定旭) 單嘢為例, 「專業行為不當，沒有遵守會計師獨立性的要求」證據確鑿,會計師公會紀律聆訊竟然玩咗十年, 係足足十年呀! 我聽完心中不其然泛起DLLM 四個英文字! 最令人爭議係案發時肥胡做EY坐館時唔郁佢,依家肥胡都無做會計師啦,會計師公會今日釘一個唔再需要會計師牌嘅人個會計師牌,其實有乜實質作用? 我會想呢個case如果交由財務匯報局 (FRC)著手調查,肥胡醫管局十年皇朝根本就不存在!

再講遠啲,當年「雅佳 」、「廣南」爆煲,點解無人要負責? 「廣南」核數師爆煲後竟然withdraw已經簽發咗嘅核數師報告都無事,會計師公會事後至今一句解釋都無,其監察透明度了勝於無,比我感覺又係由四大會計師行要員揸旗嘅會計師公會永遠唔會郁四大會計師行! 假若日後審查、調查權力交到財務匯報局 (FRC) 手,麻煩翻查一下呢類案件。

上市公司核數師由會計師公會自行監管,確實需要改革! 至於點改至好,是否將現行六大監管功能（即註冊、審查、調查、紀律處分、持續專業進修及準則制訂)通通交到財務匯報局 (FRC) 手,就緊係唔得啦, 例如註冊、紀律處分、持續專業進修及準則制訂等等,應該保留,而審查及調查交給財務匯報局 (FRC)著手處理及向外公報調查結果!

至於那個「財匯局可於收集部分資料,如正在調查的資料後,通知公會暫停對會計師事務所或個人會員的首次註冊或註冊續期」建議,就低能兼白痴,呢個擺到明叫未審先判,點可能係香港發生?

小錯無限放大,德政無人提!

今朝返工時聽到政府有意提出呢個對全港打工仔都有莫大好處嘅德政,到依家就快放工,竟然無乜傳媒報導!

一向自命幫打工仔嘅「你桌球」、工聯會去L咗邊呀........ oh... 差啲唔記得咗「你桌球」自己遣散員工都係在對沖機制下,在僱員的強積金戶口拎錢賠比人.....

商界就唔同啦,即刻要求約見梁振英要求撤回。點解商界一直咁怕梁鷹做特首,咪就係因為梁鷹唔怕得罪商界去惠及打工仔囉!

講真,「強搶金」呢個對打工仔咁唔公平嘅「對沖機制」,我都鬧咗近10年,竟然無一個人為打工仔去爭取,拖咗13年先由政府提出,啲所謂為勞工爭取權益嘅政掍,去食屎啦!

**************************************************************************************
**************************************************************************************

政府擬降低強積金對沖比例

【now新聞台】行政長官梁振英本月十五日會發表任內第二份施政報告。據了解，政府有意提出降低強積金的對沖比例，僱 員被解僱後，所獲的遣散費及長期服務金，不能以僱主的強積金供款權益抵銷。消息引起商界極大反彈，擔心會提高經營成本及增加僱員轉工誘因，已約見梁振英要 求撤回。

強積金實施超過十年，但有僱員的強積金戶口儲到並的不多，其中一個原因可能是強積金有對沖機制。
例如一名月薪12000元的僱員，僱主每月要幫他供入息百分之五作為強積金；如果工作十年薪金沒變，累積供款大約有72000元。如果被遣散，僱主要向他支付80000元的遣散費。但在對沖機制下，僱主可以在僱員的強積金戶口取回他十年來供的72000元。
梁振英在競選時曾經向勞工界承諾檢討對沖機制。據了解，這個承諾有可能在即將發表的施政報告中兌現。消息說，梁振英正考慮逐步減少可對沖的比例，直至最終完全不能對沖，亦可能分兩個階段取消對沖遣散費及長期服務金。
僱員得益，但商界就質疑，做法破壞當年成立強積金的共識。
強積金成立以來，共有187億被對沖。勞工界認為，對沖機制令僱員無意慾管理好強積金組合，取消可以挽回信心。
立法會議員鄧家彪認為，隨人口老化，強積金是退休保障重要支柱，大家管理好可以減少未來福利負擔。

http://hk.news.yahoo.com/%E6%94%BF%E5%BA%9C%E6%93%AC%E9%99%8D%E4%BD%8E%E5%BC%B7%E7%A9%8D%E9%87%91%E5%B0%8D%E6%B2%96%E6%AF%94%E4%BE%8B-001550339.html#

最強幻象

呢個「昇薈 THE VISIONARY」 長達2.5分鐘嘅賣樓廣告,所傳達嘅信息係音樂家買咗佢,溝到靚老婆,生個仔長大又做咗音樂家,之後又溝到靚老婆,一代一代咁生個音樂家去溝到靚老婆.......無限loop..... 咁.........

之但係條片講音樂家嘅溝女環境、個仔長大嘅快樂環境 ........ 通通寫到明都係「並非昇薈設施之實景」,即係全部都係幻象.......無一樣係真.....

買咗昇薈之後,現實除咗「昇薈設施之實景」可以走哂樣外,老婆個樣嘅「實景」當然一樣會有好大落差......

片尾以「眼光  決定將來」來介紹呢個「昇薈 THE VISIONARY」,至於呢個樓盤係邊呢,長達2.5分鐘嘅賣樓廣告就提都無提過,要睇到最後兩秒先寫住喺東涌........

講到呢到,我淨係想講新「商品說明條例」其實有乜用,發展商一樣照舊用最強幻象去吸引無知嘅買家!

支持全港熄電視日

贏在起跑線

今日毒果有標題報導話「難抵密集式升小一面試; 5歲女童抑鬱想跳樓」! 

點解香港考小一會攪到小朋友抑鬱想跳樓? 咪又係拜「贏在起跑線」呢個魔咒所賜囉!

成日有人問究竟「贏在起跑線」係咪真係work, 定係香港獨有,由班港爸港媽吹出嚟! 「贏在起跑線」這概念,其實真係有教育學家正正經經研究過的,只不過被亞洲地區發揚光大!

有人會問, 究竟這條起跑線在哪裡？ 一般理解,當然係由出世嗰一刻計起..........之不過.......香港嘅走勢係越推越前! 何解? 因為有部份痴撚線幼稚園, 要父母在小朋友還在媽媽肚入面 (即未出世) 就要排定隊報讀,所以對於嗰啲樣樣要有plan 嘅父母, 真係扑緊嘢做人嗰刻,其實已經決定咗將來小朋友要讀邊間名幼。咁基本上,對呢班咁有planning 嘅父母,佢地小朋友條起跑線就係父母扑緊嘢嗰一刻而唔係佢地出世嗰一刻計。你地話呢班小朋友幾撚型呀,未出世以經贏在起跑「點」!

不過,無論起跑線點作定義和定位,事後根本都無辦法知輸贏(結果)! 

因為:
1) 終點線係邊?
2) 點定義輸贏! 以財富、成就、健康、心靈、社會認同、還是快樂度?

所以,依我看來,一個人未到死嗰一刻,根本不能論輸贏!

班港爸港媽話「贏在起跑線」係有教育學家正正經經研究過的,聽落又好有道理,錯不了幾多啦! 問題在於,呢類研究過程需要十幾廿年,因為要跟下班小朋友長大後有無分別。但班港爸港媽偏偏淨係聽上半場,完全無理下半場 (研究結論) 講乜!

簡而言之,歐美主流教育學家最後認為「贏在起跑線」係唔work 的！

以全地球教育最出色嘅芬蘭為例,芬蘭沒有所謂的“資優班”、小朋友要滿七歲先可以入學接受教育,學校沒有制服、沒有督學、毫不標榜精英培養、考試次數不多、學校不做排名、老師不作成績考核等等！

經濟最強嘅德國直情立法禁止學前教育,即幼稚園不可教授學術性科目,只可以集中教小朋友自理能力、禮貌、畫畫之類！

又有人話,新移民並不是像港式家長迫子女贏在起跑線,在這方面，大陸人比香港人正常。我會答,呢個只不過係表面! 根本原因,係因為玩「贏在起跑線」呢個游戲基本要求係父母有咁上下教育程度及有啲錢!

港式家長近年將「贏在起跑線」玩到白熱化,主要原因係呢一代港式家長大部份已經接受過大專以上學歷 (博士級都大有人在) 及叫做揾到個錢,當中玩得最落力嘅就一定係嗰班所謂偽中產。

之所以在這方面,大陸人好似比香港人正常,原因得一個,就係「窮」! 我上面已經講咗, 玩「贏在起跑線」呢個游戲基本要求係父母有咁上下教育程度及有啲錢, 大家經常係傳媒見識到嘅雙非童父母,大部份教育程度唔高及無乜錢,甚至諗住食香港福利,邊有資格玩「贏在起跑線」呢個游戲!

基本上,同香港班偽中產一樣,有返咁上下教育程度及有啲錢嘅雙非童父母,根本唔駛亦唔會去北區排幾日幾夜隊拎表格報讀免費嘅津貼幼稚園,佢地會出現係另一個戰場 「九龍塘」! 又因為各「九龍塘」名幼收好貴嘅學費而佢地嘅對象非富則貴(或自命貴嘅偽中產),所以呢類「九龍塘」名幼係無可能要班非富則貴(或自命貴嘅偽中產)嘅家長通宵排隊攞表,更枉論排幾日幾夜! 咁無通宵排隊攞表,自不然無傳媒報導! 無傳媒報導,大家咪以為大陸人好似比香港人正常囉!

簡而言之,大陸人同港式家長係一樣咁尊崇玩「贏在起跑線」呢個游戲! 其實唔只大陸人同港式家長鍾意,幾乎所有亞洲人都特別鍾意,日本、馬來西亞華人、新加坡華人、印度都一樣,無一幸免!

反智人口政策

林鄭剛剛公布人口政策諮詢,呢頭話要想辦法鼓勵婦女生育,嗰頭又話鼓勵在家料理家務婦女重返就業市場!

政府呢排真係痴X線, 究竟知唔知自己講乜L嘢?

鼓勵婦女生育同時又鼓勵在家料理家務婦女重返就業市場,即係鼓勵香港人生完仔女之後,將仔女交比工人湊大?

在香港,婦女生育後還要出去打工,絕大部份都係因為手停口停,想全職湊小朋友都無得揀! 我真係諗唔到世界上有邊個地方嘅政府,在鼓勵婦女生多幾個小朋友嘅同時,會唔鼓勵在職婦女留在家照料及教育自己小朋友,反而走去鼓勵全識主婦重返就業市場,呢個政策真係反智到不得了!

實質重於形式

就當顧問報告認為目前市場的廣告收入不能支持5個免費台係啱,我地的而且確沒有看過顧問報告內相關數據。

但係政府究竟有無睇清楚顧問報告內相關數據, ATV 廣告收入佔目前廣告收入的市場佔有率係近乎零! ATV 依家近乎無人睇,邊有正常廣告客户會咁白痴會落廣告?

結論係即使發3個新免費牌,表面上係有5個免費台,但實際上目前市場的廣告收入只需支持4個免費台, 跟顧問報告認為目前市場的廣告收入不能支持5個免費台完全無衝突!

如果政府在發放免費電視牌照決定時,夠膽大大聲同市民講:「雖然顧問報告認為目前市場的廣告收入不能支持5個免費台,但政府考慮到目前市場上有一經營者,一直不需要依靠廣告收入或無廣告收入,所以政府根據所謂Substance Over Form Principle (實質重於形式)原則下,原則性發出三個新免費牌照!」,我包保政府民望直線上升!

 

****************************************************************
****************************************************************

羅范：政府解釋發牌絕不理想 (08:52)

行會成員羅范椒芬批評，政府在解釋發放免費電視牌照決定的安排「絕不理想」。

她在接受港台專訪時表示，政府的解說安排，有很多可以改善的地方，認為「絕不理想」，而特首梁振英在昨日的解釋，應該在發牌決定頒布當天就全部交代。
她表示自己看過港視節目，認為水平很高，但被問到港視輸在哪裡，她則推說不能透露，又指事件法律程序已開始。有報道指她個人支持發三個免費電視牌，她不評論有關報道，指行會內部有不同意見很正常。至於現時還有沒有可能改發三個牌照，她回應表示在這一刻見不到有這個可能性。
她稱，知道港視劇集在網上獲許多人「讚好」，因此能估計今次決策的反彈，但強調決策不能純看網上有多少「讚好」，又指顧問報告認為目前市場的廣告收入不能支持5個免費台，認為很多市民沒有看過相關數據。
她又稱，自己有被港視員工感動，指他們有齊心一致的精神，屬於香港需要的。又希望港視員工勿氣餒，而兩間免費電視台的出現相信會增加行業職位 。
當被問及，梁振英上任一年多就發生上次國教及今次包圍政總的事件，是否反映管治出問題，她解釋兩件事都是上屆政府遺留下來，指免費電視發牌一事已歷 三年，質疑為何上屆政府不能決定，又稱今屆政府很努力為港人做事，已推出不少房屋及扶貧政策，亦將推出人口報告，呼籲市民對政府多點支持、體諒和欣賞。 (綜合)

如果我話事

如果我話事,一上台第一日就宣佈即批維基電視,對住市民同維基王講:「我想快啲有得睇警界線!」

至於另外兩個申請者:「做啲嘢出嚟睇下,證明有心攪先啦,記住唔好又拍雞汁節目,攪到我依家晚飯要食雞味牛內、雞味魚、雞味豬........ x*@#`.....」

我非常好奇如果CABLE 及 NOW 將佢地拍得好出色嘅節目搬咗去免費台,咁收費台仲邊個比錢睇?

所以政府批兩個免費牌比兩間同時經營收費電視嘅公司係一件超ON9嘅事!

就好似世界杯/英超,如果同時係免費台直播,仲有邊個比錢? 

但係你免費台唔直播,有邊個廣告商肯落廣告?

反觀,維基電視 MUST give us their BEST!

 

香港電視

政府呢個電視發牌嘅決定真係痴線,唔理你乜理由,發多一個牌又好,兩個又好,民意最想要嘅係香港電視。呢個完全違背正常人嘅決定,根本就無正常人接受到呢個結果。政府比人狂鬧嘅理由好簡單,市民好想睇香港電視! 
消息一出,香港市民心情係自89年以嚟,從未見過市民咁團結一致,槍口向住同一方向........

電視發牌呢單嘢,證明咗睇電視對香港人嚟講,比民主普選更重要。 佔中吹雞吹咁耐都冇幾多人簽名支持,撑電視發牌居然在不足15小時內有超過二十八萬人支持!

免費電視牌照呢件事,証明咗機會唔係留畀有準備嘅人!

吳克儉快啲辭職啦

吳克儉你根本乜撚都唔識,仲叫家長咪擔心,話有足夠學位唔駛排隊...........

依家問題係家長心儀嘅幼稚園齋派150份申請表玩先到先得,家長想報名唔撚排,張報名表由天跌落嚟嗎?

你條死廢柴嘅職責,係確保所有家長無需要瞓街排隊攞申請表,都能夠有相同報讀機會呀! 唔理間幼稚園好唔好, 吳克儉點可能容許香港社會,有父母要瞓街4日排隊攞幼稚園申請表?

你依家要做係屌柒啲幼稚園即時改派表及收生機制,要人人都有申請表攞,人人都可以入申請表,幼稚園唔肯改就收佢皮!

咁都唔撚識,快撚啲辭職啦!

乜嘢叫梁粉呀？你唔好屈我！

商台你胃零今朝訪問黃秋生，你胃零條白痴以為秋生周不時公開鬧梁鷹政府，就一定好憎梁鷹，於是一開始就係咁迫秋生認當日支持梁鷹係錯，點知秋生反問當時唔支持梁鷹唔通支持唐唐咩！

之後你胃零又問秋生有冇後悔當日做梁粉支持梁鷹？秋生即刻反問乜撚嘢叫梁粉呀？你唔好屈我！二揀一揀咗梁鷹就叫我梁粉？我有冇對住梁鷹吹BB？有冇梁鷹叫我行就行死就死？咪成日唔反對梁鷹就屈人係梁粉！

你胃零再問秋生今日有冇後悔當日支持梁鷹？秋生話做人點可以用今日去睇返之前嘅決定！佢話佢唔似啲人成日輸打贏要，就算今日再重新諗，都係要諗返當日揀嗰刻有嘅嘢，無理由加入之後做得唔好嘅嘢！

秋生又再補充話，依家政府做好多on9嘢，唔係由梁鷹一個人做出嚟，係由好多好多人一齊攪出嚟，無你地班友一齊攪咁多嘢，佢一條友點攪得出咁多嘢？

對於林老師事件,啲人日嘈夜嘈! 你胃零話梁鷹好似鍾意啲人咁喺到咁喎......秋生答:「佢話比妳聽佢鍾意咩? 佢打電話比妳話比妳聽?」

 
你胃零之後又再迫秋生，要佢答如果今日即刻有普選，梁鷹、林鄭、余大狀三個佢揀邊個？我估你胃零諗住導秋生揀余大狀啦！點知秋生答如果係普選，做乜得呢三個屈我㨂一個？秋生話比佢今日揀，佢覺得憎慾城唔錯，佢揀憎慾城！

秋生揀建制派憎慾城都唔揀所謂泛民余大狀，真係激撚死你胃零！

最好笑係秋生不停話你胃零成L日屈人呢樣嗰樣，唔好屈佢！

最後,秋生有句說話我想講好耐,就係「乜撚嘢叫梁粉呀？你唔好屈我！」。