星期二, 3月 17, 2009

港男講男

一連兩集名為《港女——講男》嘅電視節目播出之後,即引來網民極大迴響。女網友固然想極力去除「港女」之惡名,更力斥現今「港男」如何唔掂。而另一邊廂,一眾男網民就不斷在網上取笑節目中「港女」主角。

今日以港男身份寫呢篇文,目的不是要為眾「港男」平反,力數「港女」的不是。相反,係想以「港男」身份去講男。首先,馬沙極不認同該節目「港男」的選角方式。假若該節目的目的,係想比較現今社會男女的互相睇法,選角時就應該揀選質素相近的男女才有說服力。例如男女雙方同等學歷,再去比較互相的睇法。

在馬沙的認知,「港女」一詞,係泛指一般香港女性。但「電車男」一詞,就絕非泛指一般香港男性。因此,「電車男」並不等同「港男」! 「電車男」只係代表眾「港男」之中的一小部分而已。

不過話雖如此,呢班所謂「電車男」,有時確實丟盡香港男士面子。終日沉迷電腦,在網上批評「港女」時就天下無敵,在現實生活中卻連講句說話大聲啲都唔敢。莫講話女性,連我都頂主角Peter唔順!

「港男」一日到黑數「港女」如何唔掂,但有否想過,唔係受到你班「港男」萬般遷就及縱容,昔日大方得體的「港女」為何變得如斯景況,正所謂「種瓜得瓜,種豆得豆」,即自作自受也。再講,賢良淑德嘅香港女性大有人在,好嘅你唔去爭,但明知山有虎,卻偏向虎山行,中伏後又話俾「港女」食住,又怪得誰?

(2009年3月17日刊於《am730》)

21 則留言:

Rosso aka 閻魔彌勒 說...

沙兄唔駛動氣,公仔箱嘩眾取寵並非新事,節目制作捨棄新聞責任,一笑置之又何妨…

匿名 說...

上集"港女"做得幾好, 本來好期待呢集"港男", 但令我很失望. 對港男的探討不夠深入, 很多港男的特徵都未有討論, 例如:三十幾歲仔仲要阿媽照顧, 對父母、家庭毫無承擔, 反過來問阿媽攞錢, 問女友借錢找咭數(即係食軟飯)、係公司講同事閒話等等衰仔行為....當然港男也有一些好的特徵, 例如:香港男士普遍比起亞洲其他地區男士有風度, 對女士較有禮貌(雖然可能係表面上有禮), 亦較整潔,等等....總之, 以"電車男"概括所有香港男士實在沒有代表性, 不能引起共鳴.

Michael Cheng 說...

「賢良淑德嘅香港女性大有人在,好嘅你唔去爭,但明知山有虎,卻偏向虎山行,中伏後又話俾「港女」食住,又怪得誰?」

講得好!

利益申報:本人為港男

匿名 說...

在馬沙的認知,「港女」一詞,係泛指一般香港女性。

-- 寫專欄的人都這樣認為港女等如香港女性,死得人多.

馬沙 說...

Sa,

個人認為,如果「港男」一詞,係泛指一般香港男性,咁相對地,「港女」一詞,必定係泛指一般香港女性。

錯在哪裡?

匿名 說...

馬沙兄踩入呢個topic,真係正如師兄你話齋:明知山有虎,卻偏向虎山行!

匿名 說...

Peter 仔人如其名, 真係好Peter
佢應該睇少D漫畫, 去下D語言訓練課程, 咁可以提升返D自信心脫離電車界

匿名 說...

果個女仔都叫讀過下書都唔知乜叫人比人比死人,妳月入三萬住公屋以為好多,真係好怕E啲女仔,成日左比右比但又不知天高地闊。三萬,5支Cristal冇左。香港係有好多有錢男人但一早比人Mark咗有都唔輪到妳,唔好再比來比去浪費時間,常試看看港男的長處常試欣賞別人,唔好成日用錢去衡量人。到你老左話之你月入十萬又代表乜咪又係自己一個,如果佢有兄弟姊妹就好啲有啲姪生仔女比你玩下。我係電車男,因為好 少同人溝通成日sms同B1ackberry。HaHa

匿名 說...

港男港女互相睇唔起, 好事呀, 睇下邊個頂唔順先要趕住結婚先~~港女只懂口舌之勇, 一班女走埋一齊時咪又係傾自己冇拖拍點擔心....我真係未聽過有男仔"擔心"冇拖拍, 四十歲先搵d中女埋手仲得呀!!繼續自以為事啦港女, 妳幾靚幾有錢都只係會俾人趙完鬆既對像!!

若缺齋老人 說...

小弟情況係相反:條件差冇得要求人~

Betty 說...

讲真, Peter 连讲野都讲得唔多好, 甘同正常D 女仔一齐, 点够人讲? 比人食住好正常哦.

匿名 說...

peter好q樣衰,影衰晒d男士,如佢又唔進修,又繼續做電腦維修員,繼續永遠停留中五學歷,我想佢都幾難在香港找港女做女朋友啊..我想都無o乜邊個外母會like呢d 女婿啊,.. ... 其實,如我冇記錯的話..佢好似話有個女性朋友話佢搵得咁少人工,又唔上進進修讀書.. 搵得o固 八千五蚊人工,點去養頭家.學o乜人去話女仔..其實,我覺得個港女話得peter好啱.. .. 好心佢upgrade 下自己先拉.. .. 提升個人質素,你方第時冇人要o羊. 不過佢應第一件事,就係整好自己把頭髮先, 剪短先, 佢呢個髮形好唔掂 . 另人唔like..

立邦毅德.Alpha研究所 說...

我都覺得今集個Argument有問題,將「電車男」同「港男」劃上等號,呢個一定唔係主流o既想法。TVB今次第二集退步左。
我都有篇blog講呢個topic,得閒睇睇。 ^_^

G 說...

狗向西奔走,就係咁簡單.

匿名 說...

謎面: 狗向西奔走 ?









謎底是否 "西九"?

匿名 說...

講真作為一個係香港的女性好難, 讀完書之後要工作, 要養父母, 仲要自己有得用.你估一頭家開支少嗎? 租金, 管理費, 水,電,煤氣費, 食飯, 搭車, 那兒不用錢?

如果一世都係賺8千5人工, 可能唔好景俾老闆抄左, 可能年紀開始大,學識唔夠d大學生, 公司找人代替你, 人地又平又叻, 到時話轉行你做得d咩?人工再少d?5千?自己都用左啦, 莫講話要養家, 要養老婆仔女? 呢d唔係女性有要求, 而係唔長進的人自己太短視, 社會係唔會停係到等你, 幫你, 所以女性先不斷向上爬, 令自己可以有能力養活.

女性要找的是終身伴侶, 要對一世的人, 唔通玩玩下就話離婚咩? 而且話女仔唔識煮飯做家務, 而家咩年代啦, 女人出去都係同男人一樣去搵錢養家, 以前d人就話要男人養, 屋企所有野女人做, 但現在平起平坐, 做咩要女人放工仲要返屋企煮飯做家務, 男人當自己係皇帝有工人服侍? 頭家大家有份, 點解男人唔去做? 所有的都係女人做?

所以女人的想法係, 如果嫁個咁的男人, 樣樣事都係要自己做的,自己賺錢可能仲要養個老公俾佢話的話, 那不如自己單身好過. 就好像古代, 男人是家中的經濟支柱, 男人在家中的地位沒女性可比, 那為何現在反過來, 女性比男性看得長遠就給人評擊?

N/A 說...

大家都只係睇到大家既缺點,而唔去發掘對方既優點,咁只係沒完沒了的互相批評,無意義,因為大家都唔會去改,大家都覺得係對方唔好,有時 D 野係要互相讓步 !

** 飛雪素素 ** 說...

其實我覺得Peter仔幾善良可愛...

匿名 說...

港男要得到漂亮又溫柔的女人,港女又想找到條件好的男士...乜愛情唔係講情投意合既咩?

匿名 說...

我係男人,都話PETER係垃圾。自己外型差,講野差,學歷低,有時間去睇漫晝,卻無時間去讀書UPDATE自己。佢要睇多D死鬼兩努哥D書!

lonewolf 說...

現今的價值觀真是匪夷所思,港男,港女,直是難搞,男和女原是互相配合的,現今是互相瞧不起,但又需要對方,一樣矛盾重重.