星期五, 7月 24, 2009

一生樂與怒

很久沒有出文,原因只有一個....忙! 仲要係超忙嗰隻! 呢個星期,已經連續四日工作至零晨5時....唉......

今日穿上便服上班,時間越接近放班,我的心情越見興奮,原因並唔係今天是星期五,咁何解呢?

原因係........... "This is Rock n Roll"

有睇開呢個 BLOG 嘅應該知道馬沙只係鐘意睇BAND SHOW, 阿Paul (黃貫中) 今晚紅館開 SHOW (黃家強、黃貫中「This is Rock n Roll 一生樂與怒」Live 演唱會2009 ), 點可以唔去! 今晚會坐23行,算係咁啦!


則聞今次眾嘉賓之中有Anodize (阿龍大)! 如果係真,我好希望佢地係今晚嘅嘉賓,因為Anodize係其中一隊我最喜愛嘅本地Band。喜愛嘅程度一定唔比Beyond 低, 只可惜 "香港沒有樂擅, 只有娛樂圈",容不下呢隊好Band。
寫到呢道,係時後要停筆,因為要立即起行.....
PS 差啲忘記多謝太太幫我搶飛 ^_^
後記:
原來今晚嘉賓係“五月天”,第一次睇佢地現場表現,都算唔錯! 主音仲用廣東話唱咗首“情人”。
另外,每次睇Beyond 出 show, 馬沙都會好留意一位幕後英雄,特別係家駒唔喺到之後。基本上,馬沙認為佢一直係後Beyond嘅 一員,因為大部份時間,佢先係主音結它手! 此君就係人稱“阿賢”嘅結它手“黃仲賢”是也! 基本上,我好鐘意睇佢彈solo! 今晚除咗大聲嗌阿Paul之外,情不自禁嗌咗"阿賢”幾次!

7 則留言:

匿名 說...

我今晚都有去,阿Paul好得,家強唔掂。

癈柴

Beyond迷 說...

馬沙兄,

估唔到你還可以留得住Rock n Roll的熱血^_^

我今次無得睇,係咁的,因為我無老婆幫我搶飛>_<

Quality Alchemist 說...

你令我想起漫畫"20世紀少年"的主角-賢知.

匿名 說...

點解會冇世榮 ?

匿名 說...

我睇25號,冇亞龍大有D失望...

匿名 說...

PAUL一出場唱IN THE NAME OF ROCK 果下全場真係爆左出黎,個FEEL型到殺死人

匿名 說...

馬沙兄幾時出山?

修皮士