星期三, 12月 24, 2014

鴨場呻吟

呢個所謂「信託安排」究竟應該叫「財技」,還是「語言偽術」? 《鴨場呻吟》三名發起人係咪真係再沒有人實質擁有公司權益?


《豬場》隻豬死士因恐懼、誤判而停止呻吟,繼而龜縮。豬死士今日正式交棒比《鴨場》隻鴨,讓隻鴨再度在《鴨場呻吟》!

隻鴨: 「我行山,因為我恐懼,我行完山返嚟啦!」

喂!喂!喂!  《鴨場呻吟》第一日就刪人留言,你今日恐懼完未?


『《鴨場呻吟》以「立場」為名,敢於宣示立場,不掩飾,不迴避。「鴨場」堅持報道真相,不因立場而扭曲事實。』。咁幾時先不掩飾,不迴避,不因立場而扭曲事實咁報道《豬場呻吟》所謂「非正常死亡」真相?
 
『《鴨場呻吟》與《豬場呻吟》最大的分別,是再沒有人實質擁有公司權益。為了確保《鴨場呻吟》不受任何個人控制,可以持續發展,《鴨場呻吟》三名發 起人通 過信託安排,放棄股權的經濟利益和處置股份的權利;信託安排將長期持有《鴨場呻吟》股權,《鴨場呻吟》發起人沒有轉讓公司股份的能力。』

1) 用咗「信託安排」就真係不受任何個人控制?
2) 用咗「信託安排」就真係放棄股權的經濟利益和處置股份的權利?
3) 邊個係「信託安排」管理人 (Administrator)?
4) 邊個係「信託安排」受益人 (Beneficiary)?
5) 管理人真的沒有轉讓公司股份的能力?
6) 呢個所謂「信託安排」究竟應該叫「財技」,還是「語言偽術」?

諗起《新雄雞》「覺得勝」為了確保《新雄雞》不受任何個人控制,可以持續發展,《新雄雞》發起人「覺得勝」通過信託安排長期持有《新雄雞》股權, 《新雄 雞》「打死不離三兄弟」沒有轉讓公司股份的能力。但事實《新雄雞》「打死不離三兄弟」係咪真係再沒有人實質擁有公司權益?

 (2014年12月23日刊於 全民媒體

星期二, 12月 23, 2014

一星期女友 (五)

當我返到香港,好快又變回那個只愛一個人在辦公室留守至深夜,跟一大堆數字談談情、說說愛嘅流氓會計師。


一覺瞓醒,係清晨七點。Queenie 仍在安睡,我換件衫寫低張字條,一個人走到酒店附近一間咖啡館飲咖啡。

唔經唔覺,來了台灣已經五日。係呢五日,感覺相當relax。第一,很久沒有放下工作,在香港每日朝八半夜兩、三點,幾乎沒有了自己。第二,當然係Queenie 呢位識咗5日嘅女朋友。好老實咁講,同Queenie 一齊呢五日,真係令我身心都回到30歲嘅感覺。

平靜下來時,都係時候想一想到底回港前,點樣處理同Queenie 呢一段關係。照例同4x年好兄弟Michael 及 Gabriel 討論一下。

Gabriel 嘅意見係 keep住聯絡,得閒就飛過嚟台灣搵下Queenie,食得唔好嘥!Gabriel 一向嘅強項係癲倒是非黑白,在工作上面,Gabriel 的確俾咗好多出人意表嘅意見,協助我打勝一場又一場嘅仗。今次佢嘅意見一樣咁特別,佢仲叫我改機票留多幾日。雖然我真係有咁諗過,但我尚且還有一點理智。 我仲記得我離港當日已經置tax deadline於不顧,如今tax deadline已過,相信公司已經有十幾個files正等著我返去。若果我再唔返去處理,客戶一旦收到税局罰款,分分鐘客都無埋。

而Michael 嘅意見當然一如往日,同Gabriel 持相反睇法,Michael 認為,呢段只不過係一段霧水情緣,無必要為咗一個只係識咗五日嘅女仔,而去改變整個人生規劃。當我返到香港,好快又變回那個只愛一個人在辦公室留守至深 夜,跟一大堆數字談談情、說說愛嘅流氓會計師。況且,呢個台灣之旅,本來就係為咗出席Krystal 婚宴,無必要節外生枝。Michael 最後仲問咗我一個問題,若果今次不是為咗Krystal,到底你會唔會放假離港?你呢隻工作狂點有可能得閒就飛過去搵人,你根本永遠都唔得閒………。 Michael 真係好似我心裡面一條蟲,清楚知道平日約我係要即興先迫到我出嚟。

Gabriel 眼見自己即將再輸比Michael 一仗,努力繼續游說,佢話難得識到Queenie 呢個咁靚又咁可愛嘅台妹,又睇得出Queenie 對我係真心,無理由輕易就放棄。

話就係咁講,但問題係Queenie 當初只係話陪我渡過呢個台灣之旅,咁多日嚟都無向我明示或暗示之後會點。我地三個大男人討論咗成朝,究竟會唔會諗多咗?

都係嗱嗱聲埋單返酒店搵Queenie,今日仲要趕火車返台北。

 (2014年12月22日刊於 全民媒體

星期四, 12月 18, 2014

聽話

女人認為「愛我就要聽我話、愛我就不做未經我批准的事!」

可惜男人卻是天生不愛被管的動物!

星期三, 12月 10, 2014

放過我

幾日前有一晚,女人在電視看見有鳩嗚人士被扑濕,於是向另一半提出:「我地一齊去鳩嗚!」

男人:「算了吧! 今天工作很累,放過班黑警吧!」

其實男人想說的是「妳放過我」啦 ............

星期五, 12月 05, 2014

道別

雙手接過 Grace 兩張餅卡, 輕輕回應:「Grace ,多謝妳! 祝妳新婚生活愉快!」

我親自送 Grace 到公司大門口, 握下手講一咗聲再見, 心裡暗嘆: 「係我無福氣, 一個咁幫得手嘅員工, 就咁比個新郎哥搶走咗!」

星期三, 12月 03, 2014

會計界福祉誰負責

好多會計師成日話會計界立法會梁繼昌議員,成日唔理會計界嘅事,不為會計界出一分力,為會計界謀福祉!

我認為大家一直錯怪梁議員,其實會計界立法會議員嘅職能同其他直選議員一樣,首要工作係參與立法會立法工作、出席立法會各類咨詢會議及監察政府施政。

會計界嘅福祉唔係會計界立法會議員負責,理論上係由會計師公會去爭取!公會攪唔掂先搵議員幫下手,同市民有事攪唔掂搵議員幫手一樣。只不過會計界咁啱有個功能組別議員而已。

相對地,立法會議員係應該相信法治精神,有責任維護法治,不應鼓勵甚至參與任何違反法治的言論或活動或所謂公民抗命!

試問不相信法治或不守法的人,有何資格參與立法工作?

星期三, 11月 26, 2014

做兵

有人話做兵苦!

原來最痛苦的還不是做一隻兵,而是女神漸漸不太回應你呢一隻兵,即係你連隻兵都做不成!

星期二, 11月 25, 2014

一星期女友 (四)

Queenie:「你知道嗎,其實出火最有趣的玩法,就是要在黑黑的環境四處找洞洞,然後插入去,之後「嘿咻」一聲咁噴哂出嚟,真的超爽耶!」


終於等到第二朝,熱切期待Queenie 帶我去出火。

走落酒店coffee shop 嗱嗱聲食個早餐,差不多食完,就見到Queenie 嚟到,Queenie 今日一身背心熱褲,對腳長到呢……又令我不自覺地諗起佢尋日沖涼嘅情景………

Queenie:「Tony,昨天休息夠嗎?」
馬沙:「成晚瞓唔著,成晚想住妳!」
Queenie: 「你真識說謊耶!」
馬沙:「沒騙妳,成晚想住妳洗澡時向我揮手時妸娜多姿啲模樣!」
Queenie: 「Tony 你好衰耶!」
馬沙:「昨晚妳說今天帶我去邊?」
Queenie:「帶你去出火耶,巧不巧?」
馬沙:「好!當然巧!」

Queenie 帶咗我去坐火車,佢話要坐成3個鐘,我心諗去出火駛唔駛去咁Q遠呀?不過既然有美相伴,仲係去出火,遠啲都無所謂啦。

Queenie:「Tony,你有沒有去過出火?」
馬沙:「沒有!從來沒有!」
Queenie:「你知道嗎,其實出火最有趣的玩法,就是要在黑黑的環境四處找洞洞,然後插入去,之後「嘿咻」一聲咁噴哂出嚟,真的超爽耶!」
馬沙:「妳説話倒真的直接!」
Queenie:「呵呵,這才叫出火嘛!」

搭咗唔知幾耐車,終於到埗。一落車,我終於明白Queenie 所謂出火係乜嘢意思!我內心按耐不住,講咗@#%*# 十連發!原來Queenie 所講嘅出火係一個叫「出火」嘅旅遊景點,而唔係我所諗嗰樣。呢次真係瘀爆,如果比Gabriel 知道一定日日比佢係我耳邊笑Q我。

Queenie 好鬼開心拖住我去買咗好多爆米花、沖天炮就入去玩。不過Queenie 話其實最好玩係周圍搵凹陷的洞洞,然後試下點火,會有「轟」一聲冒出火來……… 。其實唔駛點火,我已經無名火起三十萬丈。不過既然一場嚟到,the show must go on! 我唯有即刻調整心情,投入呢個出火之旅。

玩到咁上下,Queenie 大概見我個樣怪怪,就問…

Queenie:「這裡不好玩嗎?」
馬沙:「幾有趣。只是…」
Queenie: 「只是什麼?Tony你快説噢!」
馬沙:「妳知道在香港,出火是什麼意思嗎?」
Queenie:「不知噢!快說!」

於是我係Queenie 耳邊細細聲咁講比佢聽, Queenie 聽完之後臉都紅哂咁係我耳邊講咗句:「Tony 你好衰耶!」。

說實話,出火呢個地方其實幾特別,尤其入夜之後,大家去開台灣可以去玩下。不過點去就唔好問我,因為我到今日都唔Q知出火係邊,只知出火離台北好Q遠。正正因為咁,當晚離開出火嘅旅遊景點之後,己經無乜可能返到台北酒店,唯有係附近求其搵間酒店過一晚。

今次呢間酒店個浴室正常過正常,出咗成身汗嘅我第一時間走去沖涼。正當我享受緊淋浴時,浴屏突然被打開。Queenie 失驚無神走咗入嚟從後攬住咗我,並在我耳邊佻皮地問我:「港式出火比較好玩吧…….」。

(2014年11月24日刊於 全民媒體)  

星期一, 11月 24, 2014

星期一, 11月 17, 2014

矛盾

每個男人,其實都是各項優點及缺點集於一身的混合怪胎


女人之所以還是單身,是因為她們的愛情世界裏,理想與現實之間存在著好大矛盾。女人希望男人付出無條件嘅愛,之但係男人叫女人無條件咁愛人呢?No way!

究竟呢個宇宙有冇無條件嘅愛呢?

有!當然有!之但係當一段關係未開始,將無條件嘅愛設定成擇偶條件之一,那就正正將整個關係變成有條件。

女人另一個令其長期單身嘅地方係口是心非!口裏說擇偶無乜要求,身體卻非常誠實。一般說不介意男人是否富有,只求五官端正又不比自己矮小就是,但現實去結識男人時卻往往嫌三嫌四。

當男人搵錢不及別人多時,她不會跟搵得最少的去比較。當發現搵得最少的好有情趣,她就嫌搵得較多的男人不夠情趣。女人喜愛將各人最好的優點併合在一起,放在擇偶一事上,要目標男人一個打十個,鬥贏所有人。

只可惜每個男人,其實都是各項優點及缺點集於一身的混合怪胎,呢一點女人未真正試過、失去過,未必能夠明白。

大多數女人其實唔知道自己想要乜,但骨子裡非常介意人地點睇自己,於是生出雙重標準,對身邊男人只有要求,卻欠缺咗一份發自內心對男人嘅欣賞及感謝。

對於男人,妳要試過、愛過,到妳發掘出男人嘅錯誤、缺點時,若果妳仍然愛著這個男人,那就是真愛。

先放下矛盾,才有可能找到另一半。好男人其實唔多,仲買少見少!

 (2014年11月14日刊於 全民媒體)  

星期四, 11月 13, 2014

一星期女友 (三)

做咗咁多年人,雖然我唔係第一次睇一個美女沖涼,但此情此景,相信係男人都應該估到我當時嘅反應。無錯,當時我係著住一套踢死兔,企係浴室玻璃牆前,對住Queenie 立正升旗敬禮,個腦仲不其然奏起國歌…..「起來….起來…起來…… 」。



在這個無乜香港人識嘅小人國,除咗公園,還有機動遊戲遊樂場。我同Queenie 就好似返老還童,不斷地排隊玩那些看似好低能嘅機動遊戲如旋轉木馬。我必須承認,有Queenie 呢個女朋友在一起,和我原先諗住一條友周街行的確有顯著嘅分別。

常言道,快樂不知時日過。眨眼間已經到咗4點,因為要去飲Krystal 嗰餐喜宴,雖然Queenie 話想玩多一次旋轉木馬,因為要先回酒店換過飲樣,只好趕去搭公車返酒店。在公車上,Queenie 大概玩咗一日見攰,上車無耐就依偎著我睡著了。呢個時候,我終於可以細心欣賞Queenie 面容,「好靚」呢兩個字不其然在我心底裏說出來。我望住Queenie 10分鐘,終於按耐不住在Queenie 額上輕吻咗一下。大約個多小時車程,我將Queenie 緊緊抱在懷中。

回到酒店樓下,本來諗住Queenie 會自行離開,點知Queenie 話因為在公車上睡著了,堅持要上酒店陪我多一陣,直至我離開酒店去參加婚宴。係咁嘅情況,邊有男人會say “NO”。上到酒店,由於已近晚上6點,我好快咁沖咗個涼,之後拎出禮服準備裝身。

正當我忙於裝身冇時間理會Queenie 時,Queenie 忽然同我講…

Queenie:「我可以在這裡洗個澡嘛?」
馬沙:「妳請隨便吧!」
Queenie 笑住講:「那我不客氣啦!」
馬沙:「別客氣!別客氣!」



我掛住裝身,本來都無乜點理會Queenie,但當我換完套禮服之後,先至醒起我酒店個浴室係用透明玻璃做牆。換句話講,我係可以淸淸楚楚咁望到正在沐浴嘅Queenie,呢一點Queenie 無理由唔知!

死火!咁即係話頭先我沖涼時,Queenie 同樣已經睇過我全相?為咗公平起見,我下意識向浴室一望,果然清楚見到Queenie 正在享受淋浴中。做咗咁多年人,雖然我唔係第一次睇一個美女沖涼,但此情此景,相信係男人都應該估到我當時嘅反應。無錯,當時我係著住一套踢死兔,企係浴 室玻璃牆前,對住Queenie 立正升旗敬禮,個腦仲不其然奏起國歌…..「起來….起來…起來…… 」。

正當我兩兄弟興高彩烈唱緊國歌時,Queenie 突然發現我望住佢,我本來以為Queenie 會比我嚇到大叫,點知佢竟然臉帶笑容同我揮手。比著係你,有個好似《明珠生活》主持張曦雯咁索嘅靚女,一絲不掛咁笑住向你揮手,你會有乜反應?大概應該會 即刻跳去國歌最後一句……「前進…前進…前進….進…..」吧!

好可惜,我又再一次讓大家失望。我當時嘅反應係嚇到走回房間一角坐下,靜靜地等Queenie 沖完涼著返衫出嚟。之後我地就離開酒店,Queenie 自行回家,而我就自己一個人去飲。成個婚宴發生過乜我毫無印象,因為成餐飯我腦海不斷浮現Queenie 剛才笑住同我揮手嗰一幕。今天回想返當日情境,我必須承認,我當日之所以有咁嘅反應,絕對係因為「我恐懼、我錯判、我愧疚!」。


飲宴完咗即回酒店,臨瞓前收到Queenie WhatsApp,內容如下:

「沙,好想你噢!今晚早點休息,明天我帶你去出火 ^_^」。

出火咁激?唔L係掛!收完Queenie 呢個WhatsApp,更加成晚瞓唔著…….。張曦雯話帶你去出火喎,點瞓得著呀大佬!

 (2014年11月12日刊於 全民媒體

星期三, 11月 12, 2014

為何如此對待你


你明明真誠對待女神,關心女神,沒有心懷不軌。女神叫你出現就出現,叫你消失就立即消失,但被遣棄的總是你、被欺騙的總是你。最後落得流淚收場、落得孤立無援。你真的很想知道……「WHY ME?」

你從此不再對別人好,以為咁就變得成熟。其實你這樣一點也不成熟,只是不珍惜自己嘅優點。你嘅問題只是不幸遇上港女,呢個係際遇問題,是你倒霉,遇上女神甘做兵,但這個跟你的人格沒有丁點兒關係。

她港女是她的問題,如果你因為她港女而改變自己做人嘅態度或對女性嘅睇法,那就是你嘅問題,被港女影響才叫不值得。你有權選擇不做兵,只有不再做兵才能證明你是個真男人。

你的真正價值,是你自己給自己的,由兵仔升級至男朋友,從來都是為了自己。

寧做光棍莫做兵.......

 (2014年11月11日刊於 全民媒體

星期四, 10月 30, 2014

一星期女友 (二)

返到酒店,我思想開始有點凌亂。一個咁索嘅台妹,為什麼會看上我?我當然不會天真到以為自己真係好似賤輝咁有型,於是我即刻換上跑步鞋,落街跑步,試圖讓自己腦袋清醒一下,正所謂跑步出哲學。  


結果 …………. 係我諗多咗。當到達Queenie 家門前,Queenie 只笑著對我説了一聲謝謝。大概昨晚不尋常嘅表現,係受到酒精影響。

正當我帶一點點失望之際,Queenie 忽然問我明天有沒有約,我答她除了明晚要出席朋友婚宴外,打後幾天都沒有特別約會。Queenie 就問我需不需要一個可愛女朋友陪著渡過餘下的台灣之旅?

我對於Queenie 呢個突如其來嘅提問,真的不知如何是好。如果身在香港遇上呢種情況,Gabriel 一定叫力勸我去馬。正當Gabriel 啲PK 思想在佔領我我腦海的中環時,Queenie 已經先開聲說:「給你一個小女友不好嗎?」。就由這一刻開始就讓我當你幾天的小女友吧,明天9點在你的酒店lobby 等你。Queenie 講完隨即給我一個goodbye kiss ,輕步返回住所。

我雖然不是什麼情場浪子,食女無數,但自18歲起跟佐敦儍豹由廟街蒲起,再殺落中環老蘭,行走夜場廿年,都可謂閱女無數,贏得流氓會計師之名。但好似Queenie 呢種既靚又帶點清純嘅台妹,馬沙都係第一次遇到。

返到酒店,我思想開始有點凌亂。一個咁索嘅台妹,為什麼會看上我?我當然不會天真到以為自己真係好似賤輝咁有型,於是我即刻換上跑步鞋,落街跑步,試圖讓自己腦袋清醒一下,正所謂跑步出哲學。

經常有年近40嘅剩男/剩女朋友同我講,要在香港這片土地,搵到真愛好鬼死難。在我看來,如果你好似班民主鬥士咁,要一步到位,死都唔會袋住先,咁 你好有可能呢世都遇唔到你嘅Mr./Ms. Right, 更慘嘅係等足成世人都係得個等字!正因如此,與其「等 • 一個人 • 出現」,我個人一向主張「食住先」!因為你唔食住先,點確認對方係咪自己嘅Mr./Ms. Right? 之但係食還食,做人點都要有點格調,「寧缺莫濫」係我馬沙做人嘅宗旨。

第二朝一早,Queenie 果然準時喺酒店大堂等我。呢次係我第一次在大白天見到Queenie 真身,原來白天化淡妝嘅Queenie,比夜晩化得比較濃妝嘅Queenie 更加青春可人。

 Queenie 帶我食完地到牛肉麵做早餐之後,就帶咗我去一個叫小人國嘅地方。我地係公園入面慢步,Queenie 忽然拖住我隻手,我忍唔住我嘅好奇心,問咗Queenie 以下問題:

馬沙:「你明知我只會在台北一星期,為什麼要做我女朋友?」

Queenie:「因為我未試過同香港男生交往,加上你係我杯咖啡耶…..」

馬沙:「你不怕我是壞人嗎?」

Queenie:「我覺得你不是一個絕望嘅男人!」

Queenie 跟住同我講,好多好男人在女人眼中找不到吸引力,就是因為太認真。如果男人在一段感情開始時就本着「我對你好認真,非你不娶」嘅心態,就會令女人感覺受到 脅迫,萬一有日發覺性格不合提出分手,這類男人分分鐘接受不了去尋死或傷害女人。所以Queenie 話情願獨身,也不要一個絕望嘅男人。Queenie 所講嘅理論,我其實唔係太明。

馬沙:「不要男人對妳認真,不是很奇怪嗎?」

Queenie:「你要是對我認真,我怎會感受不到。你若夠好,我怎會捨得不要你。所以認真與否,是不需要說岀口噢!」

老實講,對住呢個既特別、又靚嘅台妹,我開始有少許心動 ………..

 (2014年10月29日刊於 全民媒體

星期三, 10月 22, 2014

荒謬都市


佔中已經踏入第三個星期,好多支持佔中嘅人,尤其係一班有學識嘅中產,特別喜歡指責反佔中人士反佔中係為咗搵錢、為咗保持同國內做生意而唔肯支持佔中!馬沙在會計界,甚至比一眾支持佔中嘅會計師老屈,搖身一變,成為冷血、涼薄、為錢而盲撑中共嘅五毛!

正如上一篇文所講,依家香港社會已經變成非黑即白,正所謂夏蟲不可語冰,同班自命有高尚情操嘅佔中友講多都嘥氣。本來都唔想多作回應,不過睇完上周警務處前高級助理處長鄧厚江上TBB講清講楚嘅訪問,即刻覺得有必要寫返篇文。因為鄧Sir 完全講出一班反佔中人士嘅心聲。

鄧Sir 一開始就指出,依家佔中嘅現象好唔正常,有啲荒旦,甚至荒謬!其理由有三:-
(1)點解有啲大學教法律嘅學者,會呼籲啲市民走去違法;
(2)點解其中一部分負責立法嘅立法會議員,要求警方唔好執法;
(3)點解一啲本身違法嘅示威者會要求警方保護佢地繼續去違法示威。


以上三點,在一向以法治為核心價值嘅香港,根本就係一連串荒謬嘅事情!如果社會各界唔好好反省、反思依家呢種利用感性去代替理性嘅思考方式,未來將會見到更加多荒謬嘅事。

若果你說要公民抗命,只要唔影響到其他市民,我個人絕對唔會反對。但當你影響到其他市民,呢個就非常之可笑。何解要犠牲某一社群嘅利益,去達成你班 友嘅政治理念?你地要記住,你地並不代表所有香港人,至少不代表我!如果佔中人士因為某種政治原因可以抗命,咁究竟以邊條粉腸嘅標準作為將來行動嘅根據 呢?

講咗不知幾多次,依家佔中人士明明犯法霸佔路面。如果你班友唔需要警方保護,咁就請隨便啦。但當你班佔中人士需要警方保護,而你班友佔中根本係一個 違法嘅行為的話,依個就正正係今日香港社會荒謬嘅地方。當社會各人有不同理念,今次你可以抗命,聽日佢都可以抗命,咁法治基礎究竟係邊到?

鄧Sir 特別提到一個社會觀點,點解要你啲學者控制社會嘅發展,點解黑社會就唔可以走嚟控制社會嘅發展,反正大家都在用犯法方式去爭取社會嘅發展方向!依家攪到社 會各界無止境嘅爭論,以往用咁多時間去發展出嚟嘅法治精神,香港最重要嘅基石,就咁樣就沖散咗,大家係咪好開心?

其實公民抗命只不過係美化咗嘅犯法行為,所謂「和平佔中」,亦都係美化咗嘅犯法行為,警察唔係睇你班友美唔美化,而係睇你犯唔犯法。「和平佔中」即 使幾和平都好 (而依家事實擺在眼前一啲都唔和平),係咪理性合法呢?包裝係點樣都好,但需要獨立思考。因為你拆開咗包裝紙之後,要明白裡面嘅含意係乜,唔好因為包裝美 麗,買返屋企之後先發覺連累了自己和整個社群。

有人不斷以佔中係和平非暴力去申辯,要知道好多犯法嘅事係唔需要暴力。鄧Sir就舉出一個例子,訛騙案從來無使用暴力,咁係咪唔用暴力嘅案件,警察以後都唔好執法呢?

最後,鄧Sir 提出兩個值得大家反思嘅問題:-
(1)我地希望個社會係守法嘅社會,定係依據某一啲人自己嘅意願去決定,社會係應該守法定不守法?
(2)我地更加要想一想,警察要因政治因素不執法,還是不理政治因素嚴格執法?


至於星期六有個自稱住係蘭開夏道嘅女作家王迪詩係其専欄話「有些人認為民主不重要,自由不重要,重要的是有錢賺。在這些人眼中,香港的核心價值就是「搵 食」,跟一頭狗的核心價值沒有分別。」,阿王大作家妳知否絕大部分唔支持佔中嘅人核心價值唔係「揾食」,唔支持佔中亦不代表佢地認為民主不重要,自由不重 要,佢地唔支持佔中只係要守護香港法治精神呢個核心價值。不過,即使有人掛住搵錢又點,人地靠雙手努力賺錢養活妻兒,妳憑乜話人係一頭狗?在我看來,妳自 己先跟一頭為取悅讀者而狗口沒有長出象牙嘅Bull Terrier沒有兩樣!話時話,講到自己咁支持佔中,又唔覺妳呢隻經常著住Jimmy Choo 嘅Bull Terrier係佔中現場出現?快啲同妳啲讀者落去佔中現場影返張相啦,散咗場就補唔到飛!

(2014年10月21日刊於 全民媒體)

星期二, 10月 07, 2014

傲慢與偏見


唔知點解,香港人回歸以來,學問本來應該顯著提高咗,但係思想就好似退化咗好多咁,有些人直情智力低於猿猴。點解咁講?例如當一件錯綜復雜嘅事發生,為何往往只係一方錯哂,責任點解得一方要負責?雙方都有錯、雙方都要負啲責唔得咩?

點解永遠唔係「黑」、就係「白」?呢類人係咪讀書時參加辯論比賽太多,攪到個腦只能單向活動。在議論社會每件事時,一開始就要選定企埋一邊,㨂咗「正方」之後就點都要同「反方」的人對著幹?

其實呢個世界好Q複雜,好多事點會只得「對」同「錯」咁簡單?「對」與「錯」之間可以係「對中有錯」、「錯中有對」同「唔Q知」。係呀,當一個人肯認自己無知時,批判一件事嘅時候就會唔怕人笑咁話比人知你「唔Q知」誰對誰錯!

就好似呢個星期佔中單嘢,傳媒、facebook 主流意見緊係狂鬧警察係暴力對待人民!你問我點睇?我其實支持警察執法,因為佔中確實犯法,警察執法有乜錯?再加上我又唔buy佔中三子所講乜鬼「和平與愛」嘅理念!佔中點可能和平?

有人就會即刻閙,咁你即係支持出動防暴隊啦!老實講,要有效驅散幾萬人,唔用防暴隊其實可以點攪? 不過話時話,其實我又未做過警察,是否應該出動防暴隊,我識條鐡咩!所以出防暴隊係咪錯呢?我嘅答案係「唔Q知」!

好多人話啲示威者手無寸鐵,駛唔駛放成87個催淚彈咁暴力呀?但客觀事實又話我知,當日放咗87個催淚彈都無辨法軀散嗰幾萬個示威人士。又見唔到有示威人士有較嚴重受傷,咁其實放催淚彈有幾暴力呢?

今時今日,係任何地方大叫689下台,或大讚佔中人士辛苦啦,都唔錯得去邊!正所為要成為人民英雄,識講緊係講呢啲!如果你唔怕死,可以試下出文讚 下香港警察盡忠職守、well done 之類。如果連落地獄都不怕,不妨試試話689政府處理適當或指責佔中人士不對,睇下有乜收場!

689有無錯?唔駛講當然有錯啦!佢根本背負著原罪,無論佢做乜,必定係錯。喺所謂追求真普選嘅人士眼中,佢生存係呢個世界上就係錯!咁事實呢?當然唔係一個人錯哂咁簡單啦!

成件事由黃之鋒係台上叫原本諗住參與罷課嘅學生狗衝入廣場而起。當日黃之鋒明明集會前話無任何衝擊佈處,但係佔領咗廣場之後,先對外公布行動係事前 同學聯一早佈處好。如此,黃之鋒有無呃咗班本來淨係諗住參與和平罷課嘅學生,同埋放心比自己小朋友去參與和平罷課嘅家長?唔好又長篇大論,有就有、無就 無!

佔中三子呢?明明實牙實齒話用「和平與愛」佔中,一有唔對路就可以叫大家解散,點知依家叫解散無人理。夠膽死話啲人自己集結,以後佔中人士發展成點唔關佢地事,咁都得?平時把口叫官員問責,依家一出事,作為佔中發起人,求 L 其一句話控制唔到就唔洗負責?

最後又講下班普通市民,受佔旺、佔銅所害,返工要轉幾百次車。有小朋友嘅更加慘,返唔到學之餘,家長要放成個星期大假看管小朋友,唔鬧到拆天就奇。

另外,好鬼多人話係呢個星期見盡身邊係人係鬼,又unfriend又鬧交。呢啲低能舉動發生在熱血小朋友身上唔奇,但發生在一班6、70後身上,就 顯得相當幼稚!大佬,做咗4、50年人,竟然話接受唔到其他唔同聲音?乜唔係話自由民主社會,應該接受100種唔同聲音,求同存異咩?做乜又同三幾個同聲 同氣嘅人,喺到不停小狗一啲持相反意見嘅人,數算人地冷血、無恥之類? 其實一件自己以為好啱嘅事,即使主流意見企係你嗰面,都唔代表你真係啱哂。其實做人做到咁,點同人好好相處?

其實政治嘅嘢,一向各有睇法。評論一件政治事件,必須針對件事,唔係乜鬼個人品格、修養,除非閣下全職投身政治職位,咁就預咗時時刻刻要比人攻擊人格。各位香港人,為咗追求所謂真普選,一日到黑喺到鬼打鬼,攪到四分五裂,好友變仇人,何苦呢?

 (2014年10月7日刊於 全民媒體)

星期五, 10月 03, 2014

真係雙方讓步?


特首梁振英昨晚開完記招後,有好多人嘅睇法係雙方終於讓步,有得坐低傾…..

認真睇其實係學聯輸哂就真!學聯之前明明就好清楚講明昨晚午夜係最後通牒,特首必須辭咗職,學聯先考慮同林鄭傾,否則學聯會將行動升級!

梁特首於是急急趕在最後通牒限期前(11:4x PM) 公開大大聲話:「我唔會辭職!」。

特首就公開回應咗唔會辭職,咁學聯之前又講明要特首先辭職再會面,理論上係要拒絕會面加行動升級,結果又點?

特首開完記招,學聯份聲明對原先要特首先辭職才同政府傾呢一個要求隻字不提。

政府一方呢?特首一開囗就話交比林鄭及另外兩位同事跟,有人話特首縮骨又將個波踢比女人,好無恥…..!啲人究竟有無聽清楚特首講乜?佢係叫學聯同「政改三人組」傾!即係無論你地點佔中,出乜嘢最後通牒都好,要傾就跟返政府原來政改路線圖去同「政改三人組」玩!

另外,學聯唔好以為同林鄭傾,可以爭取到公民提名之類!特首明明確確在記招講咗,學聯所有要求必須合乎基本法及人大決定!即係話公民提名呢啲要求,係百分之二百無得傾。人大決定呢,就更加唔會挑戰,即係想人大收返袋住先方案係痴峰說夢話!

最後,對於依家佔領咗特首辦出面班佔中人士,表面上特首同呢班佔中人士講唔會作清場行動,任你地佔領。但事實係特首一再重申幾次出咗「Warning」俾佔領特首辦出面班人,講到明正在容忍緊出面班非法集會人士!清楚說明若有人衝擊任何政府大樓,後果必定好嚴重!

從以上牌面睇,政府根本寸步都未讓過。反觀學聯就由昨晚特首唔辭職就將行動升級改為會把握同林鄭對話(唔知幾時)機會,究竟被迫退咗幾多步?

再講,好多受佔中影響而停學嘅家長,擔心子女學業受無限期停學所影響,開始有不滿!在電視所見,好多四大佔領區嘅街方更加對佔領佢地屋企附近非常不滿。即係話,佔中時間越長,不滿佔中嘅受影響人士就越多!

 (2014年10月3日刊於 全民媒體)

星期四, 9月 25, 2014

等 • Smartone • 退訂

 

呢幾日傳媒不報導iPhone 6 果農損失如何慘重,查實市場上重有幾個大贏家!

首先要講嘅當然係夠膽死用炒價賣機嘅零售商。正所謂無圖無真相,馬沙早兩日就冒死衝入蘇寧影咗呢副相,當時仲大把自由行排隊等出機!



當零售店鋪用炒價賣機都有人買時,呢個就係iPhone 6 嘅fair value (公允價值)。所以當收機佬話iPhone 6 64G 回收價跌破IPO價只有$6,300 時,擺明就係搵果農笨柒。點解?蘇寧零售賣緊$8,688 呀老友!你拎部機企係蘇寜門口大叫: 「iPhone 6 64G 未開盒齊單 $8,000!」,分分鐘成班排緊隊嘅自由行向你狗衝!

今日馬沙呢篇文嘅重點,其實係想講下另一無本生利嘅大贏家 – 「Smartone」!

眾所週知,果農另一戰綫係出上台機之後劏機。各大電訊商今次同果店同步接受客戶預定上台iPhone 6 / 6 Plus 。唯獨Smartone 一間夠膽收取客戶$500 不可退回嘅定金。

好多人見今次Smartone 係咁推乜鬼登記Red Pass 預定,可以快人一步云云,又得佢敢收客$500定,諗住Smartone 應該有大量貨派比上台客,紛紛登記預定。

誰知iPhone 6 開賣,除了極少數客戶收到call 取機外,大部分預定客戶得個等字。最戲劇嘅係原先預定咗iPhone 6 Plus 嘅客紛紛收到Smartone 通知,內容大致係話iPhone Plus 無貨,預定客戶有個黃金機會由預定iPhone 6 Plus 轉去iPhone 6。

好喇!如今 iPhone 6 上市已經一星期,Smartone 依然無貨比預定客,而iPhone 6 回收價又跌至近原價,即係失去劏機賺錢嘅價值。一大班Smartone 預定客就落入咗進退兩難嘅困局,因為等到有機收時 (查實不知何年何月何日),已經肯定無利可圖,但唔出機$500定金又收唔返即蝕。

於是乎,$500 定金變相就係向Smartone買咗一份期權。依家份期權時間值每日下跌,內在值亦跟住iPhone 回收價大跌 ,實質價值已經跌至近乎「零」。所以呢班比咗$500定金嘅客,好大機會唔會行駛呢份期權。咁Smartone 呢個期權發行商,就理所當然咁無本生利,「通殺」$500 期權金!

依家比咗定金班預定客,最不服氣唔係iPhone 無得炒,而係Smartone 收咗定無貨比人又唔主動比客退定。比得定金都係諗住快人一步出機,到周街都輕易買到,你Smartone 仲無貨比人,仲唔退定,Smartone 你究竟想點?

話時話,收客定金又不能在合理期間內供應合理數量的產品,可能已違反《商品說明條例》中「商戶接受市民付款後卻無意供應產品」。

最後, 希望大家可以將呢篇文廣傳,比啲壓力Smartone 管理層,因為真係好多比咗$500定金嘅預定客正在「等 • Smartone • 退定」!


(2014年9月25日刊於 全民媒體)

星期二, 9月 23, 2014

iPhone 6 64G 市場走勢分析

由於市場對iPhone 6 64G 睇法過份悲觀, iPhone 6 64G H股回收價反覆向下跌穿招股價HK$6,388,H股現價HK$6,300, 創上市5日新低。

iPhone 6 64G 5天RSI 跌穿30報25.52, 已呈嚴重超賣,預期會作出比較顯著反彈, 反彈目標為HK$7,000。

至於iPhone 6 64G A股回收價企隱RMB6,900 (約HK$8,970)。

由於中港iPhone 互通已準備好, 香港phone管局預期, iPhone H股 / A股回收價在未來一星期將進行回收價接軌。至於H股回收價會向上追A股回收價,還是A股回收價向下跟H股回收價,有待市場對iPhone 6 64G 未來一星期出貨量去確認!




(2014年9月24日刊於 全民媒體

星期五, 9月 19, 2014

一星期女友 (一)

食完甜品,我照樣坐的士送 Queenie 回家。不過途中我其實好驚,因為我唔知 Queenie 會唔會好似尋晚一樣,問我今晚可唔可以留低陪佢。

別過 Krystal, 只差明天出席 Krystal 婚宴,今次台灣之行嘅目標已達!

離開「永康階」咖啡店,已近晚上7點。突然想起昨晚與3位台妹晚飯之約,雖然以我蒲咗十幾年老蘭嘅經驗,3位台妹之約都係吹水居多,但我還是去咗那間燒肉店,反正我已經肚餓,nothing to lose!

準時8點到達燒肉店,一踏入店內,由於店子不大,我就見到 Queenie 一個人坐在一角。Queenie 一見到我,就跟我揮手大聲叫:「Tony! 我在這裡!」。我先坐下….

馬沙 : 「威什摸得妳一個?Helen 跟 Debbie 呢?」

Queenie : 「噢!她們要加班不能來!跟我一個人吃飯,Tony 你害怕嗎?」

馬沙 :「禾爬什摸!」

Queenie 忍唔住係咁笑…

馬沙:「Oh….對不起!我的普通話都不標準!」(查實我呢句普通話非常之準,因為我成日同大陸客講呢句)

Queenie :「不是耶!其實我覺得Tony 你說普通話很可愛耶!」

很可愛?在香港,從來只有大陸客寸我普通話唔掂,叫我不如講返廣東話把啦!我笑而不語,Queenie 就作主,先叫嘢食。

話閘打開,我地就邊飲邊食,天南地北,無所不談。食到尾聲,我忍唔住問Queenie 做什麼工作,Queenie 答我佢做時裝設計,唔怪之得佢一身打扮靚絕全場。之後 Queenie 問返我在香港做什麼工作….

馬沙 :「會計師!」

Queenie :「Tony 你好利害耶!」

講真,在香港有3萬幾個註冊會計師,中環跌個招牌落嚟,分分鐘扑死幾件。估唔到人在台灣,會計師變咗「好利害」嘅職業,入行廿年都係第一次聽。

之後我地各自叫咗甜品,佢叫咗疏乎厘,我就叫咗我最喜愛嘅香蕉船。Queenie 嘅疏乎厘好快上枱,而我嘅香蕉船等咗成20分鐘都未到,我為咗無冷場,加上有少少醉意,我就講咗一個抄自傳奇博客渣估嘅爛 gag….

馬沙 :「May be the master chef is cleaning my banana….」


Queenie 聽完之後成塊面紅哂,dup 低頭係咁笑。偶像渣估呢招果然work, 不愧為香港博界傳奇。望真啲,其實Queenie 真係幾索。

食完甜品,我照樣坐的士送 Queenie 回家。不過途中我其實好驚,因為我唔知 Queenie 會唔會好似尋晚一樣,問我今晚可唔可以留低陪佢。

結果…….

 (2014年9月18日刊於 全民媒體)

星期五, 9月 05, 2014

永康階(下)

未等Krystal 回答,我選擇用行動去回答Krystal 呢個今日第二次問我嘅問題。我一嘢就嘴埋 Krystal 到..........

馬沙:「記唔記得電話亭嗰晚?」

未等Krystal 回答,我選擇用行動去回答Krystal 呢個今日第二次問我嘅問題。我一嘢就嘴埋 Krystal 到, 呢一個熱吻維持咗可能唔夠半分鐘,但感覺就好似整個世界都為咗我地呢一吻而停頓咗咁……

如果呢一刻係拍緊戲,呢個kiss 嘅配樂必定係Bryan Adams 首Please forgive me…… 「It still feels like our first night together, feels like the first kiss ~~~~ I remember the smell of your skin, I remember everything, I remember all the moves, I remember you, yeah~~~~」
 
馬沙:「Krystal, 妳聽日就結婚,呢個係妳一直想知嘅答案,就當係我送比妳嘅結婚禮物!」

Krystal 雙眼通紅、嘴帶笑意咁不住點頭,並說了一聲「多謝!」,似乎我給佢嘅答案,令佢相當滿意。
 
愛情呢家嘢,好多時就係咁,好講 「Timing」。要適當時間遇上適當嘅人,即所謂Mr. Right, 談何容易?
 
Krystal 同我,好明顯就係唔啱timing,絶對有緣無份。Krystal 等咗我4年半,但我身邊已經有凱琳,容不下Krystal。到我正式拒絕咗Krystal 都未到一年,卻意想不到咁同凱琳分咗手,回復單身。最可笑嘅係當我發現Krystal 好可能係我嘅Mr. Right ,想追返Krystal 嘅時候,Krystal 卻偏偏跟台灣仔阿楠開始咗一段新戀情。無錯,阿楠就係Krystal 嘅 fiancé !
 
我仲好記得當年 Gabriel 曾經大力主張我應該趁Krystal 新戀情仲未成熟時,從阿楠手上將 Krystal 搶返嚟,仲日日不停係我耳邊講埋好多橫刀奪愛嘅方法。
 
不過講到感情呢方面,我就比較buy Michael 嘅理論。Michael 成日同我講,「愛」係要講道德!一段關係之間,永遠只可以容納兩個人。既不能讓第三者加入破壞一段關係,更絕不能做第三者去拆散一段關係。你今日奪人所愛,他日必被人奪去你嘅最愛。
 
正所謂「剃人頭者、人亦剃其頭」也,所以做人真係要學識珍惜眼前人。

 (2014年9月4日刊於 全民媒體)

星期四, 9月 04, 2014

永康階(中)

記得有次送Krystal 返到佢屋企附近,忽然落起大雨,Krystal 一手將我拉入一個公眾電話亭。我心諗:「CLS….拍戲咩!」。

回想當年我同Krystal 嘅關係,既不是愛情,更不是友情,極其量只能用曖昧去形容。我長期mark 佢幫我出job,收工經常約佢去飲嘢。我地嘅關係就係由咁樣開始,一步一步咁踏上曖昧嘅深淵。

每次飲完嘢我都會送埋Krystal 返屋企,記得有次送Krystal 返到佢屋企附近,忽然落起大雨,Krystal 一手將我拉入一個公眾電話亭。我心諗:「CLS….拍戲咩!」。我一直以為「分手總要在雨天」,那一刻我卻面對「雨夜的浪漫」!

可能當晚大家都有點醉意,在擠逼嘅公眾電話亭內,我腦中奏起「浪漫呼吸中、漆黑中,就只有妳共我,從沒有這刻的衝動」。Krystal 突然向我施以一個突襲,深深地吻向我,我就係咁被Krystal 殺個措手不及。如果大家認為喺 IFC 殘廁「gathering」is so dirty,咁大雨中的公眾電話亭著實係「gathering」一個不錯的選擇。

面對Krystal 「有無愛過」呢個突如其來嘅問題,我一時之間都唔知應該點答。Krystal 明天都結婚了,怎說好呢?難道說我當年拒絕咗佢之後曾經好後悔,有想過追返佢,同佢講其實我都好愛佢?

我最終都抵不住沈默,同Krystal 講:「妳明知我當時已經有凱琳,而我對凱琳係認真,我係絕對唔會俾自己同一時間愛兩個女人!」

Krystal 語帶委屈地說:「那我地嗰種,是否可以叫做三角戀?」

馬沙:「不!我地從來無戀過,點可以叫三角戀。嚴格啲講,我地只能叫霧水情緣……」
Krystal:「但係我當時我好認真咁等你……」

馬沙:「可惜我當時無空間去接受妳嗰份愛……」

Krystal:「我明白,我只係唔甘心……. 沙…. 你仲未答我……..究竟你有無一刻愛過我?」

 (2014年9月2日刊於 全民媒體

星期一, 9月 01, 2014

永康階 (上)

我望住牆上一張電影海報,上面寫住「等 一個人 咖啡」六個大字,內心卻泛起「DLLM」四個英文字。


一覺醒來,望望手錶,已經近中午2點。「Oh Shit!約咗 Krystal 3點!」

即刻以9秒9速度沖個涼換件衫就離開酒店,沿途check 吓東門站喺邊!真係好彩,東門站距離我酒店只有5個捷運站,應該唔會遲到。現代科技真係方便,離開東門站之後,透過手機就輕易找到永康街,而咖啡館「永康階」亦好快出現在我眼前。

步入咖啡館前,我有點兒緊張,因為已經無見Krystal 6年有多。佢依家是否比當年更索,我真係好期待。入到咖啡館四圍望都見佢唔到,就先找一個近窗邊位坐低,叫一杯咖啡嘆住等。

轉眼之間,一小時、兩小時已過去,咖啡我已經飲到第三杯,Krystal 仍然未嚟,我開始懷疑Krystal 係咪玩我。我望住牆上一張電影海報,上面寫住「等 一個人 咖啡」六個大字,內心卻泛起「DLLM」四個英文字。我放低哂香港所有工作飛過嚟台灣,都係為咗見Krystal 一面,Krystal 竟然咁對我?

正當我盤算緊應唔應該再等落去之際,有人推門步入咖啡館。在場每一個人都對行入嚟嘅人行咗一個注目禮,因為佢真係好靚,直迫A級Model。當佢來 到我枱前,佢終於停下來並打開雙手,而我就禮貌地起身跟她來個擁抱。無錯,眼前呢個靚女就係Krystal。當我坐低之後,我隱約感覺到在場所有男士在向 我敬禮…..

馬沙:「妳遲咗成兩個鐘!」
Krystal:「當年我都等咗你4年3個月!」
馬沙:「OK!You win! 電話都無個,妳點知我未走?」」
Krystal: 「我就知你一定會等,你向來都好有耐性!」


話閘就咁打開,傾近一個小時之後,Krystal 忽然問咗我一個問題…

Krystal:「其實當年你有無一刻愛過我?」

 (2014年8月29日刊於 全民媒體)

星期五, 8月 22, 2014

西門靖 (下)

當送Queenie返到家門前,佢突然同我講:「我家裡今晚無人耶!」,而佢帶點醉嘅眼神仲好似對住我說:「今晚可否陪我,難道我不夠吸引力嗎?」


三位台妹坐低之後,高妹先自我介自己叫Helen, 兩位係佢好姊妹分別叫Queenie 同 Debbie!

Helen:「你不是台灣人,你從哪裡奶耶?」
馬沙:「奶?噢!我是腥港奶!」
Debbie:「腥港嗎?很多師哥耶!」
Queenie:「你叫甚麼名字?」
馬沙:「Tony (係香港落吧識女仔我一定係用呢個外號,因為我喜歡Tony Leung 梁朝偉)」
Debbie :「你很像腥港張家輝激戰哪個賤輝耶!」
馬沙:「除了個髪型一樣,哪裡似?我又不懂打拳!」
Debbie:「你跟他一樣咁大隻耶!(我當時著住緊身衫)」
Helen:「對呀!你很大隻噢!我可以摸你一下嗎?」哈哈哈……..


如是者嘻嘻哈哈,啤酒係咁隊。風花雪月,成晚吹咗啲乜,我已經唔係好記得,只係記得三位台妹不停「耶」、「噢」!就係呢兩個時常掛在口邊嘅常用字,顯得台妹特別溫柔。相比港女下下命令式嘅說話語氣,台妹嘅說話方式必定令港男更加受落。相信港男「有得揀,一定揀台妹」。

我地一吹就吹到成點鐘,Helen 仲相約我第二日一齊到附近食燒肉,即係類似韓式燒烤。埋單凖備走人之際,成晚好少出聲嘅Queenie 就帶半醉話住係我酒店附近,問我可唔可以送佢回家,我作為一位腥港嘅gentlemen,當然義不容辭。

當送Queenie返到家門前,佢突然同我講:「我家裡今晚無人耶!」,而佢帶點醉嘅眼神仲好似對住我說:「今晚可否陪我,難道我不夠吸引力嗎?」

馬沙當時唔識接落去,Gabriel 叫我去馬,但Michael 就提醒我要小心。腦海經歷咗10秒空白之後,最後我理志跑出半個馬鼻,拒絕咗Queenie 嘅邀請,呢次我理志贏哂,但唔知Queenie 會唔會好嬲。

返到酒店,我突然醒起唔記咗買結婚禮物比Krystal ,呢獲真係PK啦,聽日送乜比Krystal?

(2014年8月22日刊於 全民媒體)

星期四, 8月 21, 2014

西門靖 (中)

其實呢個雙方估估下嘅時刻永遠係最正,而今晚呢個串燒餐可能就係佢地撻著雙方情侶關係嘅一個臨界點,食完呢餐宵夜,佢地將會正式成為情侶都未定。



食到咁上下,店內嘅人越來越多,顧客平均年齡低於三十,且大部分型男型女,當中有六、七個女仔仲十足乜鬼雞扒妹咁嘅樣。不過,吸引馬沙注目的,其實 是坐正我個位直望就見到嘅一位靚女,佢同一個貌似盧廣仲嘅男仔一齊。我從佢地嘅行為舉止及互望嘅眼神,估計佢地應該仲係一段關係嘅起步點。

其實呢個雙方估估下嘅時刻永遠係最正,而今晚呢個串燒餐可能就係佢地撻著雙方情侶關係嘅一個臨界點,食完呢餐宵夜,佢地將會正式成為情侶都未定。

靚女配盧廣仲,我估大家諗起心裏應該都會暗笑起來。世事就係咁,好多男士以為靚女特別難追,事實係靚女先特別易追!何解?因為靚女(尤其好靚嗰 啲),根本無乜人敢追!所以你是否追到靚女,只取決於你是否夠膽追!呢一點馬沙已經親自証實過好多次。如果閣下好似馬沙咁有少少才華,靚女分分鐘掉轉頭追 你都唔奇。

一講到比靚女追,自不然又想起曾經暗戀咗我足足4、5年又比我拒絕咗嘅 Krystal。一諗起 Krystal, 縱使當時無人同我互隊,我都即時自隊咗一大杯生啤!「小二!再來多杯!」

正當老闆Jimmy放低第三杯生啤嘅同時,我身後唔知幾時出現咗三位台妹。如果要馬沙形容呢三位台妹嘅容貌,我唔需要用幾百字去寫,兩個字就夠,就係「好得!」。

當中比較高嘅(仲高過馬沙半個頭)一位先開聲:「先生您好啊!可不可以請我三姊妹飲杯酒耶?」
「Of course!(我再用好鬼難聽嘅國語)要喝甚麼?」
高妹說了「謝謝噢!」就order咗三杯啤酒,之後就坐低開始吹水。

(2014年8月21日刊於 全民媒體)

星期三, 8月 20, 2014

西門靖 (上)

收線後我腦海仍不斷被 Krystal 那句「我好掛住你」纏繞住,唔知係咪我自己多心,硬係形住 Krystal 那句說話有特別意思。

秘書Maggie 幫我訂咗第二日早上10點機票,即晚執拾細軟。第二朝8點就打的到機場,準時上機。原定下午3點前可到達台灣酒店,點知該死的中華航空delay咗成個半小時先起飛,攪到成5點先到達酒店check in。

放低行李,決定先去西門町走走,諗住買份有特色嘅結婚禮物比Krystal。去到西門町已經成7點幾鐘,見有啲肚餓,腦裡即時想起「西門靖」三個字。

「西門靖」係日式居酒屋,即係飲啤酒食串燒嘅地方。因為老板好撚型,所以宵夜時段好鬼死多潮加索嘅台妹。如果你一個男人或成班狗公去台灣,必定要去 呢間居酒屋食宵夜。當然,呢間居酒屋嘅食物本身係非常之掂。所以一眾單身港女去台灣,都不妨落去坐下,話唔定都可以識返個台灣型男!

落到去由於時間尚早,即時有位,坐低就order 十串八串串燒醫肚,啤酒當然唔少得。Order 完等待食物時,就打個電話比Krystal 諗住通知佢一聲我到咗台灣及會出席佢後天嘅婚宴。

「Hello! Krystal? 我係馬沙!我剛到台灣!」
「馬沙?依家喺台灣?又話要趕tax deadline 嚟唔到?」
「妳結婚!我點忙都要嚟……」
「我都知你一定會嚟!我好掛住你!明天中午可以出來飲杯咖啡嗎?」
「Sure! 邊到?」
「3點鐘永康街 • 永康階!」
「What?」
「係近東門站永康街,咖啡館叫永康階!」
「收到!明天見!」

收線後我腦海仍不斷被 Krystal 那句「我好掛住你」纏繞住,唔知係咪我自己多心,硬係形住 Krystal 那句說話有特別意思。突然一陣香氣撲鼻,原來一大碟串燒送到眼前。唔理咁多,食飽先算!

 (2014年8月20日刊於 全民媒體)

星期六, 8月 16, 2014

一走了之

坐沒多久,我一個人拎住杯紅酒行到窗前一角,欣賞對岸中環的夜景。當晚大概是十五,月亮又大又圓!明月夜有一絲絲淒美的意景,而這意景又讓我想起Krystal。

一個月前,一大班舊同事在Sheraton 4樓間Morton’s of Chicago包了房為Dicky慶祝生日。當晩雖然已經開咗近十支紅、白酒,但班友話仲未夠喉,唯有移師上18樓Sky Lounge繼續。

坐沒多久,我一個人拎住杯紅酒行到窗前一角,欣賞對岸中環的夜景。當晚大概是十五,月亮又大又圓!明月夜有一絲絲淒美的意景,而這意景又讓我想起Krystal。

很久沒見的Stacey拿著一杯Moët Rose Imperial走過來:「馬沙,好耐無見。做乜一個人企係到自隊紅酒?

「Stacey, 冇見妳成5年,妳最近好嗎?依家喺邊到做嘢?」

「唉,仲喺EY呀!馬沙你呢?」

「我仍然做緊流氓會計師,餓唔死咁啦!唉….呢啲衰嘢唔好提啦,成班舊同事中我最無出色…….」

「馬沙哥你咪玩,我都係你一手train出嚟,無你就無我。你乜料我地成班舊同事點會唔知!」

「頂!妳講呢啲,飲啦!」

「係呢!Krystal 下月中喺台灣結婚,你知唔知?」

「我有收到帖!」

「咁馬沙你去唔去?話哂Krystal以前暗戀咗你足足4、5年先比你拒絕! 我同Danielle約埋12號一齊去,順便玩幾日!」

「唔去啦!下月中D Code deadline, 仲要去台灣咁遠,啲job 邊個做?」

這時候Rocky 走過來:「喂!Dicky叫你兩個快啲返埋去同佢飲呀!」……

昨夜零晨一個人在機場跑道公園跑步。跑完步休息時見天上月亮比平日更大更圓,想起一個月婚禮之期將到。我問咗自己好多次,究竟我係咪應該親自為 Krystal送上一份祝福。Michael忽然同我講,「你都4x歲人啦,唔知自己幾時熄燈,唔好比自己人生有遺憾!」Michael 講得無錯,做人想做就要做!

今天一返到公司,即叫秘書Maggie 入房:「Maggie,我要明天去台灣,麻煩妳幫我訂明天機票,任何航空公司,總之要快!」

 (2014年8月12日刊於 全民媒體)

星期五, 8月 08, 2014

宵夜出哲學 (一)

真係Delay No More!Johnny仔話佢一行出廁格,見到有個老伯踎咗係角落食緊成扎香……

夜半兩點鐘,雖然隻job離deadline得返兩日,但都係決定喳喳林走人。點解?因為盂蘭節就到,聽老媽話臨天光時份好易撞嘢,農曆7月最好4 點前返到屋企。雖然我係基督徒,但正所謂「寧可信其有,不可信其無」。以前喺某「迫」firm工作時,有一年正值農曆七月十四,成team人喺公司清Q埋 尾,時近清晨4點,阿Jonny 仔話頂唔順要出去廁所食飛煙先,點知條友仔好鬼快返咗嚟,仲話屋企有事要走先;咁馬沙出名好人,你開得口話有事要走,我必定放人。

到咗第二日,Johnny 仔老母打電話比馬沙,話Johnny仔發高燒要請假。心諗:「Johnny仔明知仲有幾日要出draft,竟然夠膽玩嘢?」誰知Johnny仔呢個病假一 請就兩個星期,最離奇係條友仔兩個星期後一返到公司就直去HR,辭職不突止,仲玩到賠錢即日走人。Johnny 仔執拾細軟時,馬沙就問Johnny仔玩到咁招積,去邊到返新工?Johnny 仔支唔以對,欲言又止,咁馬沙呢種做慣流氓跑慣山嘅人,當然唔再追問!

如是者過咗兩個月,有一晚接近2點鐘,收到阿Johnny仔電話,佢話啱啱喺老蘭同朋友飲完嘢,問我可唔可以過去宵夜,飲返兩杯?

Michael即時走岀嚟提醒我小心中伏!的而且確,你明明已經同朋友飲完嘢,成2點鐘call我落老蘭再飲咁趣怪?九成九無錢找數,絕望中諗起馬 沙呢位前上司可以江湖救急!我同Michael講,雖然呢次九成九會中伏,但如果用一千幾百就可以令Johnny仔欠我一個人情,我覺得「值」!於是我答 Johnny仔:「10分鐘內到!」

我用咗7分鐘就去到門口有幾條黑柴嗰間酒吧,見到阿Johnny仔一個人坐咗喺吧枱,喺我未開口問Johnny仔係咪要我幫佢找數前,Johnny 仔搶先開口向靚女Bartender叫咗杯馬沙至愛嘅Southern Comfort on Rock,都算條友仔有我心。我還未坐定,Johnny 仔就話馬沙一向待佢不薄,有件事應該話聲過我知。

是咁的,佢話兩個月前,即請病假前一晚,佢一條友去廁所煲煙,當佢入到廁所,最埋邊一格已經有人用緊,仲見廁格有啲煙升緊上嚟。因為好多同事都係喺 廁所煲煙,Johnny仔就不以為然咁自己搵另一格吞雲吐霧。支煙食到一半,Johnny 仔開始感覺到不對勁,因為隔離傳來嘅煙味好古怪,有一陣濃郁嘅擅香味。Johnny 仔大聲問邊組師兄係隔離,如是者問咗3次都無人回答,Johnny 就行出廁格諗住問個究竟。真係Delay No More!Johnny仔話佢一行出廁格,見到有個老伯踎咗係角落食緊成扎香,嚇到佢幾乎瀨尿,叫都唔敢叫就衝咗出廁所。馬沙即場忍唔住喺吧枱大叫: 「WTF!」攪到在場人士以為我貓咗。Johnny 仔話之後嘅事,馬沙應該清楚,唔再多講!

呢單嘢我當年無向任何一位同事透露過一句,因為馬沙相信件事一講出嚟,肯定再無同事會OT至零晨。而我由當晚開始,一過咗12點,係唔會再去公司廁所……今次呢餐宵夜由我請,大約5舊水,我俾完錢之後即刻同Michael 講咗一句:「都話咗「值」啦!」

提提各位會計師(尤其某「迫」firm),今晚過咗12點就係七月十四……唔想變會計屍……4點前好返到屋企。

(2014年8月8日刊於 全民媒體

星期三, 8月 06, 2014

思念是一種病

                      在每個分手道別的地方,總留下一些紛亂的腳印。誰不曾徘徊、不曾留戀?


零晨3點,一如往日,仍在公司埋首為客戶寫緊那份「丟D」報告。身心疲累之際,手機忽然響起「叮叮」兩聲,在文件及合約堆中好不容易先搵返部手機。

打開WhatsApp,有如下留言:

「沙,
明天一早和老公及兩個仔一起去澳洲10日,今年不能同你慶祝生日,預祝你生日快樂!
素珊」


我望住呢段短短嘅WhatsApp短訊,感覺苦中帶幾分甜。

在每個分手道別的地方,總留下一些紛亂的腳印。誰不曾徘徊、不曾留戀?

那次愛情重創之後,時間不斷為我療傷,我知道現在留下來的是一道美麗嘅傷口,還有的就是思念!

我選擇性失憶,只會記著和妳一起時的快樂片段。唯一嘅例外,係妳離我而去前拋下的一句說話:「你只係中五畢業,同你一齊我睇唔到我地嘅將來!」。

我無想過20幾年後,我地會在工作上再次遇上。我慢慢地斟一杯Southern Comfort ,望著電腦內一張舊照,大喝一啖,默默地讓那酒精衝上我的腦袋。

今天的我,仍然係一個只有中五學歷的中年人,跟20幾年前嘅分別,只係我日常簽名嘅文件中,我的名字後面通常多咗「CPA」3個英文字!

無錯,我每日嘅工作就係跟一大堆數字談談情、說說愛!我係流氓會計師-馬沙。

(2014年8月6日刊於 全民媒體

星期一, 8月 04, 2014

葉朗程巧遇王迪詩

上星期葉朗程係 LGB 巧遇王迪詩單嘢, 全城鬧得火熱,一路睇時馬沙已經覺得呢個玩法有點似曾相識.......

今日我終於記起,原來馬沙 8年前已經以相同方式,在中環國金巧遇過方卓如一次 .......... 


最得意之處係我呢篇8年前嘅文應該早已沉底,但今日check下文章流量,原來呢篇8年前嘅文嘅檢視次數,6月尾開始上升,7月份仲竟然升返上熱門文章排行榜第12位,最近7日仲排行第3位,失驚無神做乜鬼突然咁多人睇同一篇寫咗8年嘅文章呢?



喂!「IFC 張智霖」葉朗程,你係咪抄我橋?

星期六, 12月 16, 2006


迷失中環 - 馬沙篇

上個月馬沙一個人迷失於中環國金,
巧遇方卓如....

馬沙:「卓,恭喜你新書出版」

卓: 「多謝!好睇嗎?」


馬沙: 「非常好睇,只是字体好似太大,書亦非常之薄! 我放工到書店打了3天書釘就看完。」

卓: 「馬沙你有所不知,此書最佳閱讀地點不是書店,而是公幹時於飛機、公車或大船上。交通工具會搖擺,字体大一點方便閱讀。公幹一般兩三天,剛剛好!」


馬沙: 「今次這書最好看是大量加插博客留言。尤其是不敗的魔術師的"國金同人誌"。但好像有點妹仔大過主人婆!」

卓: 「我都有這感覺,可惜後悔已遲。」


馬沙: 「你出書前得到不敗的魔術師同意嗎? 有冇付他稿費?」

卓: 「........」


馬沙: 「至少應請他為你寫書序吧! 你的系列不是還有3冊嗎? 亡羊補牢,未為晚也。」

卓: 「考慮考慮!」


馬沙: 「下一冊定價可以平一點嗎? 如果是$50,在書店又有八折,即$40我就唔駛打書釘啦!」

卓: 「......」


馬沙: 「啊,忘記恭喜你終於追到雲妮。」

卓: 「有甚麼恭喜不恭喜,早知她對我有意思。」


馬沙: 「有時間記得上我Blog看看我寫的"馬沙筆記"比下意見好嗎?」

卓: 「一定一定!」......心想:「點同我比!」

星期五, 8月 01, 2014

唔止離地,直頭上咗太空

今時今日,如果同一地點有Pizza Express、Pizza Hut,甚至Spaghetti House, 識食一定揀Pizza Express吧!

Pizza Express早已進註各大型商場,左生如果唔知,咁佢唔止離地,直頭上咗太空!佢仲話覺得Pizza Express 平平無奇,以Pizza Express 嘅價錢定位及級數,左生唔會將Pizza Express 嘅Pizza 同Aqua 或 Giando Italian Restaurant & Bar 嘅Pizza比較掛!

即係你無理由食慣Main St. Deli 嘅漢堡包,之後話老麥嘅漢堡包平平無奇囉..... 都唔同級數!
 
 Giando Italian Restaurant & Bar (黑松露 Pizza)

Main St. Deli (12oz Monster Burger) HK$188



買Pizza公司

中環擺花街街尾有一間意大利薄餅店,叫做Pizza Express,佔地下舖位及一樓,加埋面積都唔夠一千平方呎(以肉眼所見),左丁山平時經過都冇乜留意,畢竟已過咗食Pizza嘅青春年代,你估係 Pizza Hut由怡和引入香港初期咁巴閉咩。當年「必勝客」中環店設於置地廣場地庫,每日中午門口就排晒長龍,生意多到做唔切。而今,薄餅已完全失去新鮮感,點吸 引到尖嘴食客呀。
不過睇到有報導話內地一家私募資金以120億港元收購咗Pizza Express全盤生意,先至知道呢間薄餅連鎖店是英國公司,在英國發跡,有百零間分店,亞洲香港亦有分支,內地中資公司一啖吞咗佢,肯定係想將個品牌帶 入大陸,在內地與必勝客火併啦。大陸嘅必勝客現在不知情況如何,以前就係華南特許經營權歸怡和,北方特許經營權另歸他人嘅。
既然公司品牌加業務值 120億港元咁多,左丁山睇完報導之後,趁當日無預約去飯局,於是走去幫襯吓,試吓凱撒沙律與海鮮薄餅,只覺平平無奇,與一般中環西餐店比較,一般啫,無 競爭必勝把握噃,何解品牌值咁多錢?想唔通。可能自己已與市場脫節,唔識揀蟀咯,新一派投資專家有的是錢,買新生意夠膽落注,口噏噏有中國13億人市場概 念,就一於冇有怕,祝佢地好運啦。
以120億元買一家公司,應該唔會全部用投資基金嘅資本支付嘅,欲要增加IRR(內部回報率),標準方法係收購 價部份以本身資金支付,部份向銀行借錢,又有部份係延期付款,盡量利用Pizza Express嘅現金流嚟償還貸款及利息。呢日碰見一位年青後輩,係銀行trainee,正在貸款部學習,於是考吓佢:「假如基金問貴行借錢買一間薄餅公 司,銀行叫你負責,你敢唔敢膽借?」後輩騎騎笑:「世叔,唔好考我啦,我冇資格。」資格就係暫時未有,不過如要學習複雜信貸案件,世姪不妨做一個虛擬作 業,磨練吓自己。不過世姪都識得問:「私募基金買高科技公司博有創意發明,一鋪爆紅,我明白嘅,但買Pizza公司,究竟係乜概念?世界上好多人識做 pizza嘅啫!」唔,呢啲叫做「收入需求彈性大於一」(income elasticity of demand)概念,就係博新興國家地區GDP增長快,民眾對非傳統食物、消費品嘅需求增加得更加快,過往三十年呢個概念未錯過,但pizza在亞洲發展 有40年歷史,已成為成熟產品,其收入需求彈性可能已經下降咗咯。 左丁山

星期四, 7月 17, 2014

白皮書無問題、香港法官應該愛國?

兩個反中亂港賣國賊李漢奸及民主阿婆,走去英國下議院聽證會上告中國出白皮書改變香港一國兩制,高度自治,又話中國要求香港法官愛國唔啱。

點知比英國下議院班議員話唔覺白皮書有問題,仲話英、美兩國法官都要宣誓效忠,基本法係中國法律,要求香港法官愛國無不妥之處!

唔知一向奉英、美兩國為神明嘅人,聽完英國下議院班議員嘅説話仲有乜嘢講!

另外,
全球排名第二、英國極具權威的智庫Chatham House駐港高級硏究員日前發表一篇題為<白皮書並沒有顯示北京對香港政策有變>的評論報告。內容重點係「白皮書引發激烈批評並非因其內容有問題,而是純粹由政治因素導致」。


奇怪的是呢兩則咁重要嘅新聞主流媒體唔多報導,大家更永遠唔會見到毒果日報、豬場呻吟出 A1頭條如實報導,大大隻字咁報英國下議院班議員話白皮書無問題,香港法官應該愛國!

查實香港主流媒體只報憂 (唱衰中國/香港政府) 不報喜 (唱好中國/香港政府) ,先至真真正正打壓新聞自由............








新聞片段:
http://news.tvb.com/local/53c6aae86db28cad5c00000a

星期四, 5月 15, 2014

周街便溺

講到國內人容許小朋友周街便溺,我支持依例執法,見一次票控一次!

不過,執法票控國內人小朋友周街便溺嘅同時,最好嚴厲執法票控嗰啲容許狗隻周街便溺嘅狗主!

經常係街見到啲狗主比隻狗周街屙尿,屙完就扮有家教咁倒啲水落狗尿上面! 呢啲狗主智力低於猿猴,倒啲水落狗尿上面就當沖乾淨咗?

倒啲水落狗尿上面,除咗擴大地上液體範圍及表面上沖淡咗啲狗尿外,實質上同唔倒啲水落狗尿上面根本一啲分別都無,篤狗尿100%仍留在地上!

狗屙屎前有放報紙墊住啲屎之後放入垃圾筒還好,比隻狗周街直接屙屎落地走咗去嘅正PK! 至於嗰啲比隻狗周街直接屙屎落地之後揾報紙包走啲狗屎放入垃圾筒嘅,都唔好得幾多,同國內人容許小朋友周街便溺之後揾報紙包走啲屎放入垃圾筒一Q樣咁衰!

好多人鬧國內人將屎放入垃圾筒唔啱,因為垃圾筒唔預你掉屎! 咁何解啲狗主個個將啲狗屎掉入垃圾筒又得呢?

計我話,趁住個勢,一次過票控埋啲容許狗隻周街便溺嘅狗主就啱!

星期三, 3月 12, 2014

先辭職、再被炒

拋開所有政治因素,純講HR問題,其實伍珮瑩打咗咁耐工,講嘅嘢都幾低B! 首先,佢認咗係佢自己先提出辭職,其後總公司高層來港開會,叫她即日離職!

香港各大傳媒、市民就將呢個解讀成「伍珮瑩先辭職再被炒」! 各大傳媒、市民個個鬧威普公司好PK, 明明係伍珮瑩辭職在先,做乜仲走去炒人,無良顧主兼炒人唔賠錢!


睇返伍珮瑩尋日記招,更加證明根本無「被炒」呢回事,只係各大傳媒有心做新聞,無知巿民又人講乜就信乜,下下先入為主,當正伍珮瑩係英雄,乜鬼因「仗義執言」被炒!

要分析呢單嘢好鬼簡單:

第一,伍珮瑩清楚表示,自己先向顧問公司威普呈辭獲接納! 「呈辭獲接納」係呢個CASE 係重中之重! 即係話,伍珮瑩呈辭 (RESIGN) 並獲顧主 接納 (ACCEPT), 咁由顧主接納佢呈辭嗰刻開始, 伍珮瑩已進入咗離職通知期,根據伍珮瑩追薪資料,佢嘅職位呈辭要俾3個月通知期 (合乎一般公司高層3-6個月通知期);

第二,伍珮瑩表示,周刊其後刊出報道後,威普再出信將伍解僱 (估計目的是「唔想俾錢」。而伍連假期都未獲賠,通知期亦欠奉。)! 問題就係到喇,其實一間公司係「絕對唔會」炒一個已進入咗離職通知期嘅員工,因為理論上呢位員工已經辭L咗職,干脆叫佢通知期唔駛返工即刻走就得,仲炒乜 Q? 伍珮瑩對外聲稱自己被「解僱」已經錯到不得了,正確係佢自己「辭職」,公司唔使佢3個月通知期返工,叫她即日離職先至啱!

所以現實根本唔會有「先辭職、再被炒」呢回膠事! 呢句說話你講出嚟我唔笑9你,其實係我有修養而已!

呢單嘢唯一有討論價值係「錢」! 打過下工嘅人都應該好清楚,一般情況,不論辭職或被炒,都有個叫「通知期」存在,一般人通知期係1個月、中高層就3個月、非常重要職位就半年甚至1年都唔奇,總之顧傭合約應該寫得淸淸楚楚!

先講公司炒人,因為較為簡單:
1) 公司要炒人,理論上要比通知期,不過現實世界,除咗啲孤寒又怕蝕底嘅老闆外,十居其九都係賠錢(代通知金)比被炒員,叫被炒員工即日走!

2) 另一常見方法咪叫你打封信自己辭職,同意免你通知期,比你即走囉! 好處係你仲可以大大聲同新顧主講你係自動離職,唔係比公司炒囉!

3) 捉你違反合理命令,免賠即炒!

以上要錢定要公司reference letter, 自己決定啦!

再講員工辭職:
1) 正常人比辭職信公司又獲公司接納 (事實係根本無得唔接納),好嚟好去有交帶,咪做埋通知期(一般人1個月)先走人囉! 如果辭職員工想即刻離職 (例如趕住返新工),咪同樣賠錢(代通知金)比公司囉,打工仔無人唔知掛?

2) 另一個較為複雜嘅係公司與員工關係持續不良,即係員工俗稱「博炒」,比員工博到,咪收多個月代通知金走人囉! 博極公司都唔炒,反被公司玩返轉頭頂唔順自己辭職,比人玩多個月囉! 不過好多公司都怕鬼咗呢啲員工係通知期攪亂檔,叫呢啲員工通知期唔駛返工即日走! 理論上公司咁做,雖然呢啲員工通知期無再返工,但係錢係要照俾,之但係公司肯白白咁賠呢個月人工比呢啲員工,一早就賠錢炒Q咗佢啦! 咁點好呢,現實世界,咪口講經雙方協商後,公司同意免去員工通知期,允許員工即日走囉! 員工當然可以堅持唔就犯,但通知期一定好難過囉 (例如叫你搬去廁所門口坐、全日唔俾嘢你做要你坐到直一直又唔準做任何私人嘢)!


http://www.metrohk.com.hk/?cmd=detail&id=229386

星期四, 3月 06, 2014

雞鵝髀飯

尋日王維基係報紙幾個月前去銅記茶仔,食咗客雞鵝髀飯索價$165元好Q貴,都係自由行惹嘅禍! 

於是有報紙就係銅記周Q圍揾下邊間茶仔雞鵝髀飯賣$165元咁Q貴,點知揾極都揾唔到,王維基你究竟係邊間茶仔食索價$165元一客嘅雞鵝髀飯?

其實我認為,要評論物價,用一碟普通燒味雙拼去比較係咪公平及合理啲呢,有幾多普通巿民會去茶仔加錢叫雙髀飯?

不過再話時話,即使$165元一客嘅雞鵝髀飯,點都抵過之前某茶仔推出$128嘅低B餐蛋飯!

老實講,其實我認為去茶仔比$165元食雞鵝髀飯,已經顯示呢條友本身相當ON9! 比得起$165元食雞鵝髀飯,點解要係茶仔食? 去中環鏞記一級食府食一碟雞鵝髀飯都係$140元!


其實我覺得去太興食碟雞飯收$61已經離哂大普,我去泉章居食碟招牌鹽焗雞飯開壺靚茶慢慢嘆先收$42!



星期二, 3月 04, 2014

好文共賞 (三)

糟老頭真係勁,一氣呵成寫哂回歸至今成台戲,同我睇法完全一樣!

如果能加入埋董營梁粉蟲呢位MPS劊子手如何未上戰場,就比MPS 利益集團暗殺,就very good !

**********************************************
**********************************************

作者: 糟老頭

法律要求電台要拎牌, 所以傷台雖名為商業, 但行事要付合社會公眾既合理期望, 係可以理解.

正正就係咁, 你小姐作為 烽煙節目主持, 應炒, 一早炒. 唯有如此, 方能璋顯香港言論自由.

何解 ?

你小姐有明顯政治立場, 有 agenda ( 反鷹), 乃是不爭之事實. 相信佢自己都要認. 既然如此, 她應去從政, 參黨, 組黨, 競選議員, 或是打正旗號做時事評論員 , 一樣可以海闊天空發光發熱, 我都會耐不耐聽下, I promise .

郁文, 長毛就係好例子. 你套理論只要有人 buy, 當選議席自然就可以在廟堂之上大發高論, 甚至掟蕉掟你姥姆西, 誰曰不宜 ? 邊個話香港冇言論自由 ? 真係劈大眼講大話.

但以你小姐有明顯政治立場之身, 點解可以以咩「不偏不依不群不黨」去做 烽煙節目主持, 其實係霸住個大氣電波去握殺異見聲音, 實則去實行你既 hidden agenda ? 你應該去做受訪嘉賓先o岩 !

佢其實係繼承緊某條大石班既舊路. ie,

老懵董時期, 要打擊地主黨同 MPS 利益集團, 彼方自然聯手反擊. 策略之一, 就係搵條大石班係電台發功, 拆老懵董台. 佢非常之成功, 令老懵董腳疼下台, 換上一個高地價同 MPS 利益集團代言人煲呔僧. 終其任內, 香港公共房屋供應大減, 樓價大昇. 依家幾十萬人住當ij 房就係佢既 legacy, 可笑既就係, 受害者冇人識得追究佢. 而隻大石班呢 ? 佢以民意領袖身份, 高票當選議員, 而哩度先係佢露出真面目既地方. 佢係個度做過尐乜? 正正就係乜都冇 ! 粒聲都冇 ! Because mission already accomplished !
到第三個凸手選舉 , 爆出九龍塘大宅 僭建風波. 你小姐搵當事人上台解畫, 言辭間大有護航味道, 因為主角正正就係高地價同 MPS 利益集團栽培已久既代言人.

無怪近日九龍塘大宅男, 同另一個前朝怨婦即刻走出黎撐阿你小姐, 因為你小姐既任務, 就係要重演一次老董腳痛 , 可惜出師未捷身先死.

佢將佢既被炒, 政治化裝成打壓言論自由, 而無視佢自已利用公眾既大氣電波中進行黨同伐異, 限制不同意見人仕發聲, 去鋪排另一個高地價同 MPS 利益集團既代言人上台既行徑. 可笑復可哀者也.
郁文講得冇錯, 當日郁文被炒時, 你小姐你有冇為「言論自由被打壓」出過聲 ?

星期一, 2月 24, 2014

反政府記者協會

今日最好笑嘅笑話,係那個垃圾記者協會原來係「反政府記者協會」!

話說基本法委員會委員流奶強2012年向那個垃圾記者協會投訴,其專欄無啦啦被人言報「滅聲」,但記協完全沒有協助!

記協回應話當年流奶強的投訴,舉證不足所以難以跟進!記協副主席任美貞話,流奶強當年未能說明清楚涉及哪些文章,以及引起乜嘢爭議被「滅聲」,即無證無據,所以無法指控人言報及要求人言報回應,因此無處理呢單投訴!

問題就嚟,你胃零同樣指控傷台滅佢聲,同樣冇提出任何實質證據,點解垃圾記協又全力幫你胃零出頭,又高調開記招力撐你胃零,周日重攪乜鬼炒魷大遊行呢?

就呢兩件睇,垃圾記協持雙重標準,歡迎親中愛國評論人被滅聲嘅同時,全力捍衛反政府評論人,咁即係話垃圾記協嘅宗旨淨係支持反政府、鬧689嘅言論自由,即係記協已經由「垃圾級」升級至「反政府級」,即正式成為「反政府記者協會」!



星期五, 2月 21, 2014

智障研究報告

如果星養兒開支300萬、英200萬,而香港竟然要860萬,只能說香港人智障!

香港人點解咁智障? 咪就係因為香港有智障研究中心呢類智障研究報告囉!

話養一名子女到18歲大時約要860萬,簡單計咁平均每個月 ($860萬除18年再12個月) 即係要$39,815! 睇到依個數就知個研究有幾智障!

香港中產家庭入息中位數係幾多? 養一件平均每個月要$39,815, 咁養兩件平均每個月要$79,630! 事實真係咁的話,香港9成中產家庭小朋友已經死咗9世啦!

老實講,呢個智障研究中心副主席劉鳴煒,眾所周知係富豪大劉個長子,佢對孖仔依家每個月洗佢$79,630唔出奇,不過無理由將自己富豪式洗費講成普通中產家庭生活水平估計!


******************************************************************************


養子女到讀大學 要花860萬

【經濟日報專訊】在香港養大一個小朋友究竟要花費多少?最新估計指,中產家庭撫養子女到大學畢業,需550萬元,若計算通脹更高達860萬元,遠高於英國及新加坡。
養兒開支之巨嚇怕年輕夫婦,至2031年,生育率仍處於1.19的低水平,有研究建議加強移民政策。
有學者直指,教養子女不應以金錢來衡量,明言「家長教育」,才是本港現時需要的。
智經研究中心根據最新的生活水平估計,現時一個中產家庭由小朋友出生到大學畢業,養育費用高達550萬元,如把通脹計算入內,到子女大學畢業時,總「成本」更達860萬元。
星養兒開支300萬 英200萬
而在新加坡,養兒育女的開支大約為300萬港元,至於在英國撫養一名子女到18歲大時,約只要200萬港元。
該中心副主席劉鳴煒指出,即使政府提供經濟誘因,亦難以提高本地生育率:「就算俾兩、三萬元生育津貼,但養大個小朋友要幾百萬元,根本幫唔到夫婦。」
對於養大子女需要花逾500萬元,嶺大公共政策研究中心主任何濼生直言,教養子女並非以錢行先,強調關鍵是精神及時間,「個數根本無譜,因為視乎你如何花錢,你話要再多些都可以。」
他認為,「家長教育」才是現今香港缺少的一環,不少父母不懂與子女相處,遑論建立親子關係,「好多人是『無符』,教細路教到驚,不知如何與他們溝通。」
學者:家長教育 才最重要
事實上,開支大,窒礙港人選擇多生育。根據智經研究中心最新發表的《香港至2030年的人口及人力需求》研究報告,到2031年,本港生育率將只有1.19,遠低於更替水平、即每名婦女要生2.1名子女。
報告又指,屆時本港人口遇到的其他3大挑戰,包括人口老齡化,即每1,000名年齡介乎15至64歲的人士,就要撫養578名年齡15歲以下及65歲以上的人士;其次是勞動力萎縮至350萬人,並需要額外50萬勞動人口;以及難以吸引及挽留人才。
報告建議,政府應檢視移民及入境政策,鼓勵有財力及教育水平高的雙非家長有秩序地來港,並吸納東南亞鄰近國家的專才,以及吸引海外港人回流等。
新移民生育高 人口勿設限
劉鳴煒解釋,根據英國及澳洲的經驗,新移民女性的生育率較本土女性高,加上透過各種移民及入境政策,政府可以控制輸入優質人才,因此,加強移民政策既有助本港提高生育率,亦能補充優質勞動力。
要吸引大量的移民來港,劉認為首先不需要為本港人口設定上限,「人口上限只是一種排斥主義的講法……香港一直都在發展,會起新樓、會重建,有能力容納更多人。」
劉鳴煒認同人口政策「不單是一盤數字」,政府需要考慮港人感受,以達致社會共識。
他呼籲政府應該先詳細檢討目前的人口政策,以及計算人口政策所需要涉及的財政收支,包括經濟生產力數字、醫護開支等。

http://hk.news.yahoo.com/%E9%A4%8A%E5%AD%90%E5%A5%B3%E5%88%B0%E8%AE%80%E5%A4%A7%E5%AD%B8-%E8%A6%81%E8%8A%B1860%E8%90%AC-225550034.html;_ylt=As4AC024YSVFrhvLw2VyyPCqVsd_;_ylu=X3oDMTExZXU1YmFrBG1pdAMEcG9zAzIyBHNlYwNNZWRpYVRvcFN0b3J5VGVtcA--;_ylg=X3oDMTBmaG90YXE3BGxhbmcDemgtSGFudC1ISw--;_ylv=3

星期三, 2月 19, 2014

市民有乜嘢損失?

田少你自己少咗隻馬前卒,係你自己損失吧!
 

咪L又騎劫「全港市民」個名啦,我作為市民,幾時有授權你條L樣代表我?
 

「炒魷」就「炒魷」啦,成日創埋啲「被乜乜」、「被物物」,你班L樣先至係語言偽術専家!
 

話時話,你胃零比傷台炒L咗,我不知幾L開心,有乜L嘢損失?

 *********************************************************
 

田北俊:李慧玲被消失是市民損失

【反滅聲撐新聞自由2.23上街】
李慧玲未入商台前,是專跑政治線的記者,天天遊走於議員與政府之間。同樣在政壇打滾多年的自由黨黨魁田北俊指,李慧玲是個「句句到肉」的新聞從業員,即使對他也毫不客氣,窮追猛打,認為她被消失於大氣電波,是市民的損失。
在 田北俊眼中,令他記得起的電台節目主持沒有多少個,想起的只有名嘴鄭經翰、黃毓民和李慧玲,三人也是收聽率高的主持,除了說話出位,也是因為他們敢於批評 政府。他指,港台、商台同樣也有晨早烽煙節目,但認為李慧玲主持的烽煙節目有號召力,善於啟發聽眾對分析時事的興趣,是個稱職的時事節目主持人,「李慧玲 講嘢到肉,揀嘅課題、關注嘅方式都係到肉,唔到肉係冇人聽㗎!」

對李既愛且恨

田北俊又表示,現時「連名都噏唔出」的主持,就是沒有號召力。
在大氣電波備受批評,心中當然不快,田北俊對李慧玲是既愛且恨:「對於我田北俊嚟講,有時李慧玲講嘢係啱聽,有時我都會覺得,佢係唔啱聽,例如我都唔鍾意佢叫我黨友張宇人做『張廿蚊』,但係整體上都係支持佢。」
高官不願上李慧玲節目以免醜態百出,出席過多次李慧玲節目的田北俊形容李慧玲做訪問時「幾犀利」:「佢都『將』得我好行,我講咗樣嘢,佢會不斷地挑戰我,例如我以前做旅發局主席、自由黨同梁振英嘅關係,我講一句嘢,佢會繼續『將』住我,好似要我不斷解釋點解咁睇。」
田北俊表示,商台有必要解釋清楚解僱李慧玲的原因,認為近日流傳解僱李慧玲的不同原因也並非無道理,難以理解商台不說個明白。
田北俊說:「你(李慧玲)日日喺度鬧老闆、鬧商台,我作為商界嘅代表,做老闆唔炒你先奇啦,老闆真係冇理由請個夥計,日日係咁喺度鬧老闆,商台咁樣解釋,總好過唔解釋吖嘛。」

星期五, 2月 14, 2014

你知道嗎? 你 (老董) 是最好的!

牛胃郷頭先係立鴨會竟然公開承認,老懵董係回歸以來,三位特首中最好嘅一個!
 
牛胃鄉都好厚顏無恥下,當年佢都有份日日大大聲屌㭍老懵董落台,依家竟然講呢啲!
 
最好笑係之後譚耀宗發言,老譚把握機會串牛胃郷,話佢今日回望就話老董係最好,話唔定妳要過多幾年先發覺到梁鷹係最好嘅特首!




星期四, 2月 13, 2014

傳媒人騎劫「香港人」

估唔到連豬場新聞創辦人劉細良呢個級數都恐共恐到儍撚咗!

起個題「香港人憤怒了」都夠膽死! 你劉細良憑乜嘢騎劫「香港人」三個字?

你憤怒係你嘅事,唔好動不動就代表「香港人」發聲!

你胃零被傷台炒魷,幾L多香港人在寒風中站出來開香檳慶祝,你知唔L知?

對於你胃零被傷台炒魷,香港人開心嘅多定憤怒嘅多唔係由你劉細良一個人講咗就算,如果憑你一個人就騎劫咗「香港人」三個字,代表「香港人」發表乜L嘢「香港人憤怒了」,咁香港就唔單止 Freedom of Speech is Dead, 直頭可以熄燈!

另外,商台幾時變L咗公共機構(Public Body), 商台管理層幾時又變L咗公職人員(Public Servant)? 如果商台炒你胃零必須向公眾解釋炒你胃零原因,咁係咪以後商台炒任何一個員工都必須向公眾解釋原因?

如果你立論正確,TVB同樣都係受通訊局監管的發牌傳媒機構,咁TVB 炒個新聞小花係咪都必須向公眾解釋原因? 否則通訊局,工商局要介入要求TVB交代,而立法會議員更應該介入,調查是否有其他公職人員濫用職權,脅迫TVB內之公職人員去解僱個新聞小花?


*********************************************************
*********************************************************






香港人憤怒了

李慧玲被商台突然解僱,商台不作解釋,只有八個字金句口號:「君子相分、不出惡言」。此種典型俞琤四字金句,比梁振英那一句「未富先驕」,更令人憤怒。
首先商台管理層要明白,解僱李慧玲不是俞琤或陳志雲與她私人朋友絶交事件,而是關乎新聞自由,關乎公眾利益的事件,商台解僱李慧玲不是私人公司解僱員工, 商台是受通訊局監管的發牌傳媒機構,屬公共機構(Public Body) ,商台管理層屬公職人員(Public Servant),不單受防賄條例約束,同時更受普通法中公職人員行為失當罪所約束,目的是阻止除收受利益以外,其他濫用職權行為。
根據公務員事務局有關小冊子解釋,公職人員行為失當罪存在,「原因是公職人員獲賦予為公眾利益而行使的權力。有權自有責,他們有責任在行使權力時以公眾利益為依歸。公眾期望所有公職人員在行使有關權力及酌情權時,均秉持崇高的誠信及操守」。
因此商台必須向公眾解釋突然解僱李慧玲原因,否則通訊局,工商局有要介入要求商台交代,而立法會議員更應該介入,調查是否有其他公職人員濫用職權,脅迫商 台內之公職人員去解僱李慧玲。香港新聞自由已步入隆冬,一個又一個資深傳媒人被調職,解僱,傳媒不斷收緊言論空間,審查作者言論,刪稿甚至借改版之名換走 批評政府之作者。
李慧玲事件,是最新一宗,也是最粗暴的一宗,商台員工、香港傳媒工作者、廣大市民,我們還容許這種情況一而再,再而三地出現嗎?新聞自由的喪鐘已響徹天空,香港這個在亞洲有深厚自由傳統的城市,將會在我們這一代手上淪喪!
http://thehousenews.com/media/%E9%A6%99%E6%B8%AF%E4%BA%BA%E6%86%A4%E6%80%92%E4%BA%86/ 

星期三, 2月 12, 2014

Freedom of Speech is NOT Dead!

一個地方,任何人都可以公開以任何形式,大大聲咁屌任何一個佢唔鍾意嘅人,呢啲咪叫「Freedom of Speech」囉!

乜依家香港唔可以公開屌人咩?

明明日日都大把人係各傳播媒體、FB 起勢咁屌行政長官、各級政府官員。就連尊貴嘅立法會議員都經常係會議廳入面,公開大大聲咁屌行政長官,屌到比人趕出會議廳方休。

由呢班由朝到晚淨係識屌人,又毫無建議嘅人,講「Freedom of Speech is Dead」,真係笑L死我!

言論自由已死? 死L 咗去邊呀?