星期三, 5月 15, 2019

相遇


女:「你唱歌都幾好聽吖,不過下次可唔可以唱返啲新啲嘅歌?」

男:「我係咁上下㗎喇!鬼叫妳同個大叔拍拖咩!」

女:「邊個同大叔拍拖呀?」

男:「................. 😚😚😚

女:「喂!你唔好借醉喎!你邊有咁易醉呀?」

男:「我識咗妳之後,我都未醒過 ........ 我認真㗎!」

女:「不過我唔認真喎!」

男:「妳⋯⋯講大話⋯⋯ 😚😚😚

星期二, 5月 14, 2019

謙虛

資深大狀: 「謙虛只不過係成熟嘅虛榮。」
見習律師: 「亦都係更有品格嘅虛偽。」

馬沙 facebook :  https://www.facebook.com/charblogger02

星期三, 4月 24, 2019

清心直說

4月初政治氣氛無問題時,原本要二讀同三讀嘅《2018年專業會計師(修訂)條例草案》議員法案,提案人梁議員就玩失踪唔出席「甩轆」收場!

呢兩日就掛住撐佔中罪犯,今日仲話盡量協助坐監議員履行議員職務,咁Q得閒理社福界,又唔見理下自己嘅會計界。

《2018年專業會計師(修訂)條例草案》議員法案,一拖押後半年,放埋暑假後復會先攪喎! 可能到時又揾理由再押後半年,半年之後又半年,立法會又換界,又用同一法案爭取選票連任!

唔知各位會計界朋友知唔知,單係以 乜乜『會計事務所 / 會計事務所有限公司』經營而有領有 TCSP 牌照嘅公司竟達58間之多,都未計無申請/申請唔到 TCSP 牌照嘅其他 乜乜『會計事務所 / 會計事務所有限公司』!

到底有幾多市民知『會計事務所 / 會計事務所有限公司』並唔係由具有專業資格嘅會計師經營?

靠梁議員維護香港會計業界嘅聲譽同誠信?

兩屆立法會會期都就快做完,到底梁議員為會計業界做過啲乜?

有份投票選佢嘅會計師到底又諗乜?

星期四, 4月 18, 2019

讀死書、死讀書、讀書死

作為一位執業會計師,見到一班專業會計師既認真又熱烈咁討論 #安心事件 中賣片人收到嘅錢是否需要根據稅務條例課稅,真係唔知好嬲定好笑。

幾乎任何一個古惑仔唔駛一秒能夠答到嘅問題,一班專業人士圍埋討論足一日且得不出結論,真係唔好比人知,笑死人!