星期二, 11月 19, 2013

最強幻象

呢個「昇薈 THE VISIONARY」 長達2.5分鐘嘅賣樓廣告,所傳達嘅信息係音樂家買咗佢,溝到靚老婆,生個仔長大又做咗音樂家,之後又溝到靚老婆,一代一代咁生個音樂家去溝到靚老婆.......無限loop..... 咁.........

之但係條片講音樂家嘅溝女環境、個仔長大嘅快樂環境 ........ 通通寫到明都係「並非昇薈設施之實景」,即係全部都係幻象.......無一樣係真.....

買咗昇薈之後,現實除咗「昇薈設施之實景」可以走哂樣外,老婆個樣
「實景」當然一樣會有好大落差......

片尾以「眼光  決定將來」來介紹呢個「昇薈 THE VISIONARY」,至於呢個樓盤係邊呢,長達2.5分鐘嘅賣樓廣告就提都無提過,要睇到最後兩秒先寫住喺東涌........

講到呢到,我淨係想講新「商品說明條例」其實有乜用,發展商一樣照舊用最強幻象去吸引無知嘅買家!



星期二, 10月 29, 2013

贏在起跑線

今日毒果有標題報導話「難抵密集式升小一面試; 5歲女童抑鬱想跳樓」! 

點解香港考小一會攪到小朋友抑鬱想跳樓? 咪又係拜「贏在起跑線」呢個魔咒所賜囉!

成日有人問究竟「贏在起跑線」係咪真係work, 定係香港獨有,由班爸港媽吹出嚟! 「贏在起跑線」這概念,其實真係有教育學家正正經經研究過的,只不過被亞洲地區發揚光大!

有人會問, 究竟這條起跑線在哪裡? 一般理解,當然係由出世嗰一刻計起..........之不過.......香港嘅走勢係越推越前! 何解? 因為有部份痴撚線幼稚園, 要父母在小朋友還在媽媽肚入面 (即未出世) 就要排定隊報讀,所以對於嗰啲樣樣要有plan 嘅父母, 真係扑緊嘢做人嗰刻,其實已經決定咗將來小朋友要讀邊間名幼。咁基本上,對呢班咁有planning 嘅父母,佢地小朋友起跑線就係父母扑緊嘢嗰一刻而唔係佢地出世嗰一刻計。你地話呢班小朋友幾撚型呀,未出世以經贏在起跑點」!

不過,無論起跑線點作定義和定位,事後根本都無辦法知輸贏(結果)! 

因為:
1) 終點線係邊?
2) 點定義輸贏! 以財富、成就、健康、心靈、社會認同、還是快樂度?


所以,依我看來,一個人未到死嗰一刻,根本不能論輸贏!

爸港媽話「贏在起跑線」係有教育學家正正經經研究過的,聽落又好有道理,錯不了幾多啦! 問題在於,呢類研究過程需要十幾廿年,因為要跟下班小朋友長大後有無分別。但爸港媽偏偏淨係聽上半場,完全無理下半場 (研究結論) 講乜!

簡而言之,歐美主流教育學家最後認為「贏在起跑線」係唔work 的!

全地球教育最出色嘅芬蘭為例,芬蘭沒有所謂的“資優班”、小朋友要滿七歲先可以入學接受教育,學校沒有制服、沒有督學、毫不標榜精英培養、考試次數不多、學校不做排名、老師不作成績考核等等!

經濟最強嘅德國直情立法禁止
學前教育,即幼稚園不可教授學術性科目,只可以集中教小朋友自理能力、禮貌、畫畫之類!

又有人話,新移民並不是像港式家長迫子女贏在起跑線,在這方面,大陸人比香港人正常。我會答,呢個只不過係表面! 根本原因,係因為玩「贏在起跑線」呢個游戲基本要求係父母有咁上下教育程度及有啲錢!

港式家長近年將「贏在起跑線」玩到白熱化,主要原因係呢一代港式家長大部份已經接受過大專以上學歷 (博士級都大有人在) 及叫做揾到個錢,當中玩得最落力嘅就一定係嗰班所謂偽中產。

之所以在這方面,大陸人好似比香港人正常,原因得一個,就係「窮」! 我上面已經講咗, 玩「贏在起跑線」呢個游戲基本要求係父母有咁上下教育程度及有啲錢, 大家經常係傳媒見識到嘅雙非童父母,大部份教育程度唔高及無乜錢,甚至諗住食香港福利,邊有資格玩「贏在起跑線」呢個游戲!

基本上,同香港班偽中產一樣,有返咁上下教育程度及有啲錢嘅雙非童父母,根本唔駛亦唔會去北區排幾日幾夜隊拎表格報讀免費嘅津貼幼稚園,佢地會出現係另一個戰場 「九龍塘」! 又因為各「九龍塘」名幼收好貴嘅學費而佢地嘅對象非富則貴(或自命貴嘅偽中產),所以呢類「九龍塘」名幼係無可能要班非富則貴(或自命貴
嘅偽中產)嘅家長通宵排隊攞表,更枉論排幾日幾夜! 咁無通宵排隊攞表,自不然無傳媒報導! 無傳媒報導,大家咪以為大陸人好似比香港人正常囉!

簡而言之,大陸人同港式家長係一樣咁尊崇玩「贏在起跑線」呢個游戲! 其實唔只大陸人同港式家長鍾意,幾乎所有亞洲人都特別鍾意,日本、馬來西亞華人、新加坡華人、印度都一樣,無一幸免!

星期四, 10月 24, 2013

反智人口政策

林鄭剛剛公布人口政策諮詢,呢頭話要想辦法鼓勵婦女生育,嗰頭又話鼓勵在家料理家務婦女重返就業市場!

政府呢排真係痴X線, 究竟知唔知自己講乜L嘢?

鼓勵婦女生育同時又鼓勵在家料理家務婦女重返就業市場,即係鼓勵香港人生完仔女之後,將仔女交比工人湊大?

在香港,婦女生育後還要出去打工,絕大部份都係因為手停口停,想全職湊小朋友都無得揀! 我真係諗唔到世界上有邊個地方嘅政府,在鼓勵婦女生多幾個小朋友嘅同時,會唔鼓勵在職婦女留在家照料及教育自己小朋友,反而走去鼓勵全識主婦重返就業市場,呢個
政策真係反智到不得了!

星期三, 10月 23, 2013

實質重於形式

就當顧問報告認為目前市場的廣告收入不能支持5個免費台係啱,我地的而且確沒有看過顧問報告內相關數據。

但係政府究竟有無睇清楚顧問報告內相關數據, ATV 廣告收入佔目前廣告收入的市場佔有率係近乎零! ATV 依家近乎無人睇,邊有正常廣告
客户會咁白痴會落廣告?

結論係即使發3個新免費牌,表面上係有5個免費台,但實際上目前市場的廣告收入只需支持4個免費台, 跟顧問報告認為目前市場的廣告收入不能支持5個免費台完全無衝突!

如果政府在發放免費電視牌照決定時,夠膽大大聲同市民講:「雖然顧問報告認為目前市場的廣告收入不能支持5個免費台,但政府考慮到目前市場上有一經營者,一直不需要依靠廣告收入或無廣告收入,所以政府根據所謂Substance Over Form Principle (實質重於形式)原則下,原則性發出三個新免費牌照!」,我包保政府民望直線上升!
 
****************************************************************
****************************************************************


行會成員羅范椒芬批評,政府在解釋發放免費電視牌照決定的安排「絕不理想」。
她在接受港台專訪時表示,政府的解說安排,有很多可以改善的地方,認為「絕不理想」,而特首梁振英在昨日的解釋,應該在發牌決定頒布當天就全部交代。
她表示自己看過港視節目,認為水平很高,但被問到港視輸在哪裡,她則推說不能透露,又指事件法律程序已開始。有報道指她個人支持發三個免費電視牌,她不評論有關報道,指行會內部有不同意見很正常。至於現時還有沒有可能改發三個牌照,她回應表示在這一刻見不到有這個可能性。
她稱,知道港視劇集在網上獲許多人「讚好」,因此能估計今次決策的反彈,但強調決策不能純看網上有多少「讚好」,又指顧問報告認為目前市場的廣告收入不能支持5個免費台,認為很多市民沒有看過相關數據。
她又稱,自己有被港視員工感動,指他們有齊心一致的精神,屬於香港需要的。又希望港視員工勿氣餒,而兩間免費電視台的出現相信會增加行業職位 。
當被問及,梁振英上任一年多就發生上次國教及今次包圍政總的事件,是否反映管治出問題,她解釋兩件事都是上屆政府遺留下來,指免費電視發牌一事已歷 三年,質疑為何上屆政府不能決定,又稱今屆政府很努力為港人做事,已推出不少房屋及扶貧政策,亦將推出人口報告,呼籲市民對政府多點支持、體諒和欣賞。 (綜合)

星期二, 10月 22, 2013

如果我話事

如果我話事,一上台第一日就宣佈即批維基電視,對住市民同維基王講:「我想快啲有得睇警界線!」

至於另外兩個申請者:「做啲嘢出嚟睇下,證明有心攪先啦,記住唔好又拍雞汁節目,攪到我依家晚飯要食雞味牛內、雞味魚、雞味豬........ x*@#`.....」
我非常好奇如果CABLE 及 NOW 將佢地拍得好出色嘅節目搬咗去免費台,咁收費台仲邊個比錢睇?
所以政府批兩個免費牌比兩間同時經營收費電視嘅公司係一件超ON9嘅事!

就好似世界杯/英超,如果同時係免費台直播,仲有邊個比錢? 
但係你免費台唔直播,有邊個廣告商肯落廣告?
反觀,維基電視 MUST give us their BEST!
 

星期三, 10月 16, 2013

香港電視

政府呢個電視發牌嘅決定真係痴線,唔理你乜理由,發多一個牌又好,兩個又好,民意最想要嘅係香港電視。呢個完全違背正常人嘅決定,根本就無正常人接受到呢個結果。政府比人狂鬧嘅理由好簡單,市民好想睇香港電視! 
消息一出,香港市民心情係自89年以嚟,從未見過市民咁團結一致,槍口向住同一方向........

電視發牌呢單嘢,證明咗睇電視對香港人嚟講,比民主普選更重要。 佔中吹雞吹咁耐都冇幾多人簽名支持,撑電視發牌居然在不足15小時內有超過二十八萬人支持!
免費電視牌照呢件事,証明咗機會唔係留畀有準備嘅人!

星期五, 10月 04, 2013

吳克儉快啲辭職啦

吳克儉你根本乜撚都唔識,仲叫家長咪擔心,話有足夠學位唔駛排隊...........

依家問題係家長心儀嘅幼稚園齋派150份申請表玩先到先得,家長想報名唔撚排,張報名表由天跌落嚟嗎?

你條死廢柴嘅職責,係確保所有家長無需要瞓街排隊攞申請表,都能夠有相同報讀機會呀!
唔理間幼稚園好唔好, 吳克儉點可能容許香港社會,有父母要瞓街4日排隊攞幼稚園申請表?
你依家要做係屌柒啲幼稚園即時改派表及收生機制,要人人都有申請表攞,人人都可以入申請表,幼稚園唔肯改就收佢皮!

咁都唔撚識,快撚啲辭職啦!

星期二, 8月 27, 2013

乜嘢叫梁粉呀?你唔好屈我!

商台你胃零今朝訪問黃秋生,你胃零條白痴以為秋生周不時公開鬧梁鷹政府,就一定好憎梁鷹,於是一開始就係咁迫秋生認當日支持梁鷹係錯,點知秋生反問當時唔支持梁鷹唔通支持唐唐咩!

之後你胃零又問秋生有冇後悔當日做梁粉支持梁鷹?秋生即刻反問乜撚嘢叫梁粉呀?你唔好屈我!二揀一揀咗梁鷹就叫我梁粉?我有冇對住梁鷹吹BB?有冇梁鷹叫我行就行死就死?咪成日唔反對梁鷹就屈人係梁粉!

你胃零再問秋生今日有冇後悔當日支持梁鷹?秋生話做人點可以用今日去睇返之前嘅決定!佢話佢唔似啲人成日輸打贏要,就算今日再重新諗,都係要諗返當日揀嗰刻有嘅嘢,無理由加入之後做得唔好嘅嘢!

秋生又再補充話,依家政府做好多on9嘢,唔係由梁鷹一個人做出嚟,係由好多好多人一齊攪出嚟,無你地班友一齊攪咁多嘢,佢一條友點攪得出咁多嘢?

對於林老師事件,啲人日嘈夜嘈! 你胃零話梁鷹好似鍾意啲人咁喺到咁喎......秋生答:「佢話比妳聽佢鍾意咩? 佢打電話比妳話比妳聽?」
 
你胃零之後又再迫秋生,要佢答如果今日即刻有普選,梁鷹、林鄭、余大狀三個佢揀邊個?我估你胃零諗住導秋生揀余大狀啦!點知秋生答如果係普選,做乜得呢三個屈我㨂一個?秋生話比佢今日揀,佢覺得憎慾城唔錯,佢揀憎慾城!

秋生揀建制派憎慾城都唔揀所謂泛民余大狀,真係激撚死你胃零!

最好笑係秋生不停話你胃零成L日屈人呢樣嗰樣,唔好屈佢!
最後,秋生有句說話我想講好耐,就係「乜撚嘢叫梁粉呀?你唔好屈我!」。

星期五, 4月 19, 2013

遠方的飄雪

聖誕節對好多人嚟講,喺一個充滿快樂的節日。但對於我嚟講,卻喺一個極度傷痛的節日。

我叫卓明,喺一個在好多人眼中,年青有為的急救室醫生。5年前,我有一個未婚妻,她的名字叫「雪」。人如其名,阿雪冰雪聰明,處事比常人冷靜,而且特別喜愛冰泠的白雪冬天。我倆在朋友眼中,尤如金童玉女。

自從10年前認識阿雪開始,每年聖誕節,我都會同阿雪到外地享受一個白色聖誕。5年前的聖誕節,一如以往,我們選擇到布拉格一個小鎮渡過我倆婚前的最後一個聖誕節。

今次我倆寄居在當地一個小鄉村的房子,房主係一對當地的中年夫婦,育有兩名分別4歲及3歲非常可愛的小女兒。由於我倆都好鍾意小朋友,阿雪由到步當天起,每天都同這兩個小女孩玩個不亦樂乎。

還記得當年的平安夜晚上,屋外正下著大風雪。我倆留在房子跟房主一家四口,一起慶祝聖誕節,整晚樂也融融。特別在兩個小女孩從阿雪手中接過她們的聖誕禮物時,一起在阿雪的臉頰獻上快樂一吻,阿雪臉上那一刻展露的笑容,我至今亦未能望記。

那 一天晚上,異常寧靜。在零晨時份,我突然被一陣叫聲弄醒。映入眼簾,係一陣熊熊烈火。我第一時間叫醒還在熟睡中的阿雪,一起逃離火場。本來我倆已成功逃離 火災現場,但當阿雪知道兩名小女孩還在屋內,不發一言就飛奔走回屋內。我亦緊跟其後,走入火場,分別找尋兩個小女孩。相當幸運,我用了很短時間就找到妹 妹,我第一時間就將她抱出屋外。

正當到達屋外時,我看到姊姊站在屋外痛哭,我先是一陣驚喜。但當我環顧四周,找不到阿雪的時候,心底裡泛 起一陣前所未有的冷意。從姊姊口中得知,阿雪在帶佢離開火場時,在出口前不幸被塌下來的木樑壓在身上。我本想再次走回火場找尋阿雪,但被消防員捉著。在那 一刻,我只能祈求阿雪被消防員平安地帶領出來。

過了好一陣子,阿雪終於被救出屋外。但不幸的是,阿雪的身體有7成被燒傷。還記得當我第一 眼見到阿雪時,她用非常微弱的聲音,詢問兩名小女孩是否安全。當我講完:「雪,放心! 她倆都安全獲救!」,阿雪就安祥地在我懷中,臉帶微笑離我而去。作為一個醫生,能醫不自醫,無助地看著至愛離自己而去,心中前所未有的悲痛,實不足為外人 道。

每年的聖誕節,我依舊會回到布拉格。每當我晚上舉目見到白雪從天上掉下來,我彷彿從漫天飛雪中看到阿雪在向我微笑。阿雪:「請遠方的妳放心,我會學妳一樣努力去救人。每年今日,我亦會回來這裡與妳相見。」。

阿雪:「祝遠方的妳,聖誕快樂!」。





************************
08年聖誕交叉扑作品

星期五, 4月 12, 2013

《讓愛傳出去》

 當全世界都指責你,我仍會擁抱你,只因為我愛你。




當你長大成人漸行漸遠,我希望能再次擁你入懷。

星期五, 3月 01, 2013

樓價痴線系列 (九)

好老實咁講,香港住屋問題根本唔關乜嘢「比港共攪到無左」事!

老董當年提倡8萬5就係希望人人有屋住(即係依家大部份人想要嘢嘢),可惜老董生不蓬時,不幸遇上亞洲金融風暴,出現咗回歸以來第一場樓劫!

香港人乜都賴人,樓劫就賴8萬5,當日香港人日屌夜屌,最後如你地所願,8萬5無咗, 最後仲要暫時停建居屋嚟托住樓巿!


好啦,當日香港人日屌夜屌,終於屌到老董下台,開哂香檳.....

好大喜功嘅貪曾上台,為咗討好香港人,條PK永久閣置起居屋,唔Q定期賣地改勾地,大減土地供應!

哈.....明知未來可供出售單位會大減,又竟然無人出嚟屌喎.....點解? 因為有樓及負資產終於可以再次GO...GO...GO.... 理9得你班無產及未上車人士.....


好啦.....07年急升....到08年金融海嘯都阻唔住升勢, 香港人開始正視唔夠供應嘅問題, 就日屌夜屌要求重建居屋, 貪曾真係采你都有味 ....... 你地越日屌夜屌,佢就繼續話之你死! 到差不多夠鐘走人,咪是9旦旦話復建居屋囉!


終於到梁鷹上場, 全港樓價升到完全脫離現實!

私樓未來可供出售單位比班所謂「地產霸權」嘅發展商玩到無乜供應之餘, 可供出售嘅通通變成豪宅成萬蚊呎咁賣......

居屋啱啱先話復建,起樓唔駛時間咩!


公屋呢? 根本唔係起得唔夠快, 實際已經不斷咁起,而且起得好L快! 問題係突然多咗好多人去申請! 香港人真係好醒,依家好多年青人一夠秤就排住隊去申請,以公屋輪候人數去睇,點起都唔夠,每年有幾多人夠秤排住隊加入公屋輪候册?


今時今日,香港人又日屌夜屌梁鷹叫佢下台,直情未上台就想屌到佢落台,其實我上面講嘅「私樓供應短缺問題」、「居屋起唔切問題」、「公屋起極唔夠問題」, 關佢Q事咩?

要屌都屌一手促成所謂「地產霸權」及「樓市泡沫」嘅貪曾啦!
唔賣地增加私樓供應關佢事! 早幾年(07、08年)唔急市民屎急立即復建居屋關佢事,早幾年(07、08年)應市民要求復建居屋,依家大量供應就啱啱好! 嗰啲乜柒SSD、BSD、DSD、TVB 早幾年就要出!


最後,我想講嘅係, 貪曾在位一手促成嘅所謂「地產霸權」及「樓市泡沫」,梁鷹正式上場短短九個月,我見到佢真係一步一步撥亂反正中, 起碼有努力去揾地起公、居屋! 嗰啲乜柒SSD、BSD、TVB 、ATV、CCTV 係咁出.......

下年度(即4月起)取消勾地機制,政府從掌土地供應的主導權,即係可以大量供應,唔到班發展商一齊玩嘢唔勾地!


基本上我認為梁鷹一直盡力將房屋問題修正及重回正軌,依家越嚟越正路,只係需要時間一步一步咁嚟!

星期四, 2月 28, 2013

中產財爺

是咁的,財爺尋日話自己係中產,呢兩日係咁比人閙!

不過我個人認為佢真係中產嚟,只不過在中產入面叫高級中產!

咁如果你問我,每月搵成30幾皮都仲叫中產,咁入門級中產要搵幾多?
其實喺香港地,每月無10皮嘢學乜鬼嘢人叫中產?

試諗下,假設初級中產每月揾10皮,年薪1球多啲,買樓安全系數當年薪嘅10倍,即係樓價1千萬!依家想用1千萬係巿區搵一個約一千呎好好睇睇,見得下人嘅盤,有幾多選擇?

仲有,作為每月揾10皮初級中產,買返架車代步都好正常! 今時今日, 一架歐洲入門車 BMW 3系、 Benz C Class、 Audi A4, 新車價近40萬, 一個每月揾10皮初級中產,都未必個個可以一炮過科水唔駛供車會!
仲有, 一個每月揾10皮初級中產, 如果家有兩個小朋友,老婆在家親自管教小朋友, 每月開支計及供樓、供車、子女學費、子女活動及補習費用、家庭各項開支(水電煤等等)、供養兩邊父母,剩返可以儲蓄嘅都未必好多! 
查實依家香港好鬼死多月薪3、4皮嘅人興叫自己做中產,呢一點從昨日大部份人都喺facebook留言「你(財爺)係中產,咁我係乜?」可知一二,或許叫自己做中產自我感覺上高級啲!但係喺呢個收入階層嘅人,其實係最不幸!公、居屋固然冇份,但4球嘢500呎所謂「窮人恩物」都未必買得起!每月供樓/交租後, 其他使費要千算萬算, 若呢個月使大咗,下個月唔慳住使都唔掂! 
好老實講,月薪3、4皮嘅人,如果家有兩個小朋友,老婆在家親自管教小朋友,生活壓力分分鐘慘過住公屋嘅低收入階層! 好話唔好聽,有時住公屋嘅領綜援人士,生活快樂指數可能比嗰班月薪3、4皮嘅人還要高!

咁你地話
,依家香港地月薪3、4皮嘅人有乜資格叫自己做中產?

所以話,
財爺尋日話自己係中產,其實錯唔哂,只係漏咗「高級」兩個字!

星期五, 2月 22, 2013

買咗隻怪物

作為會計師及稅務顧問,呢幾日有不少人問過我對於雍澄軒買家將面對嘅稅務問題,而我每次都係答:「唔知!」

因為我認為依家除咗長實班創意律師團隊知道自己賣乜外,根本無人真正知道班買家買咗件乜嘢「怪物」返嚟!所以一日份正式S&P (Sale & Purchase Agreement) 未浮上水面,未真正了解過份S&P內啲terms and conditions, 我唔會評論任何稅務問題!


不過,我反而想知依家除咗中環幾間著名律師行有能力(財力)去處理雍澄軒買賣個案,究竟有無其他律師行夠膽代表買家!

尋晚已經有個著名律師係TVB講,律師好難為買家釐清雍澄軒嘅買賣風險,在不能釐清買家風險的情況下,律師為咗避免自己之後比人告,無可耐何之下唯有唔接
買賣雍澄軒啲case!


如果一般律師無能力代表買家完成買賣交易,第一手買家就話可以同用發展商律師完成交易!但之後買賣點算?比大行㯲住搶?到時收幾皮都焗住要比!

再引申去按揭,既然一般律師都無辦法去釐清買家
買賣風險,咁銀行點樣可以釐清銀行自己承按風險呢?


銀行無理為咗幾單幾百萬嘅按揭生意,用大量內部資源去了解呢隻「怪物」,所以唔接呢啲生意就好正常!

所以馬沙個人認為
刻下班
雍澄軒買家最大嘅存在風險唔係稅務問題係買完之後點樣完成交易及上會,以及將來獲利或想變現時點樣將雍澄軒呢隻「怪物」賣出?