食到咁上下，店內嘅人越來越多，顧客平均年齡低於三十，且大部分型男型女，當中有六、七個女仔仲十足乜鬼雞扒妹咁嘅樣。不過，吸引馬沙注目的，其實
是坐正我個位直望就見到嘅一位靚女，佢同一個貌似盧廣仲嘅男仔一齊。我從佢地嘅行為舉止及互望嘅眼神，估計佢地應該仲係一段關係嘅起步點。
其實呢個雙方估估下嘅時刻永遠係最正，而今晚呢個串燒餐可能就係佢地撻著雙方情侶關係嘅一個臨界點，食完呢餐宵夜，佢地將會正式成為情侶都未定。
靚女配盧廣仲，我估大家諗起心裏應該都會暗笑起來。世事就係咁，好多男士以為靚女特別難追，事實係靚女先特別易追！何解？因為靚女（尤其好靚嗰
啲），根本無乜人敢追！所以你是否追到靚女，只取決於你是否夠膽追！呢一點馬沙已經親自証實過好多次。如果閣下好似馬沙咁有少少才華，靚女分分鐘掉轉頭追
你都唔奇。
一講到比靚女追，自不然又想起曾經暗戀咗我足足4、5年又比我拒絕咗嘅 Krystal。一諗起 Krystal, 縱使當時無人同我互隊，我都即時自隊咗一大杯生啤！「小二！再來多杯！」
正當老闆Jimmy放低第三杯生啤嘅同時，我身後唔知幾時出現咗三位台妹。如果要馬沙形容呢三位台妹嘅容貌，我唔需要用幾百字去寫，兩個字就夠，就係「好得！」。
當中比較高嘅（仲高過馬沙半個頭）一位先開聲：「先生您好啊！可不可以請我三姊妹飲杯酒耶？」
「Of course!（我再用好鬼難聽嘅國語）要喝甚麼？」
高妹說了「謝謝噢！」就order咗三杯啤酒，之後就坐低開始吹水。
「Of course!（我再用好鬼難聽嘅國語）要喝甚麼？」
高妹說了「謝謝噢！」就order咗三杯啤酒，之後就坐低開始吹水。
(2014年8月21日刊於 全民媒體)
沒有留言:
發佈留言