肥仔會計師 S 早兩日終於以慶祝1/7回歸為理由，約到公司新入職女神 B 小姐食晚餐，開心到飛起。S 即刻喺意大利餐廳 Osteria 訂好枱，仲諗住晚飯後再過隔離 Hari's 酒吧直落談心。
S 早早到達 Osteria，等 B 小姐來到，先來一杯白酒，輕嘗各類芝士，S 向 B 小姐分享公司各類需要特別注意嘅地方，依人連聲感謝，S 感到今次十拿九穩。
換過一杯紅酒，兩人依舊言談甚歡。正當 B 小姐份慢煮羊肋排上桌及準備享用之際，突然碰一聲，原來係 B 小姐嘅名牌手袋跌到地上！
B 小姐隨即從地上執返起自己嘅手袋，之後對住個手袋不斷自言自語曰：「對唔住呀！你有無事呀！跌得痛唔痛呀！你有無跌花邊到呀！心痛死我啦！ ......... 亅
S 睇到 B 小姐如此反應，登時嚇得目定口呆。S 飲一大口紅酒定定驚，隨即對 B 小姐說：「妳真係幾可愛同特別！」。
B 小姐好開心地回應：「係咩！亅。
其實呢 ..... S 心嗰句係：「妳真係 CLS! 亅。
食完甜品，S 禮貌地送 B 小姐上的士。之後 S 即刻箭步上返去酒店 Hari's 酒吧，call 返自己支 Macallan 12 years 出來，自斟自飲。相熟經理 Alan 見到 S 自已一個獨飲，忍唔住寸 S ：「乜你今晚唔係約咗人落嚟談心咩？」
S 回得有少少激動：「我真係頂唔順依家香港啲女仔！亅
經理 Alan：「喂！咁你唔入去同你老友馬沙飲，條友仔同幾個靚女喺埋邊嗰枱玩緊喎！亅
S：「你唔早响？亅
經理 Alan :「見你訂兩位，以為你等緊女嘛！亅
沒有留言:
發佈留言