星期四, 6月 05, 2008

政治風波

政府近日委任一班副局長及政治助理,引來社會部分人士抨擊。當政府公布副局長名單及政治助理名單時,人們都將焦點放在候任人的學歷同背景。馬沙反而想知政府為何突然需要一次過增加如此多名所謂「非主要官員」。

回歸10年,現行架構持之以恒。曾特首在任的可見將來,又不見得有任何非常重大的改革。那麼,特別聘用副局長的唯一理由,可能就是曾班子名下各局長級官員無能力完成目前工作,以致需在外找尋真的有辦事能力的副手幫助。這一點由請幾個人都搞出一個大頭佛就可見一斑。

那政治助理又是甚麼呢?政府先前說是培養年輕一代成為政治人才。如果現年55歲的盧奕基都算年輕一代,實在無話可說。可能政府要向全港市民證明,增設政治助理有確實需要,於是刻意製造出今次「國籍」及「非主要官員」的政治風波。林瑞麟局長昨天一次過解答上述兩個問題,大大聲話副局長及政治助理並非「主要官員」,因此可擁有外國國籍,沒有抵觸基本法。更凸顯他欠缺政治觸覺。要知道沒有抵觸基本法,並不代表政治正確,看來政府要盡快為林公公安排政治助理。

另一令人不滿的是一位年資只有三、四年,月薪本來只有3萬多元的年輕人,何解政府要用13萬請佢。如果如政府所說人才難求,為何這人才在正常人力市場下只值3萬?馬沙真係好想知道誰人為政府尋得這塊寶。

(2008年6月5日刊於《am730》)

30 則留言:

匿名 說...

馬先生,現在人口平均壽命長了許多,55歲如何不算新的一代?差不多的你也不算是老一脫吧?這是律人以嚴待己以寬?

匿名 說...

好搞笑, 請呢d人就係要負起政治責任.
而佢地未正式上任已經睇住請佢既人要負呢d責任!
政府真係由頭到腳都係一堆屎 !!!

DAB is the best 說...

I totally do not agree with you this time...... i thought you are another patriotic loyalist like me. We are all benefit by the new roles in government! And they all already give up their passports that they don actually want to keep!!

How can you say something like that!!! We DAB is the only party doing real work in HK!

匿名 說...

國籍問題一字咁淺,正如温總講:是人民養你們,你們就看著辦吧! 那些政府官員拿誰付的高薪?如果是加拿大人給的,就可以拿加護照。如果是香港市民的血汗錢,何以仍要拿其他國家的護照?我很早就想講這想法了, 我是想不到自己終年勤勞,賺雞碎咁多錢,還要納稅養那些高薪官員,卻連一字咁淺的道理也不會!想想也真嘔血!

馬沙 說...

DAB(民建聯)is the best,

閣下係民建聯邊位? 請報上名來!

我更加不同意您講法!

我係愛國愛港,但愛國愛港並不等同我完全支持你們「民建聯」。

您話 ---> "And they all already give up their passports that they don actually want to keep!!"

如果佢地真係"they don actually want to keep",請解答我佢地點解回歸10年仲keep住?
真係咁愛國愛港的人,一開始就唔會入藉它國!

您話 ---> "We DAB(民建聯)is the only party doing real work in HK!"
真的嗎? 笑死我! 咪當我同我的讀者及Blog友好似政府高官一樣白痴!呢次邊個黨派係最大得益者?

邊D係人,邊D係鬼,市民有眼睇!

格老古古 說...

馬沙老弟,
故事未完結,伍潔鏇自爆佢有新加坡護照,今次大鑊啦,佢引發出來的政治風波將會比英美加護照更嚴重, 因為新加坡係禁止雙重國籍!

seikomatic 說...

"I'm" is the best

I totally do not agree with you this time la 沙沙。

vally disneyahpoint!

俺覺得呢件事之所以引起咁大愚論反應,都系由一個派餅仔陰毛論開始,至於之後的國籍論,高薪法,就系大家開始眼紅佢地份糧。

大家挖盡心思去為難咱們特首呢d卑鄙(普通話發音"baby")手段,又何患無辭呢?

例如,班副局中文唔惦、唔夠靚仔/女,唔似政治人物、個樣太天真、太嫩口,太虛偽地親民,太假的成日掛系口邊會努力學習,接希意見,幾廿萬一個月比你班友泥學野,接受培育,笑容太多唔夠穩重,去得外國太長時間唔了解祖國民情.....

寄然班【朋友】(語出譚局長)都已經系記成事實,攪乜都改變唔到佢地個幾廿萬,倒不如積極d,呼籲再盡量擴大呢個副局長制,下設二副、二副助理,二副助理特設,二副常秘、二副常秘侍候,二副侍候近身。繼而可以系二副之下設三副、四副...到時大家都做晒特區政府班底,同流合污就唔會有分贓不云之嫌啦!

Sherman 說...

DAB最失敗之處是無自知之明, 以為好多港人
on your side. 有腦的人對政客的心已死.

馬沙 說...

精工大師果然有慧根 ^_^

馬沙 說...

Sherman 兄一句說話就講出小沙心聲!

香港市民 說...

沙師兄,
"邊D係人,邊D係鬼,市民有眼睇!",你講得冇錯。

我一直有睇你個Blog同專欄,"DAB is the best"間中都有留言,今次佢第一次不同意你的講法,即係DAB(民建聯)一路有留意你,一定以為你企係佢地個邊。

同一時間,泛民如公民黨又有議員在其網站推介沙師兄的Blog同專欄文章,即係佢地又以為你企係佢地個邊。實在好鬼好笑。

沙師兄不偏不依的的政治取態,既小保皇黨,又罵民主棍,如果有得選擇,小師弟情願政府將果13萬請沙師兄你。

mh 說...

嘩! 13萬呀, 在商業社會, 有幾多人可以搵到咁正份工?

匿名 說...

一個政治青頭仔攞十三萬幾月薪,佢憑乜撚野?

Gary 說...

我都好想知道誰人為政府尋得陳智遠這塊寶。

正苦今次做野......神神地, 痴痴地,28 yr old....除非真天才, 否則政治白痴,可能 office 政治都未得。

匿名 說...

要做副局長 / 政治助理 入職條件:

1. 要同曾X權有關係, 或
2. 要同陳X霖有關係, 或
3. 為民建聯成員, 或
4. 為自由黨成員, 或
5. 為"乜乜"智庫創辦人/核心成員

angry-cs 說...

做死人,
一未肥上瘦下,
難為中底層的公僕,
根本個寫字樓都唔夠地方用,
好多地方都"甲"硬一開為二,
甚至乎一開為三,
平時book會議室開會都要和人爭差死,
兒家為了開呢0的副局長和政治助理的位,
本來會議室都不足以應付,
辦公室的地方根本都唔夠用,
上面不斷加人,下面又唔見佢加人,
還有係咁cut中底層的office area,
細到簡直細無可再細

匿名 說...

我覺得政治助理請黎都多餘
特區政府個架構簡單d咪好lor
重要比咁多人工佢請個多餘既政治助理
緊係la....d人工都唔係曾生自己比
係納稅人比....曾生都冇損失
叫佢加多d生果金幫下社會上有困難既人...佢點ar???
有時好懷疑曾生係咪真係為香港市民服務
淨係識係到益自己友

Alex Mar 說...

廿幾年都?校園,未做過私人公司。
哩挺人唔少係讀死書,害怕投身社會。
志大才疏,紙上談兵。
d錢當係畀左個大種乞兒。

匿名 說...

放棄了外國PASSPORT又怎樣呀?眾所周知,放棄完之後總有途徑可取回。

曾經都有記者問放棄的人,第時會否再申請返呢.當時人都唔敢答話唔會拉..SO...
佢地放棄又如何呀.?

大家唔好咁天真拉...我唔信佢地放棄代表忠心香港喎.愛香港喎.佢地扮Q晒野.

三年工作經驗有13萬元,如陳智遠係咁值呢個價,點解怇的PRESENT SALARY得三萬呀,

匿名 說...

graduate名大學,高學歷,唔代表高工作能力,唔代表有政治智慧,

上面講得對,有些人一味讀死書,途被出來做野,看陳智遠,讀完hku,讀cu, 再去英國讀,
一次讀咁多,唔咪途被做野,係o羊呀.

阿鬼 說...

馬沙兄,

你呢段:「回歸10年,現行架構持之以恒。曾特首在任的可見將來,又不見得有任何非常重大的改革。那麼,特別聘用副局長的唯一理由,可能就是曾班子名下各局長級官員無能力完成目前工作,以致需在外找尋真的有辦事能力的副手幫助。」講得真係好!

香港只係中國的一個特區政府,那有這麼多政治要搞呢?所以什麼副局長、什麼政治助理基本上是多餘,他們全部人工加起來庫房每年要額外支出接近一億港幣。

而這麼多年來香港政府根本無這兩個職位,一樣可以順利運作,而特首用二十幾萬請副局長返來,就只係為了當局長放假或出國考察時來署任局長一職,這簡直是荒天下之大謬。

政治助理一職,簡直是多餘,美其名就是幫助副局長解決有關政治問題,但副局長是否沒有能力去面對和處理而需要政治助理援助呢?如果是的話,政治助理不如做副局長還更加合適?另一方面,如果有關政治問題連政治助理都解決唔到時,是否又要用十萬八萬請一批政治助理的助理來幫手呢?

匿名 說...

今年投票一定唔投民建聯..同自由黨!!

Hudsucker 說...

成班政治副局長及政治助理, 偏偏政治智慧就係零蛋, 足以證明佢地唔值依份人工
同你我有何分別?

DAB is the best 說...

Can you please take a look here:

http://hk.myblog.yahoo.com/hkha-haha/article?mid=1617

your essay was featured in the most patriotic blog of hong kong!!!!! you can see that we all very very hate those 民主棍! we agreed that hk can nhot vote! those 民主棍 all are actors trying to broke hk!!!

so how can u vote for those democratic people?! we have space to be allied.... we will the only party working for you! all the accountants i know cooperate with us so thats why you get jobs in china!!! hk needs to be stable!!

written by apple daily's左丁山(香樹輝) 說...

何 必 單 打 廿 八 歲呢 排 香 港 眼 紅 症 流 行 , 慎 防 傳 染 , 年 青 人 更 加 唔 好 習 染 到 , 以 免 成 世 人 都 唔 快 樂 。
學 生 Y 考 完 高 考 , 等 六 月 尾 放 榜 , 已 經 話 第 二 日 如 果 未 夠 三 十 歲 , 就 已 經 月 入 十 三 萬 元 , 唔 知 點 算 好 , 錢 點 樣 去 用 呀 , 左 丁 山 唯 有 對 佢 講 : 「 人 比 人 , 比 死 人 , 人 廿 八 歲 可 以 月 入 十 三 萬 , 你 千 祈 唔 好 羨 慕 或 妒 忌 , 以 平 常 心 視 之 可 也 。 」 不 過 報 紙 大 力 渲 染 , 又 出 到 評 論 單 打 一 位 二 十 八 歲 年 青 人 , 學 生 Y 思 想 點 都 有 受 影 響 , 唯 有 向 佢 做 番 一 腦 袋 清 潔 工 夫 。 並 舉 學 生 Y 表 姐 B 為 例 子 。 表 姐 B 自 美 國 一 流 名 校 經 濟 系 畢 業 , 唔 到 華 爾 街 搵 工 , 情 願 走 返 香 港 。 卒 之 做 一 本 英 文 雜 誌 所 謂 staff writer , 日 日 工 作 十 二 小 時 起 碼 , 但 非 常 鍾 意 , 睇 佢 寫 本 地 古 老 建 築 文 物 , 文 筆 好 到 極 , 但 人 工 有 幾 多 呀 ? 表 姐 B 做 一 年 , 唔 夠 二 十 八 歲 政 治 助 理 做 一 個 月 。 如 果 夾 硬 要 比 較 , 學 生 Y 表 姐 B 咪 要 大 喊 三 聲 ? 人 各 有 志 嘛 , 千 祈 唔 好 同 人 比 較 。
如 果 要 批 評 , 就 應 該 響 當 初 批 評 政 治 助 理 呢 類 工 種 唔 應 該 有 十 萬 至 十 六 萬 月 薪 , 比 初 入 職 政 務 官 高 三 倍 。 其 實 月 薪 四 萬 至 六 萬 已 經 差 唔 多 , 因 為 政 治 助 理 既 係 以 培 養 政 治 人 才 為 目 的 , 以 年 青 人 為 招 攬 對 象 , 二 十 五 歲 至 三 十 五 歲 最 , 過 就 係 超 齡 , 使 乜 以 十 萬 月 薪 以 上 招 聘 呀 ? 既 然 傳 媒 與 議 員 無 留 意 此 點 , 立 法 會 順 利 通 過 , 家 先 至 發 馬 後 炮 話 政 治 助 理 人 工 太 高 , 特 別 針 對 一 位 二 十 八 歲 陳 智 遠 , 左 丁 山 覺 得 十 分 唔 公 道 , 尤 其 是 一 評 論 , 有 歧 視 年 青 人 之 嫌 , 亦 似 係 主 筆 / 編 輯 吃 酸 葡 萄 。
時 裝 大 師 聖 羅 蘭 逝 世 , 時 裝 界 一 片 哀 悼 之 聲 。 聖 羅 蘭 享 壽 七 十 一 歲 , 五 十 年 前 只 係 二 十 一 歲 仔 , 就 在 巴 黎 一 炮 而 紅 , 成 為 設 計 大 師 狄 奧 ( Christian Dior ) 繼 承 人 , 受 巴 黎 時 裝 界 讚 揚 , 冇 人 鬧 佢 年 青 得 滯 。 陳 智 遠 當 然 今 天 不 知 是 龍 是 蛇 , 日 後 自 有 分 曉 , 因 政 治 助 理 編 制 , 睇 佢 坐 享 高 薪 , 與 退 休 警 官 盧 奕 基 相 同 , 呢 幾 日 受 盡 冷 嘲 熱 諷 , 可 以 講 係 佢 從 政 第 一 課 , 頂 得 住 , 日 後 有 前 途 , 過 唔 到 關 話 , 快 快 趣 趣 讀 個 博 士 學 位 , 返 回 大 學 書 算 數 。

匿名 說...

個啲議員究竟做咩? 佢地為市民做緊咩?警覺性如此低,簡直垃圾!

大口仔 說...

我諗最大問題係今次政府似乎未能清楚講出招聘的準則。政府就算覺得陳智遠有才能,都唔一定用高於政治助理的起薪點去請陳先生。

一個搵開三萬蚊一個月的年輕人,為政治理想又好,為錢又好投考政治助理,你估政府出十萬蚊佢做唔做?做的機會應該大過100%,如果出十萬蚊佢都做,政府硬要出13萬去請,請問基制用哪?請問係咪慷納稅人之概?

匿名 說...

根本唐老鴨政府就唔掂.
自從'強政勵治', 政府同唐老鴨開始意氣風發, 當市民意見無到.

今次副局長同助理擺到明係分餅, 市民根本就勁不滿, 我相信對立法會選舉絕對有大影響, 分分今年7.1 會有很多人遊行.

匿名 說...

陳智遠: 係時候騷d quali 出黎等大家學下野!

匿名 說...

一句講晒,政治分莊嘛.