星期一, 2月 04, 2008

受害者

經過警方高調拘捕色情照涉案人士,相信今次「愚樂圈」的相片風暴可暫時平息。最開心者,先是今次相片風暴的疑似藝人,隨後的當然是一班在這星期,天天擔驚受怕的未曝光疑似藝人。

要數今次事件最大受害者,警務處應該當之無愧。

點解不是相片中疑似藝人?

因為直至馬沙執筆為止,還未有人能確認相片是真相片或是所謂合成相片,亦未有疑似藝人站出來說清楚到底相片是否合成照片。如果相片被確定為合成照片,相關疑似藝人就沒有多大損失。假若相片最後被確定為真相片,而發放人又未經相關藝人同意,她們才能超越警務處,成為今次事件的最大受害者。可能有人話第一個被拘捕而又被網友評為「替死鬼」的疑犯是最慘的受害者。不過嚴格來說,此君應列為最唔好彩的好奇網民。

咁點解馬沙話警務處為是次案件的最大受害者呢?

因為警務處在這次案件中的處理手法,將整個執法部門的公信力,帶領到幾乎是歷史性新低點。尤其警務處一哥周六公開表示,即使在現行法例下藏有不雅照片未必犯法,但仍可能因為「涉嫌」被用作發布或售賣而被捕的言論,給人感到警權過大的白色恐怖。

而有報道指出,今次相片因疑似男藝人維修電腦而流出。如經查證屬實,此電腦內存有的疑似藝人相片數量必比任何被拘捕人士為多。為向市民證明法律面前,人人平等,懇請一哥再一次高調地拘捕該電腦持有人。

(2月4日刊於《am730》)

25 則留言:

匿名 說...

呢位鄧生可以講係我有生以來見過最差劣既警務處長!

好明顯冇乜法律常識

最大問題係處事魯莽, 未準備好就亂up一通

真係港人既悲哀

seikomatic 說...

沙沙,

當然喧壹哥此言就系想警效攸,叫你班友咪再傳出去,以震歪風,問題系道德教育系咪警務處既職責部份。

如果佢話再傳系【唔道德,唔合禮教,傷害當事人,會有報應,打落地獄...】你估有邊位會聽佢之笛呀。佢手上就系有支炮大家先聽佢講野姐。

法律唔系佢定,佢淨系負責演譯同執行,觀眾眼睛系雪亮既;演譯得唔好大家當然會踩臺啦!

匿名 說...

如果我部電腦d相俾人偷左兼放上網,警方可以落力幫我找真兇嗎?

匿名 說...

有無睇報紙

香港同大陸都唔知幾多fans 認為gil 是被陷害的,

佢地等緊gil 出來話相係假的, 無呢件事.

我以為拍拖先會盲目

原來追星都一九樣

匿名 說...

在中東一些國家, 發佈這些圖片可能會遭斬手。

現在只坐八星期, 算係咁喇!

匿名 說...

阿嬌 fans,

在中東一些國家,影同被影這些圖片,應該最先被處死!

匿名 說...

其實相中主角全部都有可能擁有該批淫照, 可能係發佈源頭, 點解d 差人唔去佢地屋企拎走佢地部電腦搜查.
係咪只要報左案把自己化身成受害人身份, 就可以擺脫一切謙疑?

匿名 說...

警方既然拉咗個二打六﹐點解唔可以出搜令﹐搜下陳冠希間屋有無淫照呀??

匿名 說...

警方應徹底搜查滛冠希的私人電腦.看一下是否有些女星被滛冠希威嚇.迷姦.索K.吸毒以致神智不清被拍下滛照威脅

匿名 說...

警務處一哥要落台
鍾小姐要公開道歉
陳生呢條人渣,算罷啦,等天收

匿名 說...

嘩! 大市確定無相睇, 精力無法在飽魚內渲蝕, 唯有把所有精力傾注入股內

Clay 說...

響應馬沙兄號召,要求警察拘捕相片源頭(唔係奇拿呀,係影相個個囉)!

匿名 說...

馬沙兄,

"尤其警務處一哥周六公開表示,即使在現行法例下藏有不雅照片未必犯法,但仍可能因為「涉嫌」被用作發布或售賣而被捕的言論,給人感到警權過大的白色恐怖。"

警方衡量、考慮既標準係:你有幾多身家 $$$$$$

匿名 說...

警務處二哥話第一個被拘捕「替死鬼」牽涉信用咭詐騙. 嘩! 初初係法官講d相嚴重先扣8weeks,而家緊本就夾硬o黎, 點都要砌到合情合理拉扣你8weeks.

閒人 說...

警務處若要保鑊就最好拉陳生回來問話同提出起訢。

匿名 說...

陳冠希公開道歉並呼籲銷毀有關「慾照」

匿名 說...

陳先生既然要別人銷毀呢批相,咁唔知佢仲有無先?

無理由叫你銷毀,自己就乜事都無。警方是否應該講清楚d 相原本誰屬,以及調查相中女子是否自願被拍照先?

渣估 說...

摘自今日蘋果

黃 福 全 續 說 : 「 如 果 係 老 友 記 , 識 左 好 耐 , 大 家 一 齊 睇 , 覺 得 好 正 , 問 畀 個 copy 我 得 唔 得 ? 咁 係 可 以 。 」

(黃福全呢句"覺得好正", 我都覺得好正!)

但 他 指 , 若 網 友 在 互 聯 網 上 發 佈 有 關 照 片 , 則 會 違 法 : 「 大 家 要 用 一 般 常 識 諗 諗 , 網 友 係 咪 你 朋 友 ? 」 他 續 稱 : 「 我 好 大 膽 講 一 句 , 絕 大 部 份 網 友 根 本 係 公 眾 人 士 , 你 係 唔 識 佢 。 」

(網友不是朋友, 以後咪聲聲網友扮老友!哈哈! 黃 sir 唔知道, 互相晌對方blog留言超過半年, 又算唔算朋友呢? 咁樣傳相又算唔算犯呀黃sir? )

seikomatic 說...

渣哥,

駛鬼等半年咁煩,下次憑人稱呼:阿乜水老友記,沙沙好朋友,渣哥我的fan。黃蛇我老死....

香港人出名有效律嘛。

馬沙 說...

老渣肯定係我老朋友,起碼我有佢本親筆簽名渣仔做証明!

精工大師成日叫我"沙沙",一睇又証明係係我老朋友,哈哈哈...

匿名 說...

其實差佬一開始就唔應該高調拉其他人打草驚蛇, 你係主腦見到咁, 都會張d相除, 或者拎走啦, 如果主腦冇咁做, 只好怪佢蠢

匿名 說...

今次影相風波的教訓........找清Card數

匿名 說...

轉載自某名博客:

好一隻迎春鮑 誰人不愛它
好一隻迎春鮑 何來顏面對歌迷
我的野蠻一哥 可分發千張
睇多睇迎春鮑 人人齊共歡樂下

若缺齋老人 說...

不禕言老頭對李逵前局長相當尊重,但對現局長真係... (苦笑)

匿名 說...

警方高調說拉了源頭, 實在是非常不智的做法。