星期三, 2月 27, 2008

財政預算

財政司長曾俊華將於今天上午11時,宣讀上任後第一份財政預算案。由於政府上年盈餘大增,曾司長又係曾特首頭馬,08/09年財政預算向市民大派金錢,已經係一般市民的祈望。但是哪一個社會階層得到最多利益,才是普遍市民所關心。雖然預算案今天才宣讀,但這兩星期已不斷有不同減稅消息流出。空穴來風,事出必有其因。消息流出,可能是政府想測試市民反應都未定。

要向市民派糖,馬沙最支持是向市民退還薪俸稅,而且越多越好。政府錢多,最先受惠的理所當然是每天勤勞工作及交足薪俸稅的打工仔。之後當然是年老及有需要人士。年老長者曾經為香港付出無數血汗,生果金及醫療津貼不妨加多一點。綜援金額馬沙就唔贊成加太多,因為好容易令有手有腳又有工作能力的人,失去尋找工作的意慾,試問低薪工種薪酬比拿綜援好不了多少時,哪有人有動力去找工作。政府反而應該多加撥款去協助有工作能力的綜援人士重新就業。

至於減紅酒稅一項,馬沙就大力反對。紅酒始終不是必需品,用者自負,喝不起乾脆不喝就是。有傳聞話物業轉讓的厘印費,將由200萬元以下收100元推高,馬沙就認為最多推高至300萬元以下收100元就好了,因300萬以上物業並不是一般小市民能負擔,免得助長炒風。另外,其實燃油稅及車輛牌照費都應該可以減,起碼可以舒緩運輸業的成本及加價壓力,市民間接可以受惠。

(2月27日刊於《am730》)

2 則留言:

Unknown 說...

打工仔覺得最先受惠既「理所當然」係打工仔。拎生果金既又覺得最先受惠既「理所當然」係老人家。住晌天水圍城果班又覺得最先受惠既「理所當然」係低收入人士。點搞?

匿名 說...

酒稅實無必要徵收。香港是自由港,百物都唔使徵稅,魚翅燕窩鑽石黃金唔使,為何偏偏酒要? 我不應為減酒稅會帶來社會公害。況且增加的銷量唔多唔少也會增加利得稅收入,庫房唔會蝕太多。

燃油稅及車輛牌照費唔應該減,除非我們願意有更多的車輛再路面行走...