時下新生一代居住及生活環境無疑是比較我輩優厚。馬沙孩童年代，除了生活基本必需外，好少有其他物質享受，有時放學後更需要幫助母親，在家中做一些如穿塑膠花、珠仔或剪線頭等等的工作幫補家計。不過正因為咁，我們這一輩人大多自小就養成照顧自己日常生活的能力。
可能因為現今女性，普遍比上幾代女性擁有更高水平的學歷，本身在社會上有一定地位，有時甚至超越男性。所以大部分女性，在婚後及生小孩後仍選擇在社會工作，保持社會地位及免於跟社會脫節。環顧現今的新生代，正因父母都要出外工作，且早出晚歸，好多時小孩的生活，就交給傭人照顧。可能自小由傭人照顧，好多小孩家境雖不是非常富裕，但養成少爺仔或千金大小姐的脾氣。
馬沙就見過好多20多歲的年輕人，出來社會工作對上司不分尊卑，直情當正在自己屋企一樣。有年輕人因自小只有佢駡人，無人敢駡佢，做錯嘢被上司或老闆輕輕責備後，即場痛哭，回敬一句︰「你做乜咁大聲鬧我，由細到大無人敢咁樣鬧我！」。
7年前馬沙就遇過一件趣事。話說馬沙帶隊到某上市公司開Job，由於文件眾多，有人竟帶同家中傭人到客戶公司，理由是文件箱太重，所以叫傭人幫手拎。當時情景，就像時下傭人送小朋友返幼稚園一樣。
(3月20日刊於《am730》)
13 則留言:
你說的故事令我聯想起，會不會有一天，我們要食家常小菜如"梅菜肉餅"及"老火湯"等要去印尼或菲律賓至有得食!因為而家既新一代係唔會學煮。^_^b
>「你做乜咁大聲鬧我，由細到大無人敢咁樣鬧我！」。
原來真係有阿寶...
乜嘢係阿寶??
俺細個就因為太眼訓，剪線頭剪穿過好多件衫....
「你做乜咁大聲鬧我，由細到大無人敢咁樣鬧我！我叫我老豆買L 起間firm 開跟住炒 L 左你個PK!」。
小弟的Blog: http://ilikehorseracing.blogspot.com/
請多多指教!
webman兄:
唔會!老頭當年讀書時有一科Food and Beverage,入到廚房發現一個奇景:雖然一半以上女同學連打蛋都唔識(似掟手榴彈多D!),但幾乎所有男同學都會懂揸鑊鏟!
webman兄,
好同意若老所講,我大部份男性老友(包括我自己),都懂得揸鑊鏟!
匿名,
我都唔明「原來真係有阿寶...」點解!
精工大師,
"「我叫我老豆買L 起間firm 開跟住炒 L 左你個PK!」。"
係咁就好囉!
阿寶(阿姆羅)名言:「你打我!我爸爸都沒有打過我!」
啊..原來阿寶指(阿姆羅)...
我大部份男性老友,都懂得揸鑊鏟! X 2
反而啲女嘅，相對冇咁多識煮嘢，我都好水皮，因為身邊大把人識煮，唔駛我。哈。
現在的小朋友連對人基本尊重都無，親眼見過好多次 D 小朋友對住個工人大大力打落去 !
「連我爸爸都沒打過我﹗」
http://komica.dyndns.org/wiki/?%E6%88%90%E5%8F%A5%2F%E9%80%A3%E6%88%91%E7%88%B8%E7%88%B8%E9%83%BD%E6%B2%92%E6%89%93%E9%81%8E%E6%88%91
本人今年33.
其實此番言論, 相信係10幾年前你初出茅廬時, 有好多你既前輩都會有呢種心聲. 要知道一代不如一代呢種想法, 並無專利.
其實如果睇唔過眼, 又何必比機會呢種人係你面前出現?
又可能,其實係時代已經唔同左,都不過又係一次價值觀的對抗而已.
發佈留言