小家佬

前日幾隻恒指藍色大隻佬食完午飯,無啦啦比條小家佬叫停賽,攪到午市亂哂大龍。點解咁亂,就係當時無人知發生緊乜嘢事!

呢件事嘅前因後果,條小家佬昨天已經一次過用英文、港府話及普通話交代咗。好彩件事唔係今日發生,否則條小家佬明天(七月十四)可能要用地府話用班地府大佬交代一次。

小家佬仲話佢當日嘅決定,完全係為咗一班小投資者利益。因為小投資者無得係嗰個『披露易」睇上市公司發放嘅資料,會做成不公平。老實講,你試下走去問100個有買股票嘅人,當中有幾多個曾經去過睇嗰個『披露易」。馬沙敢講,3個都未必有! 更枉論即巿時上去嗰個『披露易」睇業績公告。問下啲小投資者,有邊個唔係透過股票機、大利市機、電台、電視、網上財經新聞等等去獲得上市公司最新資訊?

再講,資料上唔到嗰個『披露易」,要求相關公司收市後先公佈啲資料就得,相關公司唔肯先要佢地停賽。如果相關公司有得揀, 段估都唔會揀停賽吧!

由此可見,一件小小事故就足以証明呢條小家佬智力遠低於猿猴! 『至於你信不信,反正我信了!』