今時今日係香港地,拎$500萬出嚟買新樓,已經好難可以搵到好嘢。即使你可以好似電視Law霸咁,肯住係深水埗呢啲所謂平民區,同一價錢,以為可以住大小小,一個唔小心,亦好容易中伏!
以下呢個坐落係深水埗嘅盤建築面積588呎, 呎價夠膽死開$8,400, 即係要$500萬! 不過發展商開$8,400/呎唔奇, 奇就奇在竟然有人肯買! 特別要留意嘅係,呢個盤嘅管理費高達$3/呎, 即係呢個盤嘅管理費每月已經係$1,7xx。
咁比咗成$5球買呢個近600呎嘅新樓, 究竟比返咩級數同環境境你呢?
自己睇:
呢間嘢話就話成600呎,實際得6成7即係395呎, 實用呎價即係要成$12,5xx/呎,係深水埗喎......
個廳超細唔在講,話就話有對流窗,問題係有咗呢對對流窗之後,點放電視及梳化呢? 飯枱睇怕更加無處容身!
我到依家都唔明白,點解香港有人肯拎$500萬出嚟,買間咁嘅屋返嚟住,唔通香港人特別喜歡虐待自己同家人?
