星期四, 1月 17, 2013

樓價痴線系列 (八)

對於私樓巿場樓價問題,好多人依家假設咗私人巿場樓價唔會回落,以上呢種言論係97樓劫爆發前,都有一大班政棍及想上車買樓嘅中產成日咁講,攪到當時得2X歳嘅我差啲信以為真,以為自己呢世注定儲唔到首期,永遠買唔到私樓!

一般嚟講,私樓市場除非政府大大力出手干預,否則政府無可能控制佢嘅上落!私樓市場有佢自己升/跌嘅週期,升到人人頂唔順或受內部/外部經濟影響自然會爆煲或回落!

對於中產置業問題,唔好正係講,講/閙容乜易,比個方案出嚟先!

我認為私樓現價要跌50%以上(即係04-07年個價)先至合理,冇人幫要靠自己儲首期嘅中產先至上到車,低層市民先有動力努力向上游!

我雖然有物業,但我個人極力贊成(其實幾年前貪曾應該做)政府應用盡一切行政方法,去干預私樓市場,並致力維持樓價係合理水平!但係如果依家政府咁做,你班已經有樓嘅中產(既得利益者)制唔制先?

到時做咗負資產咪又係咁鬧政府!現在政府要施政令樓價下滑到所謂合理水平,有人得(上到車),自然要有人失(變負資產)!

另外,就當樓價跌返去所謂合理水平,大家有能力上車,但當你知到政府未來會致力維持樓價係現有水平,即係買完樓之後唔駛旨意樓價升值,你仲買唔買?
大家睇下03-07年啲私樓咁平,點解成交量咁低就知!

人總係自私,未上車日日叫drop drop drop! 一上咗車就望日日go go go!

咁到底點做先叫公平?

Oh...sorry! 依我個人愚見,呢個世界根本就從來都冇「公平」呢回事!

13 則留言:

Lisa 說...

樓價在低位就無人買, 一升去高位就人人突然須要買樓 !

匿名 說...

Excuse me, my humble idea is that Hong Kong property price is/was always too HIGH when comparing to our earning. Consequently we was still RELUCTANT to buy even at its low ebb.

But when the price is rising, we have to sacrifice eveything to buy otherwise we will never able to own our housing like our nowadays 80's.


Practising unqualified Accountant

馬沙 說...

Lisa 姐,

如果呢位買家係買嚟自住,其實真係不知死活!

455萬3成首期連雜費要成160萬(打工仔要儲幾耐?), 7成上會20年要每月供$2皮!實用面積447方呎兩房,一生小朋友,加個姐姐點夠住?

正如我編文章講,呢類幾十年屋仔,根本上一手買入價178.5萬元先係一般正常上車價!
***********************************
***********************************

一城低層562呎賣455萬

沙田第一城交投表現突飛猛進,上半月已錄逾60宗買賣,超越上月全月成交量。利嘉閣地產表示,沙田第一城26座低層F室成交,實用面積447方呎,建築面積562方呎,作價455萬,實用面積每呎售價折合10179元,建築面積每呎售價折合8096元。據悉,原業主在2009年2月斥資178.5萬元購得單位,持貨至今轉手,帳面獲利276.5萬,折算期間單位升值1.55倍。

馬沙 說...

Practising unqualified Accountant,

「以上呢種言論係97樓劫爆發前,都有一大班政棍及想上車買樓嘅中產成日咁講,攪到當時得2X歳嘅我差啲信以為真,以為自己呢世注定儲唔到首期,永遠買唔到私樓!」

Lisa 說...

馬沙說的是正確, 但樓價愈高就愈多人驚買唔到樓, 唔理三七、廿一就跳咗落去 !
不過租樓的又唔多好過, 租金加完又加, 所以只會推無樓的人入死谷 !
樓價一定會跌, 不過唔知幾時, 所以好多人是進退兩難 !
所以沒買樓的年輕人, 都要忍下同屋企人住啦 ! 無人搶貨自然會跌, 但個個搶住上車想跌都幾難 !

passerbyvera 說...

但現在香港樓巿跟97時不同的是97時樓巿是香港人主導香港人玩。但現在香港樓巿是大陸人佔了至少30%!最近新聞又報導大陸貪官變賣資產潛逃,這裏又有多少貪官的錢在炒起香港樓巿呢?
我覺得現在香港現在很絕望的是所有事不能獨善其身,所有事都被大陸插腳進來干預。有錢的大款貪官把整個香港炒起;無錢的湧進爭福利。簡單的看看水貨客擾民生這事,連剎停一簽多行我們也沒說話權。
香港只能繼續被大陸蹂躪。

匿名 說...

passerbyvera 說得對, 大陸人炒高晒香港的樓, 普通打工仔根本很難置業. 目前政經環境特殊, 樓價高處未算高, 日本人在九十年代初要三代人才供得完一層樓, 香港有排都未到那個情況. 假設你三十歲人現在買樓, 工作穩定(例如工務員), 人工每年有增幅, 未來通脹率升多跌少, 但利率即使因通脹而上升, 人工亦會因通脹而上升, 實質利率現時是負數, 在可見的五至十年內大概會在負2至正2水平徘徊, 利息負擔完全在你能力範圍之內, 保守估計, 你在四十五歲前後, 應該可以供完你層樓. 所以話, 樓價現時不算好貴, 而在目前環球經濟情況及拖政報告的樓房土地政策下, 樓價上升的空間仍有許多, 現時若有能力買樓, 即管買, 錯的機會雖有, 但不大, 而錯亦不大可能是大錯.

馬沙 說...

Lisa 姐,
所以沒買樓的年輕人, 都要忍下同屋企人住啦 ! <---- 完全同意!

馬沙 說...

Passerbyvera,
妳說「97時樓巿是香港人主導香港人玩」,真的嗎?

妳知否當年無論國內企業或地方政府官員,好多透過所謂窗口公司,買入極大量物業?

淨係x莞某單位,已經持有2x物業! 不過當年無九龍站,佢地多數大量買入太古城、黃埔花園、滙景花園及麗港城!

以前好多嘢無人提唔代表無!

馬沙 說...

我都講過,加息/減息同樓價升/跌從來無必然關係!

之不過呢,若大幅加息呢.......好多呢幾年不自量力,借盡9成上盡30年嘅人,會因為供唔起而自動打靶.....

如果多咗不自量力而供唔起自動打靶嘅人..........第二次樓刧就會靜靜鷄咁橫空出世.......

seikomatic 說...

私樓市場有佢自己升/跌嘅週期,升到人人頂唔順或受內部/外部經濟影響自然會爆煲或回落!
__________

沙沙,俺覺得今時今日除左水浸低息強國總總跟之前既環境唔同外,俺好多fans話等緊回就入,買多幾層收租。即系市場上邊多左好多期待中投資者。

地產佬恐怕亦會行觀望,賣平有不如賣精。大形屋村式不如精品超豪包裝,全年銷售金額可能一樣,野就做小好多。實質供應緊系渣緊d,先有彈藥同政府慢慢玩。你硬推咱們就系唔歐…辣椒呀o拿....

要樓價跌,真系要等天收。自然/人為災害。


匿名 說...

"要樓價跌,真系要等天收。自然/人為災害。" <---贊同

長時期的高通脹率即將來臨, 目前本港的通脹率約在4%, 在可見的五年內, 上升的可能性遠大於下降, 預示租金將會大幅上升, 樓價亦會大致同步, 除非, 歐美各大國之國債出現違約, 這個看來不大可能, 或八萬五重臨, 這個暫時看來亦不大可能, 又或大陸政權突變, 天下大亂, 這個....可能性大不大, 就難說一點.

匿名 說...

妳知否當年無論國內企業或地方政府官員,好多透過所謂窗口公司,買入極大量物業?

97 同呢家相格 15 年. 大陸人起國際社會由冇錢變做暴發戶. 15年前有冇聽過有學生坐直昇機返學? 相比15 年前圍地爛尾樓搵果小小錢. 到近十年o既血肉工廠, 老番假藥, 假名牌, 假奶粉. 真係一毫子都食到盡. 呢d係國內人仔歸邊

15年前o既香男係返大陸娶個女人, 一個月底一千幾百. 到呢家日日一大堆人用晒成個月人工迫上去搵女人, 連十幾歲學生哥都要捐精救國. 港紙歸邊

D 錢唔係辛苦錢, 緊係洗得易啦. 要買咩咪買咩lor, 洗考慮?

香港人多多錢都唔夠佢地炒啦, o下嘩