韜晦無露圭角

韜晦無露圭角
《宋名臣言行錄》

在一間會計師行做小薯，能否上位，可能由一位帶住你嘅 Senior 說了算。在此時千萬別在Senior 面前扮勁，咁做不僅會被Senior 討厭，分分鐘仲要永遠接爛job。

至於幾時才能顯露閣下的「圭角」？
至少等你擔上 AIC 先炫耀吧！

下午茶趣聞一則

今日中午去公會上CPD，完咗一個人係灣仔一間茶記食下午茶，而呢個時間搭枱係理所當然⋯⋯

食到一半，同枱有兩個互相認識嘅食客有以下對談⋯⋯

食客甲：「喂！平壤係咪係泰國？」
食客乙：「你都低能！平壤係越南呀！」
食客甲：「哦！原來係越南......」

我望一望同枱食客丙，佢欲言又止，我比咗個堅定嘅眼神示意食客丙咪多事。而食客丙似乎已經心神領會我嘅意思，無開口講過一個字，繼續食佢碗腩麵。

隔咗一陣子，我同食客丙再次四目交投，相方都差啲忍唔住笑咗出聲！

有時人與人之間，錯對其實唔係咁重要。至少今日，一枱四個茶客都食得開開心心，四贏！