星期日, 1月 17, 2010

給兒子的信 (五)

親愛的德信:

很久已沒有寫信給你,記得上次寫信給你時,已經是07年9月的事了!
 
今天晚上,為父決定要再寫信給你,目的是記下一件對你嚟講,是前所未有的事!
 
自從媽媽於1月4日零晨時份被為父送進醫院之後,這10多天以嚟,你只能與媽媽2次作很短暫會面。為父留意到你日間表面上跟平日沒有多大分別,但每天到晚飯時間,你都非常渴望媽媽能跟以往一樣,放工回家跟你一同耍樂、唱歌及看著你上床睡覺。
 
沒有媽媽在身邊的你,近日已將視線轉移到為父身上。記得早兩天為父因有工作在身,在與你晚飯後跟你說當天不能帶你回家,要你獨自留在嫲嫲家裡過夜。之後當我進房取衣服準備離開,一踏出房門,你竟自行穿好鞋子,笑說想去我公司「睇吓」時,你小臉上的表情已經出賣了你! 雖然你當時在笑,但你的眼晴卻準備掉下淚來...........雖然你在努力強忍,但我已看在心裏,並默默記下。希望你知道,我走後一直想念你當時的表情......

(Part 1)

寫到依到,都係時候向你講解呢件對你嚟講,所謂前所未有的事。媽媽今次入醫院嘅原因,並不是生病。所以,你不但止不會失去媽媽。相反,由1月5日開始,你已經「升呢」,進身成為大佬級別!即係話,你啲玩具,以後要分比弟弟玩,幾年後,你有責任教導呢位叫「弟弟」或「細佬」嘅小朋友踏單車及遊水等等。無論如何,你呢一生注定要盡力去保護呢一位比你細3年的弟弟!

另外,媽媽因為要坐月調養身體及專心照顧初生的弟弟,所以要暫住婆婆家中。媽媽其實每天都想念著你,因為你每天要上學,嚟繁呢個多月,每晚就由為父與你共眠。每天清早,就由為父替你打點,換上校服。跟以往不變的,就是每天為父會親自揸車送你上學,並會站在校門外,睇你同其他小朋友做完早操先去上班。

每逢你放假,為父必定帶你去見媽媽及弟弟。不過你可以放心,呢種情況不會維持太久。因為時間會過得好快,媽媽將會帶同弟弟一起回家,與我倆一起快快樂樂過新年!

最後,為父祝你同弟弟能建立一段好好的兄弟情。

(Part 2)

父 - 馬沙字

2010年1月17日深夜



26 則留言:

Bittermelon 說...

馬沙兄:
雖然不知道你發生了什麼事,但在此衷心祝福你太太早日康復,一家人平平安安.

ondog 說...

祝福!一切平安!

xiao zhu 說...

願你家一切安好!

匿名 說...

祝你一家人平安大吉。

匿名 說...

祝合家平安!

傑仔

波蘿游 說...

祝願一切安好

加利仔 說...

願你家人平安!

溟天凱 說...

馬沙兄
加油

變幻原是永恒 說...

馬沙兄,

祝你太太早日康復!

馬沙 說...

對不起,讓大家擔心,先在此向各位說聲『多謝關心』!

過去一年少出文的主要原因除了工作好忙外,就是要準備再作父親!

各位.....我又做老豆啦 ^_^"

又....之前話我天生一副外父相嘅好友們....睇怕你地都係注定「點錯相」...

KW 說...

馬沙兄,先恭喜你再作人父,祝馬沙嫂早日調理好身子照顧兩個小朋友,初生小bb快高長大!

另,馬沙兄,時間多的是,話唔定過多兩年,又會聽到你多添一位千金的消息呢!

Bittermelon 說...

馬沙兄又做人老豆,真係可喜可賀喇^^

Hana 說...

恭喜恭喜!

(唔係馬後炮馬沙兄你未寫下半Part已經想留言恭喜了,因為我記得幾個月前你係咪搞度留言提過)

ak 說...

弄璋之喜!

喜獲麟兒!可喜可賀!

溟天凱 說...

馬沙兄的起承轉合真厲害
恭喜晒

Karen 說...

恭喜馬沙又做老豆呀!

祝馬沙夫人身體早日康復,小小"馬沙"(還是小小"德信"呢)身體健康!

話時話, 您係咪受到CM和CK的影響還是"早有預謀"呢?

C.M. 說...

嘩,山中一日,世間千年!

馬沙兄,恭喜曬呀!(呵呵,我個女又多左個希望咯)

seikomatic 說...

沙沙

僅 代表特區同胞,至以最高興的祝福。

新年得大禮,聽話唔會o也。

恭喜恭喜。

大口仔 說...

讚! :)

鹿米館 說...

祝平安。

若缺齋老人 說...

馬老,錢係唔會賺盡的,多享受與家人相處既機會! =)

(btw,你更新得未免太欠了吧?)

匿名 說...

恭喜恭喜

若缺齋老人 說...

馬老新年快樂、令郎快高長大、當然追多兩個仲好!

Ebenezer 說...

祝新年進步,主恩滿溢^^

Karen 說...

祝您和夫人新年愉快! 兩位令郎健康活潑!

肥你 說...

好好彩,睇呢篇野既時候你已經寫好左PART2,如果唔係真係令人擔心。/_\

雖然大家只係BLOG友冇見過,但係你咁寫法係會令人/_\ 的。