中國人不打中國人,會計師專打會計師

常言道: “中國人不打中國人”
馬沙卻見:”會計師專打會計師”

小沙這兩天從報章中看到以下的報導:-

合作諮詢食檸檬譚香文畀公會封殺
太陽報 17/09/2006

會計師公會同立法會會計界代表以前關係好密切，但譚香文贏了個立法會議席後，已經同會計師公會唔多夾；後來陳茂波當選會計師公會會長，就更加勢成水火，立場南轅北轍。

以前會計師公會寄通訊，會順便幫立法會業界代表寄埋，慳番郵費。但譚香文做了議員、入埋公文袋，公會就冇再咁做。最近Mandy想同公會合作做問卷，諮詢業界對商品稅意見，公會又冇睬佢，認真冇癮，最後惟有自己做，發了二萬六千幾萬份問卷，收回三百份，話大部分都反對，所以佢同公文袋應該都會反對喎。

公文袋搞錯辦事處開幕日子，同前日公會會慶撞到正，有傳係譚香文傳錯話；但佢堅稱絕對唔關自己事，指稱係黨總幹事曾國豐搞錯。

公文袋成立冇耐，已經搞出咁多是非，究竟係黨問題，定係人問題呢？



不要一廂情願
東方日報18/09/2006

正 當 社 會 各 界 都 對 商 品 稅 發 出 一 片 反 對 之 聲 時 ， 會 計 師 一 直 被 視 為 這 個 新 稅 建 議 的 最 大 得 益 者 ， 加 上 一 些 業 界 「 巨 頭 」 的 片 言 隻 語 ， 不 少 人 滿 以 為 會 計 界 的 主 流 意 見 是 「 舉 腳 贊 成 」 商 品 稅 ， 不 過 ， 事 實 告 訴 我 們 ， 這 是 某 些 人 一 廂 情 願 的 想 法 罷 了 。

我 最 近 在 業 界 完 成 一 項 關 於 商 品 稅 的 問 卷 調 查 ， 昨 日 公 布 民 調 結 果 ， 展 現 一 幅 外 間 可 能 覺 得 驚 訝 的 圖 畫 。 調 查 發 現 ， 超 過 六 成 會 計 師 反 對 開 徵 商 品 稅 ， 會 計 師 對 稅 務 有 一 定 專 業 知 識 ， 連 他 們 也 反 對 商 品 稅 ， 政 府 實 在 應 該 好 好 反 省 。

外 界 以 為 會 計 界 一 面 倒 支 持 商 品 稅 ， 主 要 是 認 為 一 旦 開 徵 商 品 稅 ， 會 計 師 ， 尤 其 是 執 業 會 計 師 自 然 「 生 意 滾 滾 來 」 ， 厚 利 在 前 ， 甘 之 如 飴 ， 但 今 次 民 調 顯 示 ， 會 計 界 不 是 只 考 慮 自 身 利 益 ， 而 是 顧 及 新 稅 建 議 並 非 擴 闊 稅 基 最 有 效 方 式 ， 會 計 師 從 專 業 角 度 理 性 分 析 ， 以 公 眾 利 益 為 先 ， 我 為 同 業 感 到 自 豪 。

財 經 事 務 及 庫 務 局 局 長 馬 時 亨 日 前 撰 文 ， 指 會 計 界 的 主 流 意 見 是 贊 成 開 徵 商 品 稅 。 現 在 看 來 ， 馬 局 長 要 調 整 他 的 看 法 了 。

我 向 全 港 二 萬 六 千 多 名 會 計 師 發 出 問 卷 ， 迄 今 約 三 百 人 回 應 ， 我 會 繼 續 聽 取 同 業 的 正 反 意 見 ， 亦 再 次 呼 籲 香 港 會 計 師 公 會 同 樣 進 行 一 項 民 意 調 查 ， 收 集 同 業 的 意 見 。

絕 大 部 分 政 黨 政 團 早 已 明 言 反 對 開 徵 商 品 稅 ， 唯 獨 公 民 黨 遲 遲 未 表 明 態 度 。 一 個 說 法 是 公 民 黨 副 主 席 張 超 雄 代 表 的 社 會 福 利 界 反 對 商 品 稅 ， 但 公 民 黨 司 庫 譚 香 文 代 表 的 會 計 界 卻 贊 成 商 品 稅 ， 黨 內 意 見 分 歧 擺 不 平 ， 這 個 說 法 今 日 可 謂 不 攻 自 破 。 公 民 黨 衡 量 社 會 各 界 的 意 見 ， 經 深 思 熟 慮 後 ， 結 論 是 反 對 開 徵 商 品 稅 。

譚 香 文



會計界調查逾六成反商品稅
太陽報 18/09/2006

行政會議成員夏佳理昨日為政府諮詢商品及服務稅護航，更批評政界因選票問題，目光未必放得遠。然而社會反對商品稅的聲音高漲，來自會計界的調查結果顯示，逾六成受訪者反對開徵商品稅，有團體到政府總部抗議並送上竹織鴨，寓意特首曾蔭權「冇心肝」及與民為敵強推商品稅，遲早會步陳水扁後塵。

表明支持現時是合適時候討論商品稅的夏佳理，昨日出席電台節目時，除了批評政界因選票問題，目光未必放得遠之外，又強調若政府不開徵商品稅，稅基狹窄所引發的問題很快便會浮現出來。夏佳理又不贊同動用外匯基金來代替商品稅。

但立法會會計界議員譚香文上月底向二萬六千多名會計師發出問卷，暫時收回三百份，六成二受訪者反對開徵商品稅，認為不利本港經濟，加劇貧富懸殊，亦不相信新稅收會全部回饋社會；一半被訪者則指應優先考慮開徵累進利得稅、資本及地產增值稅。



政情：爭做問卷調查　譚香文勁羞家
東方日報 19/09/2006

做 民 意 調 查 係 高 深 學 問 ， 要 做 到 有 公 信 力 ， 先 會 令 人 信 服 ， 做 得 唔 好 就 分 分 鐘 有 反 效 果 。 好 似 最 近 會 計 界 立 法 會 議 員 譚 香 文 就 商 品 稅 做 問 卷 調 查 ， 發 出 二 萬 六 千 幾 份 問 卷 ， 只 係 收 到 三 百 一 十 一 份 ， 即 係 只 有 百 分 之 一 多 ， 唔 怪 得 連 財 經 事 務 及 庫 務 局 局 長 馬 時 亨 都 睇 唔 過 眼 要 寸 譚 議 員 ， 話 佢 只 收 到 咁 少 回 覆 ， 唔 夠 代 表 性 ！

局 外 人 都 睇 唔 過 眼 ， 會 計 師 公 會 前 會 長 周 光 暉 提 起 更 紮 紮 跳 ， 話 呢 個 簡 直 係 「 會 計 界 羞 辱 」 ， 佢 話 舊 年 公 會 就 政 改 做 調 查 ， 都 收 番 三 千 幾 份 問 卷 喇 ， 今 次 商 品 稅 呢 會 計 界 咁 關 心 問 題 ， 無 理 由 回 覆 率 得 百 分 之 一 咁 低 ， 質 疑 係 譚 議 員 問 題 ， 仲 話 佢 自 己 、 老 婆 同 朋 友 都 收 到 問 卷 ， 但 係 全 部 都 無 填 到 ， 即 係 睬 佢 都 傻 喇 。

周 光 暉 今 大 反 擊

周 光 暉 講 明 要 趁 今 日 會 計 師 公 會 開 理 事 會 來 個 大 反 擊 ， 提 出 由 公 會 自 己 來 做 調 查 ， 一 係 就 原 原 本 本 用 番 譚 議 員 份 問 卷 ， 但 以 公 會 名 義 去 做 ， 睇 究 竟 係 咪 好 似 譚 議 員 咁 話 ， 六 成 會 計 界 人 士 反 對 商 品 稅 ； 一 係 就 由 公 會 自 己 重 新 做 一 份 問 卷 ， 收 集 業 界 意 見 。

公 會 副 會 長 方 中 對 周 光 暉 建 議 亦 舉 腳 贊 成 ， 話 公 會 有 責 任 做 一 次 調 查 ， 收 集 會 員 意 見 反 映 ， 但 係 會 長 陳 茂 波 就 比 較 冷 靜 ， 話 民 調 點 都 會 做 ， 不 過 唔 係 呢 個 時 候 ， 公 會 想 先 搞 個 商 品 稅 網 頁 ， 等 大 家 對 商 品 稅 有 清 楚 討 論 同 了 解 ， 下 一 步 先 做 調 查 。

咁 又 係 ， 如 果 呢 個 時 候 做 ， 回 覆 率 如 果 又 好 似 譚 香 文 做 咁 低 ， 又 或 者 大 部 分 會 員 都 反 對 ， 同 會 計 師 公 會 支 持 商 品 稅 立 場 唱 反 調 ， 咁 就 認 真 失 禮 ， 到 時 畀 人 掩 住 半 邊 嘴 笑 就 慘 ， 所 以 陳 茂 波 謀 定 而 後 動 ， 都 不 失 為 一 個 聰 明 做 法 。



小沙於 9 September 2006 “香港唯一法定之會計組織 - 香港會計師公會”中已指出香港會計師公會及譚議員早前分別在公會刊物及議員刊物中互數對方不是。想不到現在更加勢成水火，立場南轅北轍,更公開在報章上互數。

以小沙所知，很多會計師朋友在這兩星期已因令會員退會，使學生蒙羞，聞者傷心，見者流淚的新公會 "會歌" Tute in Da House 感到嘔心，肉麻，不知恥，,低俗，老土，自大，萬估唔到現在又來一場自毀形象罵戰。

香港會計師公會，妳想點呀?

妳想一眾會計師會員點呀? 永遠被取笑嗎?