星期五, 7月 06, 2007

真假消息

對於很多投資者而言,買入一隻股票之前,都會查閱該公司發放的消息,以補年報上的不足,但有時亦會被發放的消息玩死。

上周三,南海控股(680)表示,大行「高盛」於周一由公司主要股東林小春手上購入33億股(4.82%)。受到「高盛」入股消息影響,不少投資者爭相買入。上周三開市,股價旋即裂口高開,高見$0.37,升29%。

當投資者高價追入後2天,即上周五早上,「高盛」才澄清,早前購入的4.82%股權,實為獨立第三者購入,與旗下任何基金無關。此壞消息一出,股價即大幅下瀉至昨天收市$0.245,比上周三高位下跌近34%。

故事還有下文,根據聯交所資料顯示,原來另一大股東中信泰富(267)於上周三,即宣佈「高盛」入股、而股價被炒高當日,在場外減持逾20億股,持股量由12.24%減至9.23%,最耐人尋味的是出貨價竟是$0.1,大有要錢不要貨的味道。

整個事件,令人有很多聯想。大股東林小春於上周一大幅減持,對於投資者(包括中信泰富)而言,是壞消息一則。上周三剛剛遇上「高盛」入股的錯誤消息,股價炒高,中信泰富又於當天大幅減持。最慘就是小投資者,在兩個大股東大幅相繼減持近8%的同時,於高位接去火棒。

值得關注的是,各監管機構對此類事件不聞不問。

難道以後投資者不可再相信經公司所發放的消息?

或是等多幾天,待確認沒有澄清公告才作實呢!

(7月6日刊於《am730》)

9 則留言:

匿名 說...

裡面的人點會唔知購入33億股南海股份唔係高盛,誤會,會唔會有人信,梗係裡面d人放留料,想推高個價出貨,賤格!

Wing 說...

如果因為【高盛】兩個字就買而損手, 事前又唔做功課, 我認為係抵死!!

買個教訓, 可能係好事...

匿名 說...

叫證監會班PK做野啦,佢老味擺明有欺騙成份

匿名 說...

這是不是一個國際金融中心應有的現象?試想想,由1毫子起步至差不多到5毫,再跌回至2毫半,其後出現騙局回升後,再墮机。真是屍骸遍地?但又可怎樣?示威?忍下去?

匿名 說...

基金佬舞高弄低, 真係佢玩哂!

最近galaxy入股小9做緊既公司, 先至近身知曉個世界係點玩....

馬沙 說...

咁小9要講多D啦..

匿名 說...

搵獨立第三者借高盛個名入股果日收巿即出新聞話高盛入股33億股,每股平均價為0.29元,唔夠5%唔洗公開,之後果兩日勁派貨,正一死老千

炒股願者上釣輸既我心服口服,咁樣比人千我條氣真係唔順

Unknown 說...

HKEX, SFC咁都唔理下,真係離晒譜!

講開又講, 馬沙STUDY ANNOUNCEMENT, AND SFC COMPLIANCE ISSUES 係有一手.

匿名 說...

最強烈既感覺就係insider information and insider dealings....

岩岩先同FA/solicitor開完會, 個announcement and S&P我都未做好, 個股價已經price-in哂!吹漲!