星期三, 7月 25, 2007

腦場奇趣

近日天氣炎熱,馬沙又未有讓電腦嘆冷氣,上周六它終於向馬沙提出3年來第一次抗議。事前一點警告也沒有,他就啟動自我引爆程式,在一聲巨響及少許火花之下離我而去。

在Web 2.0的世代,怎可能失去電腦這戰友。既然它選擇自行退下火線,馬沙唯有深入旺角腦場,挑選新戰友入伍。到達腦場,先看看各店門外的價目表,發現由英特爾(Intel)新訓練出來的團隊叫Core2Duo。馬沙精挑細選,最終選上名叫E6320的戰友為我服役。要新戰友甘心樂意為我工作,當然要為他配上最好的裝備。馬沙先為其選上一匹力大無窮兼跑起來超靜的牛,一塊強勁的底板作盾牌,再加兩把各 1GB的DDR2作寶劍,即打道回府。

根據以往經驗,只需兩個多小時調校,便可殺入戰場。可是經過很多次練習,新戰友都不能搭載Window XP上陣,馬沙唯有試行為它搭載Me、2000及最新的Vista,但最後都不成功。一試再試,最後問題竟來自向來最少出現問題「盾牌」。

馬沙再次回到腦場,跟店員說:「唔該,新買底板有問題」。

店員回應:「我只係sell屎,technical問題我幫你唔到,你自己去工場問」。

馬沙:「我都未講問題所在,你點知係technical問題?你點做售貨員?」。

店員回應:「咁,我可以點幫你?」。

馬沙:「很簡單,換一塊新的就是,快!」。

店員回應:「係,係!」。

回家去,我的新戰友「Vista」就乖乖投入工作。

(7月25日刊於《am730》)

8 則留言:

Walter 說...

曾幾何事, 我跟你一樣都愛在腦場鑽, 自己DIY買零件"砌機".

不過, 今日的我懶了. 我寧願安坐家中上Dell的網頁, 用手指去"砌機".

匿名 說...

依家腦場sell屎正係識老點....

匿名 說...

馬沙兄,

後生時腦場是我最常到的地方,幾乎年年換機。

不過依家老咗,部機用咗4年未換過了。睇完呢篇文心癢癢,星期五放工去腦場DIY反部Core2Duo + Vista 玩吓。今日放工買返本電腦書UPDATE 吓先。

匿名 說...

我每個月都會去腦場一次,家裹已有部desktop,另有部notebook出trip用,這部notebook也快4年,是run Pentium M的,現在行起來幔過我阿婆,实在思思想換部Core2Duo,不過坊间对行Vista的機評語麻麻,因好多週边設施還未对應到Vista....

匿名 說...

近年我明白到社會上每人都有其應做既事,我等機會成本咁高,砌機呢d錢,應該留返俾d學歷無咁高既後生仔做,唔好連人地碗飯都搶埋先得架!

塞米一條揚陸轟炸機 說...

"應該留返俾d學歷無咁高既後生仔做,唔好連人地碗飯都搶埋先得架!"...

唔,有d野,但係講唔出。

許港生 說...

香港人(抑或中國人皆如此?)就是有這種先卸膊的習性:平民如是,造就了這樣的服務態度;高官如是,造就了部門間左推右推的僵化官僚制度.

哀哉!

肥你 說...

臨尾個sales 都算係咁啦, 比你一點即明 :-)
估唔到馬沙除左正識既專業之外仲識砌機. 就好似識渣 ms 之餘仲識整 ms 咁 :-p