星期二, 9月 30, 2008

自我反省

上星期一篇新聞報道指香港唱片生意由89年的27億元,下跌至目前只得4億多元。國際唱片業協會(香港)總會的發言人,再度將香港唱片銷路下跌的主要原因,歸咎於非法下載。

馬沙睇完呢篇報道,不禁駡了一聲不知所謂。香港唱片業多年來將唱片銷路下跌怪罪於非法下載,究竟業界曾否自我反省問題的真正所在?

誠然,自互聯網普及之後,非法下載活動猖獗,但銷路嚴重下跌,是否完全因為非法下載而起呢,馬沙就認為唔係。而問題的癥結所在,乃係香港唱片業界多年來不思進取所致。

早在80年代初期,雖然未有非法下載,但因為當時的市民普遍經濟能力不及現在,租賃黑膠唱片及收費轉錄卡式錄音帶的小店舉目皆是,何以當時的唱片業仍能百花齊放,答案只有一個,當時香港的歌曲質素好,人人愛聽。

現今樂迷的消費能力,普遍比80年代好。我輩喜愛聽音樂的樂迷,家中的音響系統已經花費五、六萬元,又點會將翻版CD放入心愛的CD播放機。簡而言之,呢類高消費能力的樂迷,遇到高質素的唱片,自然樂於奉上金錢。

年青一輩,喜愛以電腦、iPod以及手提電話聽歌,由於播放器的關係,音樂製作的質素已是次要,重點是如何方便地將歌曲輸入播放器。部分年輕人喜愛非法下載,就係貪其方便,即下即聽,無需再轉換格式。如果業界能為年輕人提供價錢合理的合法下載方法,只要夠方便,年輕人自然樂意俾,既方便又環保。

(2008年9月30日刊於《am730》)

最近最愛聽嘅,就係 VITAS 呢位人兄嘅新CD!

VITAS "Lucia Di Lammermoorr"


Vitas - Dedication


Vitas - The Star

10 則留言:

若缺齋老人/陳潢 說...

近十幾年有邊首歌似樣?而家所謂歌只係中文*字*、根本唔係中文!

匿名 說...

宜家香港啲垃圾歌,DL都嫌嘥位啦

香港地只要肯賣肉而唔係啞嘅就可以做歌手

匿名 說...

而家D算係咩野歌詞?!狗屁不通都算係歌?吾駛有專業水平既歌手都可以出碟,真係當消費者儍.

匿名 說...

香港的歌手水平... 唉, 老實講, 係人有把口識得出聲已經叫自己做"歌手"!
想番起以前, 唱歌, 係一個專業, 係好高難度... 依家... 唉...

終於有人"識聽歌" 啦!! 其實已經0係內地睇過佢幾場演唱會,但內地場館0既音響設備冇香港咁好, 浪費0左佢0既演出... 好期望佢會0黎香港開演唱會.

真係唔明, 我唔敢話佢唱功好唔好, 但一個可以唱到咁0既音域0既演唱者, 點解佢0係香港係零知名度?! 係香港人愚昧自閉? 定係演唱者0既宣傳唔夠?!

如果佢0黎香港開演唱會, $1500 一張飛都要去睇!!

sherman 說...

同意以上各位意見, 單就一條好D訊号線都要過萬元, 就我自己每月都花400-700買CD,
我只聽Jazz and classical music,就是不聽港產流行曲, 制作實在九流, 但小部份獨立公司出品就十分不錯, 這反影主流公司掌門人對本港音樂事業認知不夠, 好的產品一定有市塲, 愛樂者是肯消費的!

肥你 說...

講真我係一個對音樂要求唔高既人. 亦都冇乜文學收養. 但係而家有好多流行曲既詞真係幾不知所謂, 而題材亦都唔知點解淨係得情情答答既野(不過呢幾年又好似好返d).
以前我仲讀緊書既時候都仲會買下碟, 但而家真係無晒興趣. 唉.

seikomatic 說...

沙沙你d音樂觸覺又好另類。

俺對Vitas唔過電,好耐之前有Farinelli,不過佢把聲系合成既,歌仔就好聽好多。


http://hk.youtube.com/watch?v=A8t_WySo414&feature=related

林 七月 說...

值,就會有人去買。

本地唱片唔賣得會否怪罪市場失敗呢?

匿名 說...

The market will decide who is a winner and who is a loser.

A company should not lay the blame on external factors.

Company executives should learn the hidden (and illegal) rules of the market well.

匿名 說...

The market will decide who is a winner and who is a loser.

A company should not lay the blame on external factors.

Company executives should learn the hidden (and illegal) rules of the market well.