星期三, 9月 12, 2007

個人決定

上周五港府高調增持港交所(388),促使周一裂口高開12元,最高更升至197元,收市上升超過兩成。成份股一日升超過兩成,都算少見。對散戶而言,如果一早持有該股,當然高興。若未有貨的散戶,周一夠膽追入的都算有勇氣。最慘的是一手港交所要成10萬元,有信心但不夠資金的小股民惟有望門輕嘆,大叫「唔抵」。

而港府增持港交所的真正原因,市場眾說紛紜,至今大家得個「估」字。港交所今次大升,小市民未必能賺到甜頭。但最傷者都算係一眾輪商,如他們上周五收不到風,及時為其所發行的相關窩輪對沖,周一少不免被挾。

有老友昨天同馬沙講,早幾個月在港交所升近100元時全數沽出手上10,000股,如以周一收市價計算,身家少了近100萬,真係親身體會甚麼叫「唔係你財,唔入你袋」,不知有多少朋友有馬沙老友類似經歷。

睇番港交所股價,市盈率已近80倍,就算來年盈利倍增,預測市盈率都可算是貴。但值不值得高追,在如今市道,馬沙真係唔敢講。事關沒有人知道港府增持的真正用意,是否還有後著,確實令人有無限憧憬。

至於港府為何增持港交所,財政司司長曾俊華早前的解釋就令人難以信服。特別是他強調這是「我的個人決定」。動用政府如此龐大的資金,點可能係你「個人決定」,你夠膽認,都無人會信。

(9月12日刊於《am730》)

4 則留言:

seikomatic 說...

如果真系「我的個人決定」...大 L 晒呀,好 L 叻咩你?D錢咱們架,你好細份炸喎。

鑊鑊都自已攬上身,特區政府得你一個人咩,愚不可及啦!

匿名 說...

曾俊華證實增持港交所(0388-HK)涉內地交易所換股建議

Gary Tong 說...

又話係佢個人決定
咁講o野叫市民點信佢 ar!!

miyou 說...

388,夠我悲傷與肉赤一個秋季。