星期二, 10月 21, 2008

非一般會計師

早前曾特首在其施政報告中提及,要在金融海嘯的危機中尋找新機會。在經濟走向谷底時,最直接獲得盈利增長的,相信是一眾專門處理企業清盤及債務重組案的會計師行相關部門。

由於企業清盤涉及非常繁複的程序及法律常識,所以絕非一般會計師能夠勝任。又因資源關係,目前除了四大會計師行外,相信只有幾間中型會計師行設有專責處理清盤的部門。亦因此,每次有大型上市公司倒閉,大家見到獲法庭委任的臨時清盤人,來來去去都係同一班人。

面對經濟逆轉,來年畢業的準會計畢業生,大概又要面對僧多粥少的情況。如果有志成為專業中的專業,大可考慮加入會計師行的企業清盤或企業重組部門。你或許會擔心,金融風暴唔係年年有,經濟轉好時豈非無嘢做?

請你放心,我實實在在告訴你,一個普通上市公司的清盤案,快則用3年,慢則分分鐘超過5年。若有幸碰上大型上市公司清盤案如當年的廣南集團等,肯定到你離職,件案都未完。

再講,每當一個金融風暴過後,必定有無數經營不善或過度投資的大型中小企需要做債務重組。就以2000年科網爆破後,直至2003年,馬沙在某大會計師行中,仍要為無數走在清盤邊緣的客戶,跟其主要債權銀行處理債務重組方案。

有別於一般核數工作,清盤工作好多時都好有趣味。例如即時拉隊爆門及查封資產,參與資產拍賣及重組殘缺不堪的帳目,都十分值得回味。

(2008年10月21日刊於《am730》)

5 則留言:

Gideon 說...

唔係講笑,清盤超好做,你睇下對上十年 97 金融風暴科網八萬五 911 SARS 金融海嘯從不間斷呀

seikomatic 說...

沙沙,

清盤工作好多時都好有趣味...

雖然有d幸災樂禍 feel...起碼系呢d時候,會計師既尊嚴會番泥。

咪你班人一直睇死會計佬,唔及醫生律師,CPA一樣可以令你半生不死,死去活不來,死完再死過.......

匿名 說...

我記得我第一份工個 Partner 講過:

做 Audit 係好有前途o既行業,因為不論個市點,都要有 auditor。市好多人上市、做 Transactions 要 auditor;市差 Audit 都要照做,而且就算清盤都係要搵 auditor 來做.....

o個時都唔係咁明佢講乜,但係而家睇返轉頭,又幾啱喎......

不過咁,反事都要有代價。香港人出名併搏,做 Audit 更併,雖然年薪高但係時薪隨時可跟老麥有得比......

肥你 說...

唉... 其實現今社會除左auditor 之外, 理論上個市不論點都應該要有人做IT ga... 不過唔知點解我地做IT 既係市好搵唔到$. 市唔好就比人dull.
有個問題想問下... "爆門及查封資產" 係咪要有政府官員陪你一齊去ga?

nic n ann 說...

hi 馬沙

it could be very dangerous n i m talkin bout u can put ur life at rish, not joking

thanks nic

i used to work for ferrier hodgson for 3 wks. i quitted after i saw the chinese creditors in china takin out butcher knifes in the factory.