星期二, 10月 14, 2008

講多錯多

金融海嘯衝擊全球,身為國際金融中心的香港,絕無可能置身事外。上星期恒指下跌,每每以千點計算。作為香港市民,不管有否投身股票市場,不多不少,亦早應感受到金融海嘯已捲至香港。無可避免,各市民都要面對大少不同的資產減值,與歐美國民一起同唱哀歌。

不知是否受到早前東亞銀行擠提事件影響,政府各財金官員好像生怕市民再度出現恐慌,每天早上一個接一個企出來,拍心口話香港金融體制好健全,叫市民不用怕。

馬沙近日每天清早打開電視,都想睇睇金管局任總開工前發表的意見。儘管有好多人話任總廢及人工貴,但馬沙個人就認為任總向公眾發表的言論,對後市或未來經濟前景,幾有指標性。如果無記錯,當政府各官員年初在次按風暴爆發初期,大大聲公開話風暴對香港不會造成影響時,任總已經公開叫市民小心。馬沙平日並唔想見到任總,因為每次任總發表公開言論,幾乎都唔係好事。

反觀曾俊華司長,每天向市民發表的言論千篇一律,聽完都唔知佢想講乜。上個星期曾司長更化身成為天氣報道員,仲要學天文台長無時準,搞到市民更加驚慌。上星期曾司長在恒指大跌至近萬四點時,大大聲話海嘯還未到。樓股皆瀉海嘯都未到,怎叫市民安心。

另一邊廂,同為財金官員的梁鳳儀副局長,又公開話現時係黎明前的黑暗。以馬沙理解,即風暴已近尾聲,曙光將現。咁實情眾財金官員,究竟認為風暴到了沒有?

(2008年10月14日刊於《am730》)

7 則留言:

說...

我聽倒個句海嘯還未到,真係嚇到呆一呆

匿名 說...

曾俊華條友係燈神!!

seikomatic 說...

沙沙,

俺本來唔信收入與能力成比例,不過系特區政府里面,呢套又幾o岩。

千奇唔好話特首人工貴罅........

DAB is the best! 說...

I totally agree with you!!!!!!!!!!!!!!!!!!!!!!!!!!
it is all the usa deomcracy's fault!!!!!! you see that their free economic are killing all of us!!!!!!
And only china can save them!!!! proove that democracy will be bad for hong kong!!!!!!

匿名 說...

I totally agree with you!!!!!!!!!!!
your time has come!!!!!!!!!!!!!!!!!
lucifer

匿名 說...

個人覺得任總比較可信。

傑仔 說...

我收到風, 金融海嘯真係未到香港, 泰林結業只係小兒科, 馬沙小心!