星期二, 1月 20, 2009

We are X

「Dry your tears with love…」馬沙早幾日高聲叫喊呢一句無數次,眼淚差一點兒就掉下來。讀者請勿誤會,馬沙私人感情生活仍非常美滿,只是情緒一時高漲吧了。

如果有讀者睇完「Dry your tears with love…」呢句句子,即時情不自禁地哼出呢句歌詞,相信你可能同我一樣,早幾日跟身旁無數陌生中年男人(包括我在內),一起大聲高唱呢首名為《Tears》嘅歌曲。點解我知道? 因為「We are X」!

我對上一次入場睇演唱會,相信無7年,至少都有5年。而對上一次入場,仲要係因為老友公司有大量免費門票之故。我近年不愛入場睇演唱會,主要原因是香港舉行的演唱會,無論製作水準,以至現場的氣氛都不能將樂迷帶入高潮。

勢估唔到09年不但入埸,仲要打破紀錄,一連兩日踏入亞洲國際博覽館。點解要連睇兩場,因為老友鼓佬文同我講,根據以往經驗,每場至少有30%以上不會相同,即若要聽盡所有名曲,唯有乖乖俾錢。亦全憑鼓佬文夠瘋狂,先至幫我買到飛。

X Japan 呢隊日本殿堂級樂隊,自97年宣布解散,再加上結他手Hide於98年不幸身亡。相信好多樂迷同我一樣,以為無機會再見到佢地在台上表演嘅風采。估唔到佢哋在07年尾突然宣布復出,並在08年初在日本舉行3場演唱會。之後公布歷史性作世界巡迴演唱會。而今次香港展開的更是世界巡迴演唱會的第一站,都算榮幸。

大部分香港 X Japan 的樂迷,年齡至少都35歲以上。好多當年長髮及肩的男樂迷,依家都人到中年,只得頭毛幾條加大肚腩一個。有時大家場內四目交投,眼神彷彿想話俾對方知,當年自己都識玩呢首歌。尤其當Endless Rain 奏起段solo,好鬼多中坑同我一樣,隻手不期然作彈結他狀。在場所見,大部分人跳足全場,仲成日玩人浪,都算勁。

話時話,我跳足兩場,今朝起身真係全身骨痛!

(2009年1月20日刊於《am730》)

Loneliness your silent whisper...
Fills a river of tears through the night....
Memory you never let me cry....
And you. You never said good-bye...

Sometimes our tears blinded the love..
We lost our dream along the way...
But I never thought you'd trade your soul to the fates..
Never thought you'd leave me alone...

Time through the rain has set me free..
Sands of time will keep you memory...
Love everlasting fades away..
Alive within you beatless heart....

Dry your tears with love…Dry your tears with love…

X Japan world tour live in Hong Kong ~ Tears  

睇返youtube啲留言,原來真係有好多人忍唔住喊左出0黎!!

22 則留言:

匿名 說...

really a very great great song..

匿名 說...

ありがとう!!
Masa氏、私はこのビデオを長い間見てしまわなかった!! それは私に私が失った何か常に思い出させる!!
もう一度、ありがとう!!

億利 說...

RESPECT !
X JAPAN 一定是所有人在兒時迷過的樂隊
終於有機會朝聖 !

匿名 說...

This is the power of X JAPAN!
no matter where they perform.........

真係好正呀
一生人最好玩好睇的SHOW!

匿名 說...

Yup...WE ARE X!!

匿名 說...

睇左.....超正~~
我未試過睇演唱會企到散場....又玩人浪又唱生日歌~~
總之d氣紛high 到爆!!

匿名 說...

全場人一齊唱endless rain, longing, tears真係好感動~~

世昌

市場維京人 說...

這裡是香港,這裡有力量。
X ......

Betty 說...

听的人不是应该静静地听的吗?

匿名 說...

唔怪得昨日見你好似冇乜精神啦! 原來真係買到飛!

KK

匿名 說...

三日啦...肌肉仲痛緊~JUMP 個時隻腳仲瘀埋
痛楚就係存在證明!! 不其然又諗返起LIVE個時.....

匿名 說...

成個騷氣氛好好,好似開party咁..
幾位成員都表現唔錯..特別欣賞toshi拚老命狂嗌...
謝幕一刻拎個hide公仔出來都幾感動
特別感激一眾x fans落力玩人浪放波波搞氣氛...
佢地付出o既努力係無白費,我地係收到o既!!!!
差不多嗌左100次we are x...

匿名 說...

聽完感覺自己返返去瘋狂迷X JAPAN個時期, 實在係瘋狂過, 所以特別有感觸~!

匿名 說...

我都有去睇...用文字係形容唔到個感覺...亂咁嗌x又好...亂拍手又好...嗰一晚係一生人都唔會忘記...係夢想成真嘅一晚...真正喜歡"X JAPAN"嘅朋友...應該知道我講緊咩...

匿名 說...

HEATH 發夢都估唔到,有萬人祝佢生日快樂!!
仲要YOSHIKI彈埋生日歌伴奏!!
超出預期效果!!

K 說...

雖然睇唔到live, 但感覺到大家都好high, 原來馬沙兄咁yeah o既!

匿名 說...

馬沙兄

我兩晚都有到場, 但其實X都有好多十幾歲的FANS, 連我自己都覺得好驚訝!!!!

你咁好野忍到唔喊呀? 我自己就喊到收唔到聲喇

另外, 上YOUTUBE睇番日本方面既報導, 其實連日本人都好驚訝我地香港FANS點解咁痴線. 雖則我未去過日本睇X, 但我夠膽講我地呢兩晚既表現?對唔會比日本既FANS差!!!!

馬沙 說...

最痴線係全場一齊玩X Jump, 日本演出場地已經禁咗,合約寫明唔比玩X Jump!

我呢幾日諗,若果當年維港巨星匯有X, 就唔會冇人睇!

匿名 說...

Tears 依首歌結尾時有段好長的獨白, 當晚因為太嘈聽唔清楚, 你知道是什麼嗎?

其實當晚真係好感動! 你就好啦, 可以睇兩場, 我只有第一場的票 >.< 聽講佢地遲D都會係台灣開concert,希望到時撲到飛啦!

We are X

馬沙 說...

Tears 依首歌結尾時有段好長的獨白, 當晚因為太嘈聽唔清楚, 你知道是什麼嗎?
<--- 我都唔知...

台灣好似講唔掂數,有可能難產!嗰幾日有班台灣樂迷嚟咗香港示威!

反而有傳聞話有可能在澳門開,係就一定去(如果撲到飛)!

馬沙 說...

小瓶子,
睇Band Show 幾乎好似去party, 好有互動性! 台下一齊比反應,台上就Jam D嘢同我地玩下!例如有一晚係HEATH生日,我地成萬人突然祝佢生日快樂!!YOSHIKI即刻走去彈生日歌伴奏,我地成萬人一齊唱生日歌俾HEATH聽,效果好震撼!!


阿思,
X 我由細聽到大,當年練佢首Endless Rain 段solo,第一次血淺結他!
叧外,冇話yeah唔yeah嘅,我曾經以為一世都無機會睇佢地Live!尤其Hide於98年不幸身亡之後!


匿名(1/22/2009 11:03 上午)
我都見到好多十幾歲的FANS,起初我以為佢地貪得意去睇啦,點知佢地好多歌都識唱!呢點我諗唔止我地覺得好驚訝,x 佢地都覺得好驚訝

匿名 說...

Dear ALL,
此乃我們X JAPAN被 林祥棍 言論沾污的文章!
香港men's uno 09FEB
http://pds.exblog.jp/pds/1/200902%2F05%2F30%2Fb0059830%5F1010143%2Ejpg
http://pds.exblog.jp/pds/1/200902%2F05%2F30%2Fb0059830%5F1095728%2Ejpg
請毫無保留地將此原文傳給其他X FANS,
及貼於各大X FANS論壇,
如對此OO有任何意見--->
http://hk.myblog.yahoo.com/elphonso69
THANKS~