星期四, 1月 22, 2009

既買貴又買錯

滙控被大摩出報告,將其價值調低至50多元後,已連續多日在各地市場大跌,昨天收市報55元,已非常接近大摩預測。股王跌到50多元,事前好多人都唔會相信。因此,近日就有好多投資者築成人肉長城,試圖撈底買入滙控作長線投資。呢個情況由滙控跌穿80元開始,股價每跌一級,股民都排隊買入,且天天都出現。

馬沙相信出現呢種情況,主要由於好多投資者,多年來已經被人成功洗腦,深信無論在任何時候買入滙控,只會「有買貴、無買錯」!個人相信,當滙控跌穿100元開始,已好多人大叫話低買,深信再跌亦跌不了多少。而今次蟹貨重災區應該在70至80元之間。

個人覺得,「有買貴、無買錯」呢句說話本身已經好有問題,勉強亦只能套用在大牛市時。買貴咗本身就係錯,待其不日回升,只是財演自欺欺人的伎倆吧了。比方說,當你80元買入滙控,現價55元,即帳面已蝕去31%,呢個投資決定肯定係「既買貴、又買錯」。即使他日回升至買入價平手離場,股價便要升近45%。

在大熊市當中,即使係好股,切忌長揸不放,當某隻股票被市場定性為沽售對象,尤其係指數成分股,應先行沽出套現。以滙控為例,即使未能在高位沽出,在跌穿90元沽出,現價已可買回近倍數量。

個人認為,滙控在上半年好大機會下試40元,在其業績公布前切忌撈底。預期上半年渣打(2888)、國壽(2628)及港交所(388)將成為大行沽售對象,目標價分別為50元、15元及35元。而油價亦將會回落至30美元水平。

(2009年1月22日刊於《am730》)


你貼股 我教路: 2009年01月06
渣打(2888)供股之後仲掂,匯控(005)肯定落唔到$65


唔怪之得滙控65元話穿就穿啦! 渣打呢次大鑊!

你貼股 我教路:2009年01月20
匯豐(005)跌的四大理由


完全唔Q知佢想講乜.....

26 則留言:

南杏 說...

係咪沉大師ar..
沉大師叫親人買既股票必沉架!

若缺齋老人/陳潢 說...

今次同馬老你睇法完全相反。

匿名 說...

我好諗中意沈振盈大師個肥頭 dup 耳 look。

Derek 說...

匯控真係到四十蚊會有人跳樓架啵...

匿名 說...

每次睇呢個肥佬 (8+1 up), 我都笑到標淚!

Ricky

André Kostolany 說...

個女仔幾可愛bor

André Kostolany 說...

馬沙兄, 我都唔知佢講咩, 不過個女仔把聲好甜, 哈

Audi 計數佬 說...

D講股佬一向都係乳咁噏架啦...

André Kostolany 說...

係呃到佢隔離果兩個妹妹仔(或者都呃唔到, 只不過搵兩餐唔challenge佢)

米都話唔搞咯 說...

>個女仔幾可愛bor + 個女仔把聲好甜

X2

余若虛 說...

沉大師真係好技術,見風轉舵轉得幾快。

Hana 說...

馬沙兄:祝牛年好運隨身!合家平安!

巴林 說...

幾年前買過佢既一本書,完全係廢,唔知佢想講乜 !

不完美紳士 說...

恭喜發財,身體健康,萬事勝意.事事順境

不敗的魔術師 說...

祝身體健康,事事如意。

匿名 說...

我信沈大師多過你, 你還記得你那句:「拿著外國護照的民主政棍」嗎? 我問你那個是拿著外國護照的民主政棍, 你卻啞口無言顧左右而言他!

哈哈哈!

匿名 說...

樓上"匿名"先生 / 小姐:

新年流流, come on! 唔好咁啦!

Jerson

匿名 說...

沈大師在2007年的第二和第三季已不斷警告港股有泡沬, 隨時會爆破, 當時有不少人恥笑他是淡友, 說他愈唱衰港股愈升, 結果如何?
沈大師說的未必全對, 有時也有很大的時間差, 但是他的立論是有他的理据支持!

哈哈哈!

黑仔 說...

如果講股市預測,
又有誰可和你這明燈相比.
一千步笑一百步.

匿名 說...

又係我哈哈哈啊! 你認為滙控在上半年好大機會下試40元,你又預期上半年渣打(2888)、國壽(2628)及港交所(388)將成為大行沽售對象,目標價分別為50元、15元及35元。而油價亦將會回落至30美元水平。我完全唔Q知你的理据, 請問你的理据是什麼? 是基於最近ELI和Accumulator的最新做價? 抑或是神報夢話給你這個神棍知?

哈哈哈!

匿名 說...

剃人頭者人亦剃其頭, 馬老弟慎之!

會計仔 說...

如果匯豐無法壓住年報附注中既大魔王, 我睇$10-$20, 10年內回$100以上. 出事機會小弟亂估係20%左右, 其實冇人會準確估到.

哈哈哈 說...

既然馬沙大師認為滙控在上半年好大機會下試40元,立此存照, 滙控在2009年1月22日的最高價是58.30, 我就假設於此價買入一手滙控, 為期一年。待2010年1月22日的最低價沽出, 到時可以証明馬大師說買滙控是既「買貴」又「買錯」;另外若滙控在上半年下試40元, 本人願意捐出HKD1,000給德蘭修女所建立的仁愛之家, 以示對馬大師的敬意, 在睹場買大細有50%是「大」和50%是「細」, 我絕對相信馬大師估中的機會不少於49.9999%, 哈哈哈!

哈哈哈 說...

好! 好一個會計仔, 來一個語不驚人死不憂,你估中的機會都是不少於49.9999%, 哈哈哈!

那麼我又估滙控會執笠,我估中的機會都是不少於49.9999%, 哈哈哈!

會計仔 說...

chance 是亂估的, risk 是實實在在, 而且任何人見到都會嚇死的, 比我3年前講估見紅見到既野更驚嚇, 當我講笑話了。

匿名 說...

網民之間的牙骹戰唔洗出動到楊老闆卦?