星期二, 3月 24, 2009

怒斬基金 (二)

馬沙不贊成買入任何基金,主要原因係一般投資者買入基金嗰一刻,大多數依賴基金中介人的推介,鮮有自行對同類型的基金作出比較。而注意力一般都放在該基金過去的表現,絕少有心機去理會基金繁複的收費。

試想像一下,若您上年中去買基金,中介人給您看各類基金07年的表現,有哪一個基金表現會差。再者,基金中介人在推介各類基金給您時,其首要考慮未必是該基金是否適合其客戶,反觀,賣出哪一類基金給客戶能為其賺取最多佣金,才是其首要任務。

第二,好多買基金的投資者,以為買基金的風險比直接在市場買入股票低,且基金價格的波動性亦較細。但實情係大部分基金表現,好多時都跑輸大市。即升市時升幅不及相關市場的平均升幅,但跌市時跌幅又比相關市場的平均跌幅大。更要命的是不論基金表現嚴重跑輸大市,基金管理人每年收取的管理人酬金一樣咁多。

另一個令馬沙唔會買基金的原因,係大部分基金受其章程所限,基金持有的現金水平不能超過整體資產的某個百分比。即係話無論基金經理眼光如何獨到,明知股災明天出現,亦不能將基金資產全數變現,為基金持有人避險。

相對地,基金持有人即使明知股災明天出現,亦了解到基金經理不大可能為自己避險,最後仍要因為基金贖回需時,眼白白睇住基金資產大跌。先不計贖回時被扣的特高手續費,好多基金可能每月只有一日定為基金贖回日。

(2009年3月24日刊於《am730》)

13 則留言:

bittermelon 說...

哎,我個friend係insurance agent,同佢由細玩到大,同時期出身,我份investment link就係幫襯佢,現在賬面蝕成60%,都唔知好唔好好似馬沙兄位醫生朋友咁cut咗佢.

匿名 說...

100個同意!買基金回報很多時不及自己操盆買股票,只要不短抄。如果你急要用錢,又可沽出手上部分股票,自活些。買基金 是一項投資,朋友歸朋友,自己錢已不是信唔信得過朋友的問題,是實在回報的問題。

fr. hongkonguide

匿名 說...

Bittermelon君:

我唔知你的朋友是否唔熟唔食那種, 不過, 據我所知, 大部份insurance agent都係唔識計數的人, 佢未必有心呃你, 佢只係唔識計數, 照本宣科, 唸書咁唸, 誇張了可能獲取的回報, 唔知件保險產品收費其實係好揦脷, 件產品本質上係搵老襯.

不過, insurance agent即使真係唔識計數, 在佢向你推介保險產品之時, 佢大概亦會心中有數, 知道邊隻保險產品係疑似搵老襯產品, 因為, 佢獲得的佣金與保險公司賣出產品所得的利潤, 有密切的關係. 賣出一件搵老襯產品, 佣金收入十分可觀, 保險公司的利潤更可觀.

閣下現在賬面蝕成60%, 如果可以停供就必定要停供, 如果冇得停供, 就長痛不如短痛, 斬纜. 以上愚見, 謹供參考.

若缺齋老人 說...

嘿嘿馬老你都知我倒了不少會計同行米、搞到幾乎畀人斬,講financial product salesmen似乎比會計佬仲要多幾倍,真係唔好暴露你老人家真身! XD

(btw,同一理由我從來唔信基金佬!)

匿名 說...

i agree with some of your arguments. Putting money in the mutual funds is not really worth it. However, not everyone knows how to make proper investment themselves. Mutual fund is an option for them to take the advantage of the professional service.

Ebenezer 說...

匿名君:

Professional service? 何以見得?

匿名 說...

我做過2年AUDITOR & 10年BANKING & 8年INSURANCE AGENT至今. 依我所見,就算有CFP名銜的AGENTS,99%都扮專業,其實係一知半解,把歪理說成真理,誤導人和騙財,急功近利,因為冇能力和学歷轉行,被追魂魔咒(QUOTA)控制腦袋.
真心和有真材實料少到幾乎=0.
大家小心,保障和基金適可而止.

匿名 說...

3/25/2009 1:21 下午的匿名君:

閣下的親身體驗, 和本人朋友所體驗的非常吻合. 的而且確, 有真材實料的agent 少到近乎零, 而又能真心為顧客著想的, 鳳毛麟角.

匿名 說...

好多表面正直斯文誠懇的AGENTS扮單身其實結左婚或同居挍挍震.人前人後判若兩人.
大多冇学識半桶水又狂妄自大.
CFP和RFP之類TITLE是騙人作大的,他們名為理財策劃師實在資質低,根本無資格替人理財和投資,跟CPA,CFA差天共地.
私下貪得無厭,虛榮扮醒,表面風光,自已一窮二白,買樓買股(不懂投資)都一敗塗地皆因急功近利,自大無知.
此乃真人真事,佢地做左十幾二十年AGENTS,現在冇乜積蓄(因跟本不懂理財和投資),但又要交足QUOTA教人理財,好大笑話!
只嘆香港蠢人多.

若缺齋老人 說...

匿老兄:CFP份卷我"立"過,講真就算冇CFA咁難但都唔算太易考。

與其話個試問題,倒不如話CFP係為sales people而設所帶來既原罪 - Sales people本身就係要"賣得出"先有飯食,好似係曹仁超(定香樹輝?應該前者居多)嘲笑:先叫你買一件東東,當你覺得有少少危時唔係叫你減持而係買多另一件東東"對沖",結果你賺唔賺到就唔知,但肯定佢已經收左兩份佣!

(講到而家,我都覺得雷鰻單野反而有少少情有可原:話佢穩陣過定期的確錯唔晒!

銷售銀行中除左阿爺銀行外有好多都只係蛋散,一年前如果你問我甚至馬老,叫我地估雷鰻定蛋散執先似乎多數人都估前者居多...若然咁"穩陣過定期"又錯在那裡?

當然唔係話sales people一定岩,好似一兩年前聽有向九十歲人士推銷十年投資計劃簡直草泥馬...不過單講雷鰻單野的確有得駁!)

匿名 說...

就是CFP和CPA也只用作揾食,兩者都有很多不懂投資和理財,如BITTERMELON 和 DOTOR 都受騙.
我的AUDITING,FINANCIAL ACCOUNTING....PROFESSORS都炒燶樓股.
不過CPA,DOCTOR和PROFESSORS應稱職不像大多CFP是騙子扮緊專業.

匿名 說...

建議大家只買ETF...

匿名 說...

There are also ppl call themselves "IFA"(independent financial adviser) but they are actually selling product from diff companies or banks and those "IFA" only will sell a couple of plans that give the best commission... so...