星期二, 8月 10, 2010

樓價痴線系列 (六)

上文講過大角咀皇宮嘅車位問題,不妨再深入講下呢個盤嘅問題。老實講,呢個盤馬沙由佢平整地盤開始,一直睇住佢起,直到今年起名大角咀皇宮。所以上月去開奧海城飲茶,當然順道去參觀一下呢個吹到幾乎天上有地下無嘅皇宮示範單位。

當日馬沙接過樓書後,打開睇睇項目基本資料,見到住客車位得136個,覺得好鬼奇怪。一來大角咀皇宮唔似得最近熱賣嘅北角單幢樓項目「楂爬」咁,根本無乜位起停車場。二來大角咀皇宮話哂都係有6座樓嘅大型項目,其基座望落去無6層都應該有5層,無理由得咁少車位。

要了解多啲,當然又要睇吓本樓書。翻閱本樓書,初步確認基座共有6層(無4樓及唔計地下嗰層),詳情足本寫比大家睇下:-

6/F     會所
5/F     住宅大堂/會所
3/F     停車場/政府設施
2/F     停車場/政府設施
1/F     停車場
UG/F  商業用途/住宅穿梭電梯大堂
G/F     商業用途/住宅穿梭電梯大堂

認真啲睇,原來超過100個車位設於1樓。2及3樓主要係商用車位共約40多個。你又可能會好似馬沙咁好奇,想知私人皇宮基座2及3樓嘅規劃中,究竟可以有乜政府設施。咁就要揭開本樓書第11項有關「公共設施」一欄睇睇。

喺講大角咀皇宮嘅 「公共設施」之前,馬沙有必要先強烈建議各新樓準買家,喺作出買樓決定前,必須認真細閱樓書有關「公共設施」一欄,因為好多時「魔鬼細節」盡在此欄中。

又講返大角咀皇宮嘅 「公共設施」,究竟係乜嘢呢?

登登登.....答案係發展商及地產經紀都必定隻字不提嘅......「安老院舍」! 即係話,大角咀皇宮屋苑基座嘅 2及3樓,每層之中有約1/4樓面必須根據賣地條件興建一座安老院舍,並在2010年9月30日或之前完成及入伙。相信呢個都算第一個「據5大港鐵站、西九龍核心黃金圈」嘅後宮式老人院。難到發展商係方便班新業主,入伙時能夠安排家中老人順道遷入「後宮」安享天年?

仲有一樣,就係屋苑高層地下(UG/F),要24小時開放一條公眾免費行人通道,以方便公眾人士步行通過兩條(分別接駁現有行人天橋及接駁奧海城)全天候行人天橋。以後呢條行人通道必定24小時都人來人往,果然係「據5大港鐵站、西九龍核心黃金圈」嘅 西九黃金圈地標皇宮。

23 則留言:

匿名 說...

老人院? 唔係咁攪笑呀?

司機 說...

司機:去邊?
客:帝峰 (停一停) 皇殿丫唔該....
司機:閻王殿?

匿名 說...

我反而覺得在一個車水馬龍的地方改一個這樣的英文樓名更為諷刺。
(註︰Hermitage的意思為僻靜居所)

Pochi 說...

信和唔多想大家當佢係奧運站盤. 睇過本「豪宅王」內既廣告,
佢想昆班同胞話係鄰近柯士甸站

匿名 說...

林燕妮:

「........還有在佐敦區的凱旋門諸如此類,數不勝數。也許不久會有幢叫做「巴黎鐵塔」的在深水埗, 「凡爾賽宮」在筲箕灣, 「羅浮宮」在廟街。遊客一定會詫異是不是弄錯了國家,他們不會明白本地和內地客的無知而虛榮的心態。至於地產公司,每家的真正寶號都只有一個,叫做「我在搶錢」。」

Bearead 說...

"答案係發展商及地產經紀都必定隻字不提嘅......「安老院舍」!"

唔通唱通街同D客 sell 帝峰有個「安老.皇殿」咩!

匿名 說...

安老院舍總好過弱智院舍或精神病康復中心, 遑論愛滋病治療診所.

匿名 說...

ELEMENTS 好似都有........停車場/政府設施

匿名 說...

點解開安老院舍有問題? 難怪人心不古, 唔通大家都想英年早逝, 唔駛終老? 嫌三嫌四既人係咪應該試下自食其果?

匿名 說...

發展商有隱瞞係一件事, 但安老院舍又唔係乜野特別野, 唔講都得啦

匿名 說...

安老院舍? 唔怪得唔出聲啦.

依馬打 說...

請教:你點知係安老院舍?

金剛3號 說...

依馬打,

又唔聽書.....

"想知私人皇宮基座2及3樓嘅規劃中,究竟可以有乜政府設施。咁就要揭開本樓書第11項有關「公共設施」一欄睇睇。"

"大角咀皇宮屋苑基座嘅 2及3樓,每層之中有約1/4樓面必須根據賣地條件興建一座安老院舍,並在2010年9月30日或之前完成及入伙。"

匿名 說...

我對各位看不過眼樓價不斷上升的人(即眼紅)的意見:(1)應在一兩個月後小幅調整後入市;或(2)幾年內不要買樓更不要看樓市新聞,等待樓市大牛市後的熊市(該是好幾年後)入市。各位須知:目前經濟一般,但樓市仍大升,這代表什末?代表供應極度嚴重不足,而潛在需求確極大(包括各位,和很多很多這幾年結婚後仍租樓和生孩子仍不搬大點單位的人等等),一旦經濟真正好轉,如美國走出穀底,還得了!!樓市的3期大牛市肯定會非常壯觀,目前不買不是不可以,但千萬不要像過去樓市股市在大爆破前才入市就好了。說是容易,但到時候那種爆升,賺錢的容易,如放煙花般的璨蘭的誘惑,是大部分人都無法坑拒的,不然,為什末投資市場幾百年來都有迴圈。請各位謹記。

匿名 說...

目前經濟狀況不明, 息口低迷, 資金充裕, 內資湧入, 美元下跌, 人民幣升值, 政府與地產商勾結, 樓宇供應短缺, 新樓價格高昂, 二手樓價有很大的上升壓力, 有能力的人現在應該立即入市, 目標是樓齡大約十至二十年的樓宇, 千萬不要買新樓或豪宅.

瞎子 說...

我相信馬沙兄係講緊樓宇質素,唔係買唔買得起眼紅唔眼紅嘅問題。

一對比其他城市如新加坡甚至國內,香港新樓明顯唔係比人住,係比人炒,所以先有咁多「豪」稱,咁多x皇宮,咁多gimmicks。

可惜太多人分唔清買樓自住同買樓投資投機嘅分別。

始終香港羊太多,永遠為牧羊人而生,任人魚肉。辛辛苦苦賺埋嘅錢比人一刀割走晒。

匿名 說...

大角錐皇宮附近臭氣勁猛!!!住客永不要打開窗!!!

匿名 說...

在今日賣地前數日, 政府突然又推出所謂三招十四式, 意欲何為? 為納稅人少交薪俸稅謀劃? 為政府庫房著想? 還是, 為地產商平價買地鋪路? 今日快將揭曉.

Frostig 說...

帝峰 (停一停) 皇殿?

Should be 帝峰 dot 皇殿!!! :-P

(I also thought of it and 'laugh until rofl'~~~)

匿名 說...

管理費好貴

匿名 說...

I enjoyed reading your blog. Keep it that way.

匿名 說...

"目前經濟狀況不明, 息口低迷, 資金充裕, 內資湧入, 美元下跌, 人民幣升值, 政府與地產商勾結, 樓宇供應短缺, 新樓價格高昂, 二手樓價有很大的上升壓力, 有能力的人現在應該立即入市, 目標是樓齡大約十至二十年的樓宇, 千萬不要買新樓或豪宅."

聽完當奴今早的施政報告, 大家有沒有後悔不一早入市買樓呢?

c.down 說...

早幾日 去了朋友 西9 新屋 ( 帝瘋 ) , 大堂 果然 好 高檔 , 歐陸式 花園 , 入住率 ... 企係 街外 都知咩事 ,
入到屋參觀 ....omg....... 900幾萬 700呎 單位 , 只有 400呎 左右 ge 樓 (比多佢) 真係諗都冇諗過 ...咁細
個廳 我諗都有 130-150呎 , 樓底好高 ....呢樣好正 , kitchen ..又係好細 , 同厠所 咁上下大
我 fd 2公婆 一間房 , 2個小朋友 + 個工人姐姐 同一間房 , 突然感覺 ...佢地住緊間籠屋 , 不過 是一間 千萬籠屋
實用率 ....真係 細到冇人有 , 都唔知 ....有冇6成

樓下 個 club house , 花園 ..公共空間 ...我諗佔左 20%樓價,

有些單位 建築面積 得 390呎 , 實用 咪細到好似間套房 ?

雖然 ....住呢度 面上 會貼了 金 , 但 ....住 ge 面積 實在 不合理