星期四, 11月 16, 2017

<女人>

昨天喺一個會計師谷上面,有人開題問:「史上最難理解的生物是什麼?」

絕大部分男人都答係「女人」,就連一眾女會計師也表示認同。

其實女人有乜咁難了解?

老老豆豆,容許小弟為女人説兩句。其實絕大多數嘅女人,根本上並無要求自己男人去完全理解自己,何解?

因為大多數嘅女人,有時連自己都不太理解自己。女人想要嘅,不外乎身邊男人懂得縱容她天生「善變」呢個特質!

假若有男人經常掛在口邊(通常向身邊女性講),話自己女人結婚後或生小朋友後變得難以理解。我幾乎可以肯定,呢啲男人係想為自己偷跳(或想出去偷跳)找借口。

女人其實有幾難理解,尤其結咗婚又有小朋友嘅女人,佢地所有心血全部就放係小朋友及家庭上面。男人出去搵食又好,出去玩又好,只要唔好失去聯絡,見字即覆,女人就會安心。千期唔好以為女人唔信你check住你,女人只係擔心你安全而巳!

女人,好多嘢都可以忍,唯獨是天生不能跟另一女人分享自己嘅男人,男人只要緊記呢一點就夠!

沒有留言: