星期二, 3月 25, 2008

藍籌品牌

在一眾女人們心目中,有哪個品牌能與滙控(005)一樣,在這十多二十年間,一直迷倒大量粉絲對其朝拜,成為一眾品牌裡,藍籌中的藍籌?

Louis Vuitton (LV) 是也!

不管Prada於多年前曾迷倒各中環OL,幾乎人人手執一個Prada手袋,以及近年普及至社會各個階層的Gucci。

馬沙用普及一詞,絕對無用錯。不論你在中環、旺角街頭、港鐵車廂、大學及中學校園,甚至各公共屋邨,都不難找到Gucci手袋及銀包的蹤影。雖然當中有可能涉及大量A貨在於其中,但在一眾女士眼中,只有手執Gucci才能追上潮流。但不知再過多久,Gucci可能像當年Prada一樣,突然被香港女人拋棄,手執Gucci手袋等於無品味。

說回經典名牌LV,在尖沙咀的旗艦店早前正式開幕。根據報章報道,吸引近5,000名愛好者排隊搶購。情況猶如近日H股熱潮冷卻,滙控開始走強一樣。LV能成為經典,第一個原因是貴,但貴得來卻又能讓一眾OL負擔。情形有點兒像M.Benz及BMW汽車,入門版貴得來連MK仔都能負擔一樣。

可能有人說LV成功是因為其產品用料質素高,一個手袋可用上10年以上。但馬沙幾乎未曾見過一個OL,願意同一個手袋用兩年以上不換。馬沙行走中環時,不只一次在中環OL口中,聽到一個對LV的學說。

此學說就是「每個女人一生中至少要擁有一個LV」。

有一次馬沙去法國旅行,去完LV在法國的旗艦店購物後,導遊問在場人士知否LV全名點讀,竟無人能正確將Louis Vuitton讀出,真是有趣。

(3月25日刊於《am730》)

13 則留言:

匿名 說...

連名字也不懂讀卻要買,這是甚麼樣的心態。

匿名 說...

我都見過唔少月薪只有7-8千蚊的秘書仔,飯都唔食,買個過萬蚊的新款LV手袋返工威。

渣估 說...

我們也有祖國版的LV, 紅白藍袋是也!

一樣風行全球! LV 都玩過 "紅白藍版本" 呢!

匿名 說...

價值觀人人不同, 買得起與否根本與知否LV怎讀其實無抵觸. 崎視別人買得起的人之心態, 又係什麼心態呢?

Clay 說...

amy:正是如此!

買個成皮野既袋,裏面裝唔到三舊水,都唔知為乜。若虛唔明呢啲叫先敬羅衣後敬人,定打腫臉充胖子?

匿名君:若虛認為馬沙所講既係麻木追求名牌既態度,正如好多小股民買股票只問冧把連公司名都up唔出,相信閣下唔會認為話佢地既人係岐視佢地錢多掟啲落鹹水海掛?

seikomatic 說...

沙沙又講LB,

俺記得第一次倍個fan 去買先知:【乜唔系皮泥架!】

買LB真系要去歐洲,但當然法國總店除外,因為小人去果d先有 service 送,其它就系去睇面色。

貴夫人有幾多隻呀?

seikomatic 說...

PS: 去米蘭站睇下HERMES BIRKIN


300,000姐!

匿名 說...

我係女人, 唔見得一定特別喜愛LV.
個人覺得, 除非你拎個好新款, 最好香港仲未有得買既,或則我寧願用個惠康膠袋裝住d錢, 好過拎個過時的LV但無銀用.

馬沙 說...

精工大師,

"貴夫人有幾多隻呀?"

目前來說,一隻都冇!我亦只有在法國總店買過一隻比佢咁多!

我倆都認為用一千幾百銀包/手袋袋住萬幾蚊,好過用萬幾蚊銀包/手袋,但內裡永遠只得一千幾百好。

你講得冇錯,法國總店service勁差!試過一次想叫佢攞第三隻款比我睇,佢竟然話唔可以,一定要我即時在手中兩隻2揀一,我同佢講:「我唔一定要買妳D袋,我依家一個都唔買!妳食X 啦!」。掟番手中嗰兩隻比佢,即走! 簡直痴線。

匿名 說...

「我唔一定要買妳D袋,我依家一個都唔買!妳食X 啦!」。
~ 有態度,型! 我鐘意. 總算為中國人挽回d面. 咩等佢以為真係'相'礸石.
係無自信既人先至要哩d所謂名牌來充撐場面姐. 我扲個惠康袋你吹得我脹咩.....

N/A 說...

我真係好難明白點解可以平日難為自己去買一個要成個月人工既袋,品牌既魔力有時真係好難明白。

匿名 說...

心頭好邊有得好講, 就好似d人幾皮野買d相機

匿名 說...

http://fashion.about.com/cs/designers/l/blpronounce.htm

女人最好學法文讀音,唔好人講你又講。