星期四, 1月 08, 2009

信不信由你

要在投資市場賺錢,我等散戶當然希望能夠快人一步,捕捉到大戶手影乘搭順風車。不過有經驗嘅投資者都會知道,大戶特別喜歡向市場發放假消息,藉此引君入甕。但假若細心留意,有些人對市場的公開言論或行動,往往係一個對後市好壞嘅指標。

記得早前睇過蔡東豪的一篇文章,內容提到散戶千萬不要試圖跟市場上某些人對著幹。而其中一個點名提及的就係長實主席李嘉誠先生,對我個人嚟講就深表認同。遠嘅唔講,07年大牛市,香港股神四叔話炒股好過做地產,叫大家放心入市齊齊等恆指創新高,賭王又大叫恆指睇4萬點時,李嘉誠就曾經多次公開表示無論長線或短炒都有危機,並呼籲市民切忌借貸炒股。講都唔夠,仲身體力行,在07年11月2日至12月14日大幅減持集團及個人持有近35%中海集運(2866)股票。今日睇番,該股股價已從07年10月高位11.6元下跌至昨日收市1.56元,最低更曾見0.65元,其眼光真係點到你唔服。

08年又點呢? 長實在08年初,成功把握機會,在樓市高峯期把將軍澳首都出售吐現。該盤預計今年中才入伙,一手購入的買家,樓還未入住,樓價已下跌近3成。又一次見証李先生高位出貨妙技。

踏入09年只有7日,李先生昨天又帶俾市場一個重要信息。李嘉誠旗下基金以每股作價1.98至2.03元,配售20億中國銀行(3988)股份,吐現40多億元。究竟今次李先生是否再一次眼光獨到,高位出貨,真係信不信由你!

(2009年1月8日刊於《am730》)

10 則留言:

Hana 說...

啊呀!

又唔早啲貼?:(

變幻原是永恒 說...

@@賤人李昨日下午先賣...之前無人知

中產管數男 說...

所以我唔會信呢D人講野黎投資

匿名 說...

but he sold 2628 at $6 before. is he old? or 2628 don't value $6 ?

變幻原是永恒 說...

李嘉誠賣2628係個極失敗的例子, 衰過4叔多多聲. 我反而係驚賤人李的和黃會被3G拖垮...咁之仆街啦....香港唔知點死.

匿名 說...

昨日剛巧股市跌,大家便看作指標.
又無人提李生近一兩個月增持了好多貨.

匿名 說...

where can see lee bought many stocks?

阿湯 說...

永遠不要跟大手對着幹…啱聽!

立邦毅德.Alpha研究所 說...

李生之前響電視講過,金融海嘯出現,佢地評估立過形勢,要以保cash為要務,將一切project叫停,往後日子將不會有大動作。

大口仔 說...

幾時都係跟李生買賣股票好過買李生旗下的股票....