星期二, 1月 13, 2009

擘大眼講大話

二百多家上市公司,反對延長董事禁售期的新修訂,越演越激烈。雖然港交所最終堅持決定,只應允將措施押後3個月執行,但上市公司及一眾大孖沙是否就此坐以待斃呢?我看就未必!看來4月前必定有連番挑戰港交所威信的好戲上演,我就已經買定幾包花生等睇戲。

有港交所上市委員就話,上述新修訂可有效打擊內幕交易,保障投資者利益。個人認為,如果世上所有投資者都嚴守條例,目前的條例本來就已經足夠。反而有關監管機構,有必要修訂現行執法程序。點解咁講,因為近十多年來,有關監管機構就內幕交易檢控大老虎的數目屈指可數。

如果市場沒有大老虎的存在,又何需修例。所以,若監管機構想順利在4月執行新例,有必要在4月前捉番幾隻大老虎,證明新修訂案有其逼切性。

如果新修訂案真的如期執行,各上市公司董事要將禁售期縮短,唯一的方法就只有盡快將公司業績向市場公佈。要盡早公布公司業績,就有賴公司核數師幫手。

有中小型上市公司主事人就話,好多時業績拖延至近限期才公布係身不由己,因四大會計師行要先照顧藍籌公司等大客的核數工作。

目前四大會計師行佔香港上市公司核數師的份額超過70%。不過,近日四大會計師行強調不會「先做大客生意」。但凡有做過生意嘅人當知,「先做大客生意」絕對係一個營商硬道理,話自己對大小客戶一視同仁嘅,肯定係擘大眼講大話。

(2009年1月13日刊於《am730》)

8 則留言:

Betty 說...

逼科D野, 由文字到数字, 都系信唔过.

C.M. 說...

馬沙兄:

真係拍掌!

逼科強調不會「先做大客生意」。我信架。佢地之不過會先做「完」大客生意丫嘛。(你地班細行... 做緊架啦!)

若缺齋老人 說...

EDPK話"We Care Our Staffs' Balance of Life..."(Something like that)...EDPK話!

中產管數男 說...

我昨先CALL水記既AUDITORS希望佢地早D落黎,佢即刻話要做左其他大客先,吹脹...

匿名 說...

家下細 firm 係咪好難做?

中產管數男 說...

家下細 firm 係好很難做

匿名 說...

Don't take the statement from "big 4" seriously..... it's just a joke! "先做大客生意" is a universial truth. Ronald Kung has said it in a TV program too.

阿湯 說...

馬沙兄,講得好!
真係好想有人check番班演員所講過的唔準預測!