上文提到,馬沙對最近火熱嘅樓市越來越檐心。理由係政府早前已經試圖利用口術,再加所謂行政手段「九招十ニ式 」去撲火,但樓市不但未有因此而降溫,在高價賣地後更如火上加油,多區呎價再下一城,更已有多個大型屋苑如太古城呎價超越97。
有人話好多地區跟97價仍有距離,所以未算泡沫。但問題係97距今已經13年,若計入13年物業折舊及將要面對的維修成本,其實好多比較高齡嘅大型屋苑,例如太古城、美孚、德福及淘大等等,個人認為現呎價以經超越97價。試問13年前(97時)已經30年的物業高峰賣$7,000一呎,今日43年樓仲值$7,000一呎嗎? 位處傳統豪宅區及極具發展商收購價值的物業可能可以除外。
另外,馬沙近月亦留意到越來越多「本來無想過要置業」、「本來未準備好置業」、「從未試過炒樓」及「本來無想過買樓收租」人士,突然四出睇樓,仲越睇越貴,好似啲樓唔駛錢咁。佢地突然趕住買樓,心態不外乎兩個。第一係啲樓越升越有,依家唔買,遲啲驚買唔到。第ニ係趁樓價仲未見頂,反正啲錢放係銀行又無息收,倒不如加入炒樓,或是買樓收租,一兩年後樓價升三兩成,再放出財息兼收。
實際例子,另文再講!
7 則留言:
曹仁超有云: 有智慧不如趁勢.
部份唐樓創九七新高
部份意見並不同意。
買樓最大的成本是地價，不是樓宇本身。十多年來地價愈來愈貴，尤其市區土地。至於樓宇，雖然鋼筋水泥升了，但可以改用內地預製組件。問過本地某大地產商的核數師，十多年來的建築成本仍是千多元一呎(用料已不錯)，相比近萬元市區地價，你話呢？
癲價居屋, 呎價貴過6000元
富榮花園 8座 7樓 C室 07/06/2010 $419萬 694呎 $6030
全港樓市進入癲價狀態，港島東龍頭屋苑鰂魚涌太古城，兩房單位呎價更首度突破 1萬元，為屋苑歷來最貴兩房戶。
太古城舊到咁,都唔知有乜好住,又唔係平。
It is possible that the above commenter has never visited thye flats in 太古城......
Yes, it IS old, but it is better than at least 99% of less-than-five-year-old housing estates!
Ha.
But well, it IS too expensive now. :-(
發佈留言