星期六, 7月 28, 2012

好文共賞 (二)

非常值得港人深思的一篇網上留言.........


作者:  洛克
我認為人對任何事物既判斷, 應該係用持平求實既態度進行獨立思考, 先係人類文明既表現,但多數人總是用自己既價值觀為好壞標準, 去判斷其他人既價值觀,如自己覺得國家唔好, 見到其他人唱好國家, 就等於被洗腦 ? 

有無諗過自己既價值觀, 都可能係被其他信息渠道洗出來 ?
情無絕對好壞, 永遠係好中有壞, 壞中有好, 即使個人, 組織, 國家都是一樣,如果你係為下一代細路好, 唔單止係提供全面教育, 仲要多元化, 先可以培養出獨立思考既細路出來,唔係你自己覺得咩係好就係好, 世事沒有壞, 人係不知什麼是好,當你自以為是地認為教細路, 只應該教你認為係好既好, 那你只不過在進行另一套洗腦教育而已。

我細路果時係讀天主教學校, 日日都要被迫唱完歌, 先可以上堂, 又唔見我大個做左教徒 ?

係現在處於全球化, 網絡化的時代下, 單靠一門學科及幾本手冊就想達致洗腦效果, 根本就係笑話,只要接收多元化信息渠道越多, 人就越難被洗腦, 人就會懂得思考真偽,得閒上下天涯果D論壇睇, 佢地班人個個從小都接受國民教育, 咪一樣成日暗"小"毛煮直,連同胞都洗唔到, 你竟然怕港人會被幾本手冊洗腦 ?

其實港人似被傳媒霸權洗腦多D......

12 則留言:

hkeric 說...

//我細路果時係讀天主教學校, 日日都要被迫唱完歌, 先可以上堂, 又唔見我大個做左教徒 ?

90%已被洗腦

全知全能的神,有能力去救人但不救,是不是善呢?

方潤 說...

這段文字沒甚麼新意,而且見樹不見林。

我同意的一點是,如果我們把「洗腦」定義為「人人愛國愛黨」,那麼在現代社會,洗腦是絕不容易的。雖然會有人被洗腦但未必是多數。
(其實這點也很難說,看看北京奧運時香港的支持者遇上示威者,就可以見到那種激情可以激到哪地步。)

問題是所謂的「洗腦」並不只是在這個層次。所謂國民教育的最陰險之處,在於透過官方在學校訂立一套「愛國」標準,而這套標準是虛偽到極,而教學內容亦是(理論上人所共知﹖)假到無倫。
在這一種情況下,學生學會的是,對這些「政治」議題不需要認真,在公眾場合假扮愛國蒙混過關,對現實政治抱持犬儒的態度敬而遠之就可以(「政黨惡鬥人民當災」喎)。這樣的狀態對當權者最有好處。

當然,講到犬儒現在一樣有。不過在「課程中」鼓勵這種思維,卻是必須制止。

魔術師 說...

//在這一種情況下,學生學會的是,對這些「政治」議題不需要認真,在公眾場合假扮愛國蒙混過關,對現實政治抱持犬儒的態度敬而遠之就可以(「政黨惡鬥人民當災」喎)。這樣的狀態對當權者最有好處。

很好笑呢... 香港人不是一直都是這樣的嗎?

學生找補習天王,背模範答案,答考試要答的答案,不用理解書本後的知識,只求分數,這虛不虛偽,犬不犬儒?

成年人在職場上要看上司眉頭眼額,揣摩上意,不要得罪人,做個世界仔,這虛不虛偽,犬不犬儒?

你有獨立思考,有自己的價值觀,在香港在一定會落得曲高和寡的下場,因為你一定會跟某些看不上眼的人和事絕緣,做不成「世界仔」.

依家班家長出來哇哇叫,依家係要建立一個天堂俾班細路嗎?

根本香港的氛圍就不鼓勵獨立思考,鼓勵一模一樣(conform to norm)的人,廣義來說,就是「鼓勵洗腦」.

方潤 說...

上面﹕即是一件污、兩件穢,所以三五七件冇所謂。完。

匿名 說...

國民教育其中一個後果(或效果)是令得大群年青人產生對國家不足之处要寬容的信念.

匿名 說...

馬沙兄我補上一篇糟大既

是日也 (28/7), 晚飯無餸無聊, 随手捎了份「男組」來送飯, 見到 Alex Lo 嘅 My Take 「賣剔」講依家風頭火勢嘅「角聞較肉」, 甚有趣 :

Pot calls kettle black in education row

大意是, Lo 作為家長, 認為「角肉」嘥時間, 不過如果話「角肉」係洗腦, 咁好多其他嘢都亦應作如是觀. 好似反「角肉」反「洗腦」猛將阿陳樞機主教, 自己又點睇教廷自小灌輸冇憑冇據嘅「死後復活」、各種「神跡」、上帝 6 日創造天地等等宗教概念 ? 算唔算洗腦 ?

阿陳樞機主教反對推崇「一黨專政」, 咁阿 Lo 又問佢點睇教廷多年來打壓異已、將四大洲嘅神職人員孌童惡行臭屎密冚 ? 同佢指罵嘅人本質上 有乜分別 ?

睇到我 Kaka大笑 . Bravo ! The pot calling the kettle black, 有口話人冇口話自己, 信焉.

好多反對「角肉」嘅人, 將之評為「擋角不分」, 其實佢地自己亦犯上同一毛病. 你可以反對吹捧「共鏟擋」嘅教育, 但點解唔可以打蛇随棍上, 讓下一代可以藉住「角聞較肉」去認識、批判從而完善自己國家 ?

早兩日聽電台, 有個聽眾質疑點解要幼稚園教晝國旗, 又建議 Daddy Mammy 帶小朋友去睇下升旗禮 ? . 當主持人反問佢, 喂 ! 雖然未必係幼稚園咁早, 但英美各國學校都係有教尐咁嘅嘢個喎 ! 個聽眾回曰「係咩 ? 係咩 ? 」可能佢真係唔知都未定. 不過在下可以人頭搏竽頭, 有朝一日佢申請移民外國, 人地要佢考當地國民教育試 ( eg : UK ) , 考佢唱外國國歌, 佢又一定甘之如飴.

前朝高官陳四萬, 又出黎話「角聞較肉」冇必要, 誰不知佢自己就係人辨, 當年笑笑口將釣魚台稱之為「尖閣列島」就係佢. 如果當年佢老板港督將 Falklands 稱之為 Malvinas, 一早俾倫敦炒魷.

最初宣傳「角肉」, 非常低手 , 俾人食住上, 活該 ! 如果揾 XXX 高手 諸君炮製教材, 相信结果會不一樣 .

匿名 說...

要求儘快立法禁止一切與內地交流、訪問、觀光、貿易,等等洗腦活動!

魔術師 說...

方潤:請你理性思考一下,現在香港社會的氛圍就是成年人、家長們所建立的,佢地就係最鍾意「洗腦」盲從,人人跟大隊,人發達你發達,人錯自己都錯又唔會樣衰;凡事不要問,只要信,人地做自己就做;無謂把持己見得罪別人,牙齒印多好難「搵食」架!

看,到最後,就係「搵食」大哂。

而家忽然同人講要獨立思考,反洗腦?「覺今是而昨非」嗎?

你話「一件污、兩件穢,所以三五七件冇所謂」,我並唔係咁嘅意思。出身風塵的女子也可以從良的,一樣受人尊敬;但「又做婊子,又要起貞節牌坊」,那就未免太過份。

匿名 說...

國民教育就是洗腦教育, 洗腦能否得逞, 視乎許多因素, 比如說, 在小學洗腦比在中學洗腦較有成效, 因為小孩子思想單純, 先入為主的訊息日後較難改變; 在左派學校進行洗腦, 成效亦會較高; 由官方訂下指引, 再探取差別式資助手法, 洗腦方向明確, 具權威性, 學校及老師較難陽奉陰違, 洗腦的成績會有更大保證.

匿名 說...

魔術師,是那個伊謝爾倫的魔術師嗎?
但為沒有了解楊為何反對愛國騎士團之流?
現在那批高官叫人去學國民教育,但他們的子女一輩卻在外地留學? 這與同盟政府內高唱戰爭愛國,但子女卻留在大後方的高官有甚麼分別?
或許有很多人不明白,我在說甚麼,但我想身為魔術師的,會明白。
假如你認為我說的在現實中的香港太過理想,那你為何又用伊謝爾倫的魔術師這個名稱呢?

魔術師 說...

樓上的匿名,看來你要讀多兩遍《銀英傳》了。

同盟官員知道打仗會死人,所以只躲在大後方叫市民去送死;但係你又點證明香港有幾多高官子女去外國留學,是為了逃避「國民教育」?抑或佢地係一早已經預定了送子女出去?如果香港市民唔服,可以反建議所有香港人,其子女必要修讀國民教育,於外國留學者亦需完成遙距課程,如何?

如果香港政府官員係特留尼西特,咁現在的反對派就是救國軍事會議,兩者都咁爛,一樣係有佢講無人講。

但現實係,香港不是海尼森,只是見錢開眼的費沙而已。

我的理想,在我心中;我沒有楊的勇氣,不敢站在陣前跟帝國對抗,但我仍會身體力行,克盡本份去做應做的事。

請參閱:
http://magician__yang.mysinablog.com/index.php?op=ViewArticle&articleId=3645088

匿名 說...

高官紛紛送子女去外國留學, 當然不一定是為了逃避國民教育, 過去十多年推行的教改措施, 單是其中一兩項, 例如母語教學, 已是足夠的理由送他們的子女出國; 對他們來說, 國民教育充其量祇是火上加添的幾滴油而已. 基本上, 任何教育方面的改革, 高官們都沒有切膚的感受, 只有平民百姓及少數直選立法會議員才有.