星期日, 2月 11, 2007

無所事事

今天愛妻舊同事結婚去飲,兒子又去咗嫲嫲家,晚上獨剩馬沙一人無所事事。

今早返完教會,與夫人帶同兒子去買過年新裝,最後買咗對很靚的新鞋仔。回家後跟他玩了一個下午,待他睡覺後就準備為 am730 寫稿。

馬沙星期日習慣寫稿前先到家中會所看報找靈感,閱報途中,聽到很強勁音樂,出外視察,竟發現入伙 3 年都冇人用的會所 Band 房竟有 3 個外國人在夾Band,真想一起玩。昨天先在 CK 兄博客留言,因聽咗 CK 兄彈琴,攞返支電結它出來,但很久冇玩,要找返個 Effector 出來 tune 返好佢。好!今晚一定要 tune 返好佢玩玩。

回家後即播返 X-Japan 1992 年演唱會 DVD,一路睇一路寫稿,其中一段 Piano Solo,真係好型,即想到 CK 兄是否正在彈琴。又想起偶像黃貫中曾講過在香港玩音樂,尤其 Rock & Roll, 即是等死...唉......

寫完稿,一條友去食牛什麵,吃完後無所事事,叫了杯 Stella 啤酒,一路飲一路寫此文,又想起渣估兄果篇輕狂歲月。不過人大了,有妻有兒有工作,仲想點?

現在一路聽 Cantate Domino (黑教堂) 隻 SACD,等夫人回家一起祈禱,可算極快樂及感恩。

愛心提示: 情人節快到,今年很貴及很難 book,大家要快....

各位,晚安!!

19 則留言:

排骨城城主 說...

好羡慕!有如此閒情逸緻,返教會、逗兒子、玩吉他、寫下稿,最難得係擁有一個人的浪漫,人生幾何……

渣估 說...

我都冇「輕狂歲月」好耐了。
老渣已從良多年, 周末睇書聽歌、焚香誦經度日。

馬迷 說...

如果馬沙好似渣估咁未拍拖就好啦.....

年青專業人仕,愛家庭,會tum老婆,又返教會,寫稿,又浪漫.....仲玩吉他....點解我教會冇如此好男人?

滅絕師太 說...

現今在香港搵好男人,像和內地零團費遊客同場吃自助餐一樣,是要搶的!

渣估fans 說...

馬沙同渣估兩個各有不同,一個乖,一個壞,一個浪漫,一個輕狂,各走極端.

如馬沙是君子劍,渣估就是狂刀. 一柔一剛,互相輝影.

論刀定劍才是天下第一神兵,實各有所長.

馬迷 說...

滅絕師太,
我個教會女多男少,要搶都冇得搶.
識到一個好似馬沙咁就好,年青才俊又係基督徒,我個教會少之又少.....其實我都幾靚,但要找基督徒男友係好難.

PS: 我好同意渣估fans講馬沙是君子劍

Gideon 說...

我同意渣估是狂刀﹗雖然收刀多年但漫不經意都會殺死一兩件學生妹哈哈

ak 說...

馬沙兄,

噚日AK無聊地一個人係中童吧,一路飲住black label,一路睇娜姐隻Confession Tour DVD...

溫馨提示:如果今日先睇度馬沙兄既愛心提示,你可以放棄做任何Booking了...基本上無可能成功...花d心思諗d唔使Book既方法罷了...

馬沙 說...

ak兄:
唔好咁快叫人放棄好喎!

愛心提示:
半島酒店 Lobby 餐廳仲有極小量坐位. 雖然兩款主菜唔好食.

另迪士尼其中一間酒店還有位!

一字記之曰: 快...

Mimi 說...

我咁大個女都未去過半島酒店食飯,好羡慕馬夫人.

茶花女 說...

唔好話入去半島酒店食飯,小女子連入去半島酒店都有點怕.

如果我男朋友未Book到又睇到馬沙呢個愛心提示就好啦!

一個未有女友的會計員 說...

D人成日話會計師又忙又悶,查實我地好鬼忙.

點解馬兄可以有時間返教會、逗兒子、玩吉他、寫稿.....仲有時間安排情人節tum 老婆.

唔通真係用盡24小時?

CK 說...

依?呢個時候拎返支結他出黎,星期三可能大派用場喎!

祝你有個預快的情人節。

馬沙 說...

CK兄,

我呢,唔係好識彈情歌,我愛Rock & Roll!
冇乜比較Rock的情歌,情歌還是用琴好D!

查實我只係用過佢同夫人一起唱詩歌,仲要冇插電 ^_^

敏兒 說...

睇咗呢個Blog好耐,忍唔住留言.

都唔明我永遠都遇唔到馬沙及CK這些香港絕種男人. 如果你兩個都高大威猛就不得了.

我都幾羡慕馬沙夫人.

Bidazz 說...

Queen既i was born to love you絕對可以用電他彈,不過激左少少!

rmit 說...

有為做會計的人問,大家都係做會計,點解馬沙兄可以咁多時間做其他野?因為馬沙兄已上岸,佢係高層,高層可以比晒d野下屬去做....

馬沙 說...

rmit,

講你都未必信,我幾乎每晚都是最後一個離開公司的人.

seikomatic 說...

Cantate Domino 隻碟始終聽唔晒。