星期三, 2月 28, 2007

飲茶禮節

星期一馬沙寫了一篇關於收取利是的基本禮貌,收到很多讀者電郵及網友回覆,馬沙今天想再淺談另一禮節。

從前香港人假日很喜歡一家大小到酒樓飲茶,不知現今的年輕人是因熱愛快餐,還是父母很少帶他們到酒樓飲茶的緣故,馬沙發覺現今很多已出來社會做事的年輕人都不懂飲茶的傳統禮節。

每次節日前夕,馬沙的公司都會請一眾同事到酒樓飲茶午膳。經過多次觀察所得,馬沙發覺很多年輕同事,一坐下便忙着跟鄰坐同事談天說地或是忙着講手提電話。不但沒有主動為老闆或同事斟茶,更甚的是當老闆或同事為其斟茶時,繼續各有各忙,連「唔該」都冇一句,就像為他們斟茶是應份的事。

剛過去的年廿九,馬沙及鄰坐的合伙人便不停輪流為整桌各同事斟茶,合伙人事後亦為此嘆息。

要講斟茶禮節,首先要講坐下第一杯茶,「後輩為各長輩斟,下級為各上級斟,主家為各客人斟」為之有禮。給人斟茶時千萬別倒得太滿,正所謂「酒滿敬人,茶滿欺人」。給整桌的人斟茶,要從左邊順時針斟起,到了反手時,換手再斟,因反手斟茶是不禮貌的表現。

第二,有人給你斟茶時,要行「叩手茶禮」。「叩手茶禮」即以指叩桌面也。但必要謹記長輩給你斟茶,不能用單指叩桌面,要用雙指。至於「叩手茶禮」及如需添水,應「自揭壺蓋」的典故,因篇幅所限,另文再談。

(2月28日刊於《am730》)

12 則留言:

不敗的魔術師 說...

中學應用教返「幼學瓊林」

不過,家長都唔教,係咪即係無家教?

杜B 說...

兩個典故都有幸聽過... 哈哈

不過有時反而見到D同事係又斟唔係又斟,明明隻手都唔夠長係都要隊個壺埋去,我覺得係弄巧反拙

小陳二 說...

斟茶我都會做, 分條魚真係唔識點攪

BilDub 說...

我以為這些都是基本的禮節。看你花了這些篇幅所述, 那餐茶想必很不是味兒了。

馬沙 說...

冇錯,小沙今次同星期一講的都是基本的禮節,但偏偏很多年輕人就是不懂!

或者他們識但不願意做!

小沙有時會提醍身邊年輕人,但他們的回應通常是:「我都識啦! 咁啱今次冇做/講之嘛!」

若缺齋老人 說...

嘿,我可能都係老一輩人,慣左斟茶斟到手軟。

不過要老細郁手仲要唔該都冇聲,絕對係找死行為。

沙佬 說...

家教問題.
自細教起,自然識得自動自覺做.
長大才學,識都唔記得做.

匿名 說...

叩手茶禮可能續漸式微啦,講句唔該就可以啦
而家d禮節,係越來越簡化,時代唔同,禮節都隨時代轉變

匿名 說...

叩手茶禮都識ga,
不過左邊開始斟茶就真係唔多知~
唔可以斟咁滿都知~
斟茶比上司都會做~
未知我25歲~ 算唔算老呢...^^

不過學多左o野, 多謝!

雷文 說...

小弟也曾聽過, 單身用單指, 已婚用雙指叩手, 那個才是真呢?

利奧弟 說...

叩手係茶禮,我讀咗咁多年書都唔知添,
多謝你馬沙!

Bill 說...

夾餸用公筷!
乞痴excuse me!