星期三, 2月 07, 2007

做個朋友

馬沙上星期同一班好友飯局,席間大家都慨嘆很難在工作地方找到交心朋友。對於已在職埸打滾近 20 年的馬沙,確有一些體會。

馬沙處理人際關係算是不錯,每一份工作幾乎同所有同事打成一片。可是要數交心朋友,卻十隻手指可以數完,而大部分都是一起在低級職位中打拚的舊同事。

對於在職超過 10 年的朋友,您在職場中交到多少真心朋友呢?

如果您現在剛踏進社會, 馬沙希望您能珍惜現在美好時刻,理由是當大家踏入社會,與世無爭,同級同事互相提點及學習,有如在校園一樣。但當大家在職場中吸取多年經驗後,當大家努力爭取上位的同時,其實有如在戰場,同事之間的關係已在不知不覺間變化。有時對你非常要好的朋友,可能只是看中您能幫他上位。

馬沙聽過朋友被同事出賣的故事無數,但多年前親身經歷卻至為經典。

話說數年前在馬沙舊公司,經理 B 在人前人後都讚賞職員 K 的工作能力,兩人關係亦師亦友,職員 K 更曾私下同馬沙表示非常尊敬經理 B。可是,當年經濟不景,老闆決定裁員,召開高層會議,要馬沙及經理們交人,正當馬沙及其他經理們苦思時,經理 B 竟打破沉默,交出職員 K,並即時指出職員 K 工作能力唔掂,馬沙幾乎不信自己眼前所見。因此,職員 K 成為該次裁走的一員。

正所謂「害人之心不可有,防人之心不可無」,能在職埸找到交心朋友,實是一份天大的福氣。

(2月7日刊於《am730》)

13 則留言:

匿名 說...

我是首次留言的。 絕對贊成你的看法,當在企業內爬得越高,處事亦要更小心,真心朋友也越少。

H.

波子 說...

其他人見到經理B 這樣做肯定不齒與佢為伍。而且一定有人轉告K。
辦公室是都市人的戰場!

匿名 說...

在工作?找真朋友? 我試過, 但受傷收場, 重俾人笑天真. 最好關係的會係頭幾份工的同事, 之後, 人長大了, 很多東西也是私隱, 還有無可避免的競爭, 座你隔離?個除時同你爭同一個位.

謝斯柏賀維士 說...

睇完呢篇文,我即刻想起
Eason 的 "最佳損友"
人越多,真心交到朋友就越難?
其實是利害關系越來越複雜吧 :)

歐布利昂堡的白酒 說...

馬沙,你可唔可以教我點樣放埋你個blog o既link o係我個log度呀 ?

馬沙 說...

白酒兄,

已在你那地盤留言,不過最好找電腦人問一問,做錯了好大煲!!

歐布利昂堡的白酒 說...

haha, 我自己都係摸下摸下咁, 竟然整到喎, hahaha 不過你識唔識點可以將成棚野放o係右邊呀?

歐布利昂堡的白酒 說...

係喎係喎, 唔該晒呀

馬沙 說...

Select another format/layout!!

歐布利昂堡的白酒 說...

hahahaha
thanks a lot ar, sorry for troubling you~~~~~
你快d加埋我啦~~
haha~~

若缺齋老人 說...

歐布利昂堡的白酒:

講開,小弟有幾個function想用但搞唔掂(電腦白痴),請問點搞呀~ @_@

1) 每個帖只顯示少少,click入去先睇到全文;
2) 友好連結;
3) 留言list。

歐布利昂堡的白酒 說...

其實我都唔係好識
不過我識整友好連結

你o係版面設定度搵個建立連結啦
然後就自己打個名叫"友好連結"
跟住入你要入ger blog ger URL
再幫佢改埋名就得架喇~~~

其他我都唔係好知呀, sorry 呀~~
不過你試下按下啦, 我都自己摸 hahaha

馬迷 說...

馬莎你係會計師來o架...?