星期一, 2月 12, 2007

滙豐會瘋

曾是本港股民摯愛的滙控 (005),上周四首次發出盈利警告,提早向市場預告去年美國「滙豐融資」所需作出的樓按撥備會比各大行原先估計多出 20% 至 105 億美元。雖然滙控這幾年經常跑輸大市,但此股仍是馬沙摯愛,上年尾清倉時最捨不得沽出的是持有多年的滙控。

馬沙上周四開市前從電視知道該消息,先是十分高興,誠因壞消息早已是馬沙預算之內,所以馬沙一向叫想買滙控作長線投資的朋友等其試穿130元才好買入三分一,下試次一級120元才全情投入。

但想深一層,馬沙其實又不大願意見到滙控發出該盈警,事緣各大行都低估其北美業務的影響,若沒有該盈警,下月初公布業績可能更加震撼,讓我能更早建立新倉。

另一點馬沙想指出的是為何大部分大行都低估北美的業績呢? 照計很多大行本身為美資機構,理應一早預見北美情況不樂觀,是否別有用心,就要股民自己估計。

正如馬沙早前在文章中指出各中資股在 3 月公布業績後大市應該出現較大調整,而該調整幾乎肯定由中移動 (941) 及滙控帶動,持有此兩股者必須有所準備。

最後,馬沙想向各滙控粉絲預告滙控業績除盈警中提及的樓按撥備大增外,還有另一令市場感到更震撼的項目,就是隨着美國「滙豐融資」業績變壞,可能要根據新會計準則為當年收購美國「滙豐融資」作出之商譽減值 (Goodwill Impairment)。看來近年難得一見能在非常低位買入滙控的機會就來了。

(2月12日刊於《am730》)

12 則留言:

長線投資者 說...

馬沙兄:

滙控真係會試穿130元?
如果係就好. 我信你,再等多個月至入.

James 說...

沒辦法同意,滙控現價格合理,隨時買入都沒有問題。市場波動大可不必理會。

pakman 說...

i agree... March results announcement should be a good time to buy IF, and a very very big IF, they get all the N American related costs out of the way once and for all.

They should take a HUGE charge. Just take it.

Then if they over estimated the default rate, they can always add it back into their bottom line later.

Shuen

若缺齋老人 說...
此留言已被作者移除。
若缺齋老人 說...

馬老,題外話,睇左肥佬龔本「會計界12笑話大全」未?

馬沙 說...

若缺齋老人:

都冇叫我一齊寫,梗係唔買啦.....去打吓書釘先.....

我的第13個笑話....."香港會計界本身就是大笑話"!!

馬沙 說...

柏文兄,
我都係咁想,最好做埋商譽減值 (Goodwill Impairment),有咁多得咁多就最好!

hongkongpotato 說...

馬沙兄

做股價預測,可能吃力不討好啊!

至於有無GOODWILL IMPAIRMENT,佢地自己都要計一大輪數先可以得出黎。不過,近排班管理層成日比人嘈,RECOVERABLE VALUE等咁"主觀"既數字,可能會用"樂觀"既態度去面對。。。。

洛克 說...

除非滙控撥備俾比想像中還多, 如果唔係, 跌唔到幾多,

反之因其他突發原因導致滙控下跌機會會大好多.

Cory 說...

所以要等待一個美國經濟轉弱既信號, 首當其衝會係匯豐(變左美國股XD).......

小弟預計9月附近, 即HSI 最後一次調整前後, 有好野睇.......

730讀者 說...

馬沙兄,
我支持你,自後用新會計準則後,根本冇乜人會想到一旦要做 Goodwill Impairment 時所帶來的威力.

會計仔 說...

識會計既人一早預左, 我反而唔想佢一野出哂,陰下陰下先會跌, 因為有更差既預期, 如果壞消息出盡對市場心態反而是好事, 就好似股權分置成本唔會令股價插水一樣。