星期三, 2月 14, 2007

浪漫維港

每年情人節馬沙都很怕在當天早上乘搭地鐵,因本來已非常人多的車廂還要加上大量鮮花,一不小心被花插眼,晚上就見不到情人。

情人節對花店來說,可能是一年裡最好生意的一天,當然不敢怠慢,唔知今年又有甚麼特色花款。記得有一年情人節不幸地落在假日,花店即減少大量生意,因大部分花都是送到各女士上班地點,遇上假日都咪話唔慘。

除了送花,跟情人共進晚餐當然少不了。今年十分好彩,若果過兩三天才情人節,各人要回家團年,餐廳便要少做很多生意。不知今年是否經濟大幅改善,馬沙發覺很多餐廳及酒店已經沒有為我等男士提供優惠。昨天聽新聞,很多店舖老闆都話今年多數人都不介意付出多一點錢買花及享用情人節晚餐。

馬沙早兩星期親身見證各餐廳及酒店的預定情況,山頂無敵靚景要 1,288 元。星光大道酒店露天靚位要 888 元。法式浪漫加國金眺望要 1,776 元。而馬沙最心儀的半島酒店 Gaddi's 要 2,488 元還差不多 Full booking。

各位男士,如果你看到此文章時還未為今天浪漫晚餐作好準備,馬沙可以好負責任咁話俾你知:「你可以死咗條心,快快去街市搶購心型牛扒吧!」。

馬沙希望各老闆們今晚能讓各員工準時放工,而老闆們都應該陪下伴侶。

如果各位今晚在尖沙咀某酒店享受 6 道菜法式濃情晚餐時,聽到有個男人好情深咁講:「老婆,我愛妳,情人節快樂!」,可能就是馬沙。

(2月14日刊於《am730》)

3 則留言:

Gary Tam 說...

馬沙兄似乎在今天專欄向老婆示愛,馬沙夫人今朝睇到am730必定好開心.

好羡慕馬沙,有自己專欄向老婆示愛,我有就好.

不過如果我有自己專欄,我都未必敢做.今天看了很多專欄,都冇乜邊個敢做.

Karen (Sze) 說...

馬沙先生果然學the one在am730報章上向馬沙夫人示愛喎......唔知馬沙夫人有甚麼反應呢?

可能係: 好肉麻呀!唔好o甘"揚"啦!衰公!

小芳 說...

Happy V day !