星期一, 8月 06, 2012

樓價痴線系列 (七)

好耐無寫過樓市,對上一次應該係兩年前。今日睇到以下呢單成交,真係覺得兩年後嘅香港唔止樓價痴線,直情連人都開始痴線。

樓市瘋狂,小市民驚上不到車的心態已進入失控地步,蚊型樓都有人爭餐飽。黃大仙一個289方呎蝸居,客廳細到可以用「腳趾開電視」,上周六晚原以205萬元賣出,呎價高達7093元,但昨天竟有另一名買家開出216萬元,業主賠定再賣,多賺近兩萬元。

位 於黃大仙蒲崗村道75號的富祐大廈,鄰近滙豪山,兩年前呎價三千元有找,但現已炒過7000元,認真誇張。富誠地產區域經理林栢榮指,全城缺盤,蚊型洋樓 也有人搶,富祐大廈一個建築面積只有289方呎(實用238方呎)低層 H室,原本上周六晚以205萬元售出,買家即場落定5萬元。

剛易手的蚊型戶,客廳闊度不足六呎,細到可用「腳趾開電視」

但昨天有另一名用家再畀高9萬元,至216萬元,呎價7474元,業主即賠定重售,扣除賠定及佣金共9.21萬元,多賺1.79萬元。

雖然單位只有二百多方呎,從代理提供的相片所見,客廳的闊度應不足六呎,細到可以用「腳趾開電視」。林栢榮則指出,買家是一名女子,「單位係細啲,但都叫做有一間房,一個女仔夠住啦」

蚊型樓好炒,以上述單位為例,過去短短兩年已三度轉手。一名炒家前年6月以85萬元購入,四個月後即以140萬元轉售,昨再以216萬元售出,兩年升值1.5倍。黃大仙售價200萬元內的蚊型樓(不計居屋及唐樓),現仍有32個,327至380方呎,售價160萬元起。

世紀21富山分行經理陳振文表示,黃大仙洋樓叫價都開始癲,環鳳街安康大廈高層 A室,實用面積僅292方呎,業主癲嗌230萬元,呎價7876元。另外,大角嘴居屋海富苑 A座高層1室,285方呎,連地價以190萬元成交,呎價6667元,創屋苑新高。
 
香港人其實係咪同自己有仇,用216萬係黃大仙區買個得289呎嘅蚊型舊樓,以實用面績238呎計價,呎價係$7,474/呎!


再望下上面將相個客廳, 上手業主真係有品味,咁細個廳仲夠膽升高兩呎個地台, 張梳化又大到唔合比例。好彩依家電視夠薄,如果放部舊款29吋「畫王」,睇電視時真係好似睇緊過百吋投影一樣,因為畫面近到直接放咗係你眼球前面,大到左右兩邊都睇唔哂!

如果你要我付出所有積蓄比首期,之後用上每月大部份薪金去供,
仲要一供20-30年,之後可能成世人住係以上呢間屋,我諗我未供完呢間屋,我個人已經同刻下樓市一樣,痴Q咗線!

9 則留言:

匿名 說...

蚊型樓賣$200萬>>> 願者上釣。

骨精強 說...

如果放部舊款29吋「畫王」,睇電視時真係好似睇緊過百吋投影一樣,因為畫面近到直接放咗係你眼球前面,大到左右兩邊都睇唔哂!
<----- 甘樣睇呵呵片時咪頂住左起唔到身囉?

bittermelon 說...

個個都驚樓價仲會大升,咪搞成咁囉.

Raymond Lee 說...

昇高地台,相信是為求增加儲物空間。

阿湯 說...

唔通啲人真係驚新政府上場其實係會谷高樓價?!

匿名 說...

痴線,黃大仙34年樓單棟289呎冇MTR都$216萬....

Gordon 說...

間屋衰過坐監!

羅湖懲教所面積達52,000多平方米,現在的收容額為1,400名。
http://zh.wikipedia.org/wiki/%E7%BE%85%E6%B9%96%E6%87%B2%E6%95%99%E6%89%80

匿名 說...

Thanks for sharing this article. I like to read your analysis on property market. Keep on.

locksmith 說...

Thanks for sharing
多謝大大無私分享

開鎖
24小時開鎖
開鎖佬
開車鎖