今時今日係香港地,拎$500萬出嚟買新樓,已經好難可以搵到好嘢。即使你可以好似電視Law霸咁,肯住係深水埗呢啲所謂平民區,同一價錢,以為可以住大小小,一個唔小心,亦好容易中伏!
以下呢個坐落係深水埗嘅盤建築面積588呎, 呎價夠膽死開$8,400, 即係要$500萬! 不過發展商開$8,400/呎唔奇, 奇就奇在竟然有人肯買! 特別要留意嘅係,呢個盤嘅管理費高達$3/呎, 即係呢個盤嘅管理費每月已經係$1,7xx。
咁比咗成$5球買呢個近600呎嘅新樓, 究竟比返咩級數同環境境你呢?
自己睇:
呢間嘢話就話成600呎,實際得6成7即係395呎, 實用呎價即係要成$12,5xx/呎,係深水埗喎......
個廳超細唔在講,話就話有對流窗,問題係有咗呢對對流窗之後,點放電視及梳化呢? 飯枱睇怕更加無處容身!
我到依家都唔明白,點解香港有人肯拎$500萬出嚟,買間咁嘅屋返嚟住,唔通香港人特別喜歡虐待自己同家人?
9 則留言:
D人可以玩緊水魚GAME,等緊下一條更大的水魚接.
Sorry,
Any further choice. The answer is NO.
What can home user do?
現在香港嘅樓，已經唔係起嚟俾人住，而係起嚟俾人炒架！！
$500萬...無choice?
唔係呀? 成千呎都仲得!
當然,一定要係市區買新樓,又要有豪華會所就作别論!
夠買康怡/杏花58x呎, 50萬全裝修好過啦!
寓 弍捌...........預自殺......
買唐樓都唔平的時代,後生仔真艱難！
樓市越顛, 香港人就對樓市越感興趣
已經癲到去覺得依家一定係發緊惡夢，發完就冇事㗎啦。
發佈留言