星期五, 3月 09, 2007

給點尊重

馬沙上星期寫了幾篇關於禮貌的文章,今天想講互相尊重的問題。對打工仔來說,當然希望工作上得到上司及老闆的尊重,但作為打工仔的您,又是否懂得互相尊重呢?

上星期馬沙在公司遇上一件不快事,話說公司於過年前請人,經過對多名求職者面試後,馬沙及合夥人決定取錄其中一名年輕求職者,而該求職者亦答應會上班,唯一要求就是要等他給舊公司一個月離職通知。由於馬沙向來尊重合約精神,從來不會要求準員工早日到公司上班而要求該準員工跟舊公司提早解約離職。況且好員工難求,馬沙決定欣然接受,等他一個月。

一個月之期很快過去,馬沙上星期致電該準員工提醒他明天上班,誰知他給了馬沙以下回答:「啊! 是馬沙先生嗎? 其實我剛剛想打電話給你。你份工我唔做了,我找到另一份公司更大、人工更高的工作,並已上班一個星期了。你知啦,打工仔梗係邊度人工高就去邊度啦,係咁先!」

馬沙很明白「良禽擇木而棲」的道理,你不來我公司上班絕對沒有問題。可是我尊重你是人才而等你足足一個多月,在你決定到另一公司上班時,是否應該給我一點尊重,通知我一聲,好讓我有多一點時間另聘他人呢?

如果我不致電給你,是否要我到當天才知呢?

要知道你第一天上班而沒有出現,我真的是會為你是否在上班途中發生意外而擔心的,因我已當你是同事。

(3月9日刊於《am730》)

16 則留言:

匿名 說...

最近也遇過類似情況,在網上登廣告請人,約見十個有十個放飛機,但又不會打電話來通知放棄面試,連基本的禮貌都沒有。
不過,我覺得在網上登請人廣告效率雖好,但被放飛機的成數太高,因為在網上應徵不用任何成本,隨便亂掟張應徵信上去就可以,所以不負責任的人也最多。
以後都是用傳統收信方法請人好過。
終於,在勞工處登廣告,反而一擊即中。又一次感覺網上文化,幾乎等於「不負責任文化」,反而是傳統文化可信一點。

匿名 說...

哈~你應該慶幸,最後佢冇成為你同事。家下佢自已露出真面目,好過萬一真係向你度做,做一排先見露底`~~~

C.M. 說...

發火有理!

渣估 說...

後生仔女係咁架喇, 唔好怪佢地...

Gideon 說...

馬沙兄你真係人間有情。

渣老闆,你呢排俾人嚇一嚇,收晒火喎。。。

匿名 說...

馬沙兄,

今年Demand多個supply,出現依種情況既機會多左...

純綷話佢地不負責任,無錯...不過AK覺得,依家班後生一輩跟本唔識handle,所以做鴕鳥,通知都費事...

渣估 說...

Gideon:

渣仔真係好驚, 佢唔嚇得架...

CK 說...

沙兄:

而家好多人搵工,係咁架啦。合約對佢地黎講,完全唔當係約束,口頭協議就更加唔當一回事。大家都只會顧自己係咪搵到最多$$,至於尊重、誠信同禮貌呢,真係唔好有太大期望。呢d情形,我都試唔少。

千祈唔好勞氣…

肥魚爸爸 說...

我公司有個同事,是從另一間大公司走過來,由於他在該大公司做了十幾年,我公司大部分同事開始時是都當他是專家。但做落開始發覺他的主意都出人意表和不設實際,所以慢慢地都很少理會他。
他現在更有趣,若有一些不會死人的問題出現時,他一定出聲並將它小事化大。但死人救命時,他一定無影無蹤而事後問你怎樣解決。
但最麻煩的是我有時要和他合作,問他要求時支吾以對,但事後又會在老闆面前說三道四。我已經盡可能叫我的馬去和他合作,但基本上都縂會有一些麻煩要我面對!
那麽我又應否對他尊重呢?
我這番說話,我相信會有一定偏見!但我真的想聼聼大家的看法,

若缺齋老人 說...

咁就離譜得滯。馬老近來畀人嚇?

謝斯柏賀維士 說...

可能d後生仔唔識點拒絕呢
唔曉 say no ,咪拖字訣囉
你大人有大量就唔好怪佢地啦 XD

匿名 說...

各位好,我是首次在這留言的,現今的年青人真的有不小是不懂尊重別人,連一些基本禮貌也沒有,更不用說什麼人情世故了,為什麽時代變遷,物質越來越好的同時,新一代人的函養卻是如此這般。 不倦

馬沙 說...

大家好,小弟並沒有發火或勞氣,只是想表達現今的年青人處事上的不足.
公司上星期亦請到新人了.

若缺齋老人 說...

匿名老兄:

係呀,都係我地ED一把年紀既人靠得住!馬老仲請唔請junior?

小溫 說...

我都同意而家好多青年人的工作態度都好有問題。公司曾經一次過請幾個大學畢業生黎,我地午飯得一個鐘,佢地夠膽遲半個鐘先返到公司,連GM出埋聲都照係繼續。最後仲要特登響試用期完前一個星期一齊辭職,你話冇夾埋我都唔信。做錯野連sorry都冇聲,一句「哦」咁就算數。

係咪而家D後生仔俾屋企人縱慣晒?

匿名 說...

從我做義工的經驗,有理由相信呢d習性係從小養成的