每次大牛市,傳媒都爭相尋找所謂股神。某少年股神除了接受各大少傳媒訪問外,更分別寫其博客及出書,向世人解讀如何向市場借第一個一千萬。
本來將正確及成功經驗與人分享,係一件好事。問題係少年股神的成功本身就偏離正常的投資之道。少年股神幾年前先用多張信用卡借取50多萬,全數買入中石油(857),一直持有至上年大牛市沽出賺近千萬。股神事後更將這套本來極大風險的「空手套白狼」之法,完美地演繹成一種近乎無風險的投資秘技,吸引無數想一朝發達的股場初哥。
牛市過後,跟隨股神空手向市埸借一千萬的失敗例子相繼出現,馬沙今天同大家分享一個真實個案。
米高本身是一名中學教師,上年全民皆股,且幾乎人人賺錢, 米高就開始其投資之路。作為股場新丁, 米高在網上遍尋投資必勝之道。有日在網上覓得股神的成功心法,深信此法毫無風險。於是,米高先借60萬,連同自己40萬,買入幾隻股票,靜心等待第一個一千萬。可惜事與願違,其組合在大市回落時節節下跌,又唔去止蝕,所有股票一直持有至今,市值只剩不夠30萬。
馬沙月初有幸觀賞米高的實倉月結單,嚇到眼都突。組合中4大持股竟不約而同在去年10月買入,分別是$4.1買入4萬股儀征化纖(1033)、$106買入2千股平保(2318)、$52買入4千股國壽(2628)及$7.8買入2萬股上海電氣(2727)。
唔識止蝕,仲要玩到咁大,未向市場借到第一個1千萬,先敬市場1百萬。
(2008年9月18日刊於《am730》)
19 則留言:
對! 理財投資宜量力而為，過度借貸可能會導致滅頂之災!
你講緊某 Blog 友嗎?
只要一計數就知個少年股神係吹出來,難為自己叫自己中產份報紙的記者信到十足!
都唔可以怪人, 嗰位老師朋友幾廿歲人都唔識諗就有問題.
如果佢依家借錢, 買入d 高息股, 計利差, 空手套白狼了.
人地係做左研究,先買入中石油(857),
這位中學教師+股場BB班, 心口掛愑,吳知死字點寫,有這結果怪不得別人.
人地係做左研究,先買入中石油(857),
咁2813和173等等股票,唔係做左研究先買架?
最好笑係2813,話好過中國股市,淡定有錢淨,
而家淨返幾多呀???兄台
兩保咁熱門就唔出奇。不過，7.8既上電都買到﹖真係，冇野好講囉。
~goethe
其實個blogger自己去借錢買股票唔係一個問題, 其他人跟佢咁做都唔係個blogger的問題. 但係個blogger鼓吹借錢買股就係一個好大既問題, 仲要provide埋借錢既途徑.
"個blogger鼓吹借錢買股就係一個好大既問題, 仲要provide埋借錢既途徑."
我諗呢個咪就係馬沙兄話「害人不淺」的原因!
投資衣d野, 係要量力而為, 無咁大個頭, 就唔好戴唔大頂帽。
又, 有良心的分析員係唔會叫人借錢進行投資活動(如炒股票、窩輪和孖展等)。
D 錢係會繼續黎!!
D 錢係會繼續黎!!
D 錢係會繼續黎!!
一齊唱!
股神事後更將這套本來極大風險的「空手套白狼」之法,完美地演繹成一種近乎無風險的投資秘技,吸引無數想一朝發達的股場初哥。
This is the worst thing.
馬沙文中的那位中學教師是否講緊blogger ET仔?
我夠有睇果本書同個blog啦，又唔見我舊年去借錢買?
投資呢Ｄ野好睇個人獨立思維，果位作者只係分享佢既方法，跟唔跟，同自己可以承受幾多風險，係自己問題wor。
富爸爸作者都成日叫人去創業啦，唔通創業失敗又要罵robert害人不淺？
大家都係成年人，點投資係自己既事，無得話人老點你架ma。
Agree with the last anonymity.
Rich Dad Poor Dad's writer failed 4 times at his golden age. So what?
Sometimes a disaster can be used to differentiate the smarts from the stupids.
Not isuue of cut loss....it is issue what u r holding....52 of 2628 is 5X2007PB...worldwide pricing is 3X in 2007....
Even teacher has such level of common senses,....our education system is a mess....
火尿森真是害人不淺的財演
極度懷疑惡名昭彰的"紅字人"就是他 :<
開blog教人點投資俾tips俾借錢方法冇問題.
問題係打住巴菲特同林治旗號教人"借錢"既價值投資.依d已經笑死人!
其次.佢係好彩食正個大浪,肯搏肯借.事實上唔入857只玩2628已可以爆升到嚇死人.牛3瘋狂係你買乜都有機會執到錢.但火生就講到自己點分析點點點之後跟股神買野.其歪理投資理論會加速害死年青追求冇知識但高回報一輩.
有位高人指點, 留下以下訊息, 是真是假, 留待大家判斷
"據聞火生成立了一間媒體公司(極有可能是和6叔合作), 他的訪問以及文章, blog 等, 都有專人幫助他處理. 不排除某些新account fans 或者提問者是他的助理扮出來. 果d什麼晴朗的一天, 什麼燎原, 都是他那公司搭路搭出來, 並唔係有人覺得他勁而請他講話."
發佈留言