星期二, 10月 28, 2008

飲食業逆境

港股經過昨天一跌,相信每個人都應該感受到呢次金融海嘯之巨大威力。

過去兩星期,馬沙每次走到街上,都會特別留意各類生意的變化。或許香港市民經歷過股災、樓劫及SARS,已懂得如何面對逆境。雖然目前樓價並未出現大幅下瀉,亦未有大量企業出現減薪或裁員潮,但市民明顯預先開始量入為出。

在飲食業方面,兩間大型飲食快餐店,晚飯時段人流明顯有所增加。又有專營牛扒的連鎖店,近月開始增設早餐時段,免收加一,價錢更與兩間大型飲食快餐店相當接近。

個人相信,最難避過這次海嘯的,是走中檔路線中式酒家。特別係某個酒樓集團,過去兩三年間,上至大型商場,下至公屋商場,以不同風格開設中檔特色酒家。當經濟環境轉差,市民最先就是減少光顧這類檔次的食肆。最要命的一點,是這兩年開業的新店,是以非常昂貴的租金承租。由於經營酒家需要先投入過百萬元在裝修上,為避免裝修未回本就被業主大幅加租,一般來說,租約至少會簽5至7年。因此,呢類新派酒家能否在生意額大幅下滑及未能減租的情況下,持續經營幾年至經濟好轉,存有很大問號。

馬沙昨天食早餐時,就遇上一件多年未見的事。話說馬沙在M記享用早餐時,有一年約40歲的中年人走到鄰桌坐下。望一望覺得有點兒奇怪,點解一個人叫4杯咖啡。最後才發覺此中年人為近年少見的二手食客,即4杯咖啡乃係來自其他4名食客用餐後剩下來的。

(2008年10月28日刊於《am730》)

7 則留言:

seikomatic 說...

沙沙,

每個人既消費模式可以好唔同,廿蚊個早餐對俺泥講,真系高消費,但系電視上面平民茶餐廳既客仔又唔小。

俺記起四五六十年前學校餐廳見過有人用牙籤督人地食淨果d 碟頭送尾,覺得好奇怪,後來沙士期間阿伯系街邊執雞尾煙,阿婆用膠袋泡制大塊樂老麥家香雞,就知道事態嚴重。

林林下,食物銀行比派錢好,因為有人可能力左份糧去做其它野,例如借比個仔買匯豐。

Wheel 說...

做酒樓的, 有食物供應商(e.g.菜欄)幾個月的數期, 賺夠啦, 見個市唔對路, 執笠走人, 菜欄d數唔使找, 人工唔使俾, 留番俾政府埋單, 之後轉個股東又開過, 所以唔使同情果d開酒樓的.

哥斯拉 說...

一般酒家裝修費幾百萬至過千萬,會起用相熟的裝修公司,做大條數,日後可少交稅。由於裝修貴,結業後總有人頂手。

牛扒連鎖店做早餐,送......死。

金融海嘯第一波已出現二手食客,香港衰退比想像中快,希望只是個別例子。

馬沙 說...

小龍,

我都希望那位二手食客只是個別例子。

N/A 說...

前幾日去左一間車仔麵店食野,明平日明顯冷淸 !

匿名 說...

because they don't believe in me. Amen.

Herman 說...

某個酒樓集團... u mean on list?