星期四, 10月 30, 2008

嘻哈委員會

前天政府宣布「經濟機遇委員會」正式成立,曾特首更親自落場當主席。而副主席一職則由近來每天清早,向市民講一則對經濟毫無意義的廢話的財爺曾俊華擔當。曾特首更即時委任10名包括財金專家、經濟學者、以及主要產業等跨界別人士為委員會的成員。

不知近來評分跌至谷底的曾特首,是否期望透過親自帶領呢個所謂尋找機遇的委員會,帶領市民離開經濟危機,幫自己翻身。如果係,馬沙幾乎可斷言,佢注定死多幾錢。曾特首話,呢個嘻哈委員會主要工作係要及時評估金融海嘯的形勢、籌謀應對之道、以及捕捉新嘅機遇,從而提高香港嘅國際競爭力。

睇返剛被委任的10位委員,在各界身居要職。在經濟急轉直下的情況下,連本來已退下火線的施老闆,都要重掌中原地產,仲有邊個唔使全力為自己所屬機構救亡,哪有時間一起同你評估形勢。

另外,「捕捉新機遇」一點,不論經濟好壞,全世界的生意人本已無時無刻去尋找。如果閣下係其中一個委員,又有幸找到或想出新機遇,你會私下開發呢個機遇,還是在委員會無私分享呢?

誠如施老闆接受訪問時話,自己本來每天已經透過本報「C觀點」專欄,向大家解說金融海嘯的最新形勢及對市民的影響,他的意見很容易可以聽得到。

可以估計得到,呢個委員會每次開會,只能對已知的問題討論一番及加以確認,解決方法呢,都係睇毫無束縛的「C觀點」較好。

(2008年10月30日刊於《am730》)

7 則留言:

匿名 說...

又多一個吹水委員會 , 佢地是否夠膽提意香港唔好靠金融 & 地產支撐經濟呀,講來講去都係要靠金融 & 地產,曾狗仍行緊老懵懂之路 - 死路/不歸路

匿名 說...

又一個得個講字同浪費時間的委員會... 將會繼續狂燒公帑去做顧問報告... 最後又是一堆廢紙...

匿名 說...

財政司司長曾俊華則出任副主席???

佢都有資格咩?帶領港人買388的人噃?

Gideon 說...

啱啱發現曾俊華啲國語都好正!

哥斯拉 說...

看看施政報告就知,毫無發展方向,用口說強政勵治,行政主導,結果仍是受制於制度之下,施政效率緩慢,缺乏領導方向。

老董當年大膽創新提出改革,最後只有小部份能實現,效果麻麻;現在連改變的勇氣也沒有,怕做多錯多。

去年英格蘭隊球星如雲,結果在二流領隊的帶領下,竞然無法打進歐國杯決賽週;今年換領隊後,球隊立刻反彈,交出好成績。香港有如缺乏強勢領導人,老曾不應再害怕改革,拿出一點勇氣吧。

WYJIMMY 說...

曾俊華做財爺絕對是一個錯配! 管公務員, 或許他仍有三兩度板斧(但仍遠遜退位的政務司長肥龍)...

我覺得唐英年家陣, 好似當年的曾特權, 坐係度食花生... 等睇戲...

市場維京人 說...

小弟覺得成立經濟機遇委員會係好事,始終同成班識賺錢嘅人 brain storm,好過政府成日諗埋 D 政策閉門造車。報紙係單向溝通,開會點都會好 D。雖然一個月開一次,但無可厚非,唔通你叫特首唔理其他民生或政治嘢咩?