星期二, 10月 04, 2011

香港版 The Good Wife

早幾日嗰隻好似低低地嘅唐狗先走出嚟,對住大庭廣衆,大大聲咁吠:『在選舉中難免有不同的傳聞及緋聞,版本很多,甚具娛樂性,但不會評論有關報道。』

果然,呢隻唐狗處事方式又真係好鬼富娛樂性! 明明辭職唔守政務司官邸門口,原因係想轉守特首官邸嘅門口,就係都唔認,吠曰:『要諗多幾日!』。諗諗諗......諗乜Q?

今日仲攪鬼, 發表聲明:『承認過去在個人感情上曾經有過缺失,但獲得太太的諒解,並且得到太太原諒。多謝大家關心。而唐太就在聲明說在私人感情上早已決心不再往後看,相信大家會諒解。

首先,究竟乜嘢叫 『感情缺失』? 究竟唐狗曾經包二奶、婚外情、嫖妓定攪基呢? 唐狗你一日唔講清楚, 嚟緊買花生都買窮我!

其次,唔知唐狗太太係咪因為自9歲就識隻唐狗,且跟得唐狗太耐,攪到講嘢都好似隻唐狗一樣低低地。妳老公有負於妳,獲得妳諒解佢就得! 但關我地差事咩! 做乜又要大家諒解? 

頭先睇電視見到唐狗拖住唐狗太太出嚟,以為佢會解釋比大家知乜嘢叫做『感情缺失』。點知佢又吠曰:『份聲名乜Q都講哂啦! 無嘢再補充!』咁........。 之後仲好開心咁拖住唐狗太太返狗屋! 嗰一刻真係好似美劇『The Good Wife』開場一幕! 唔知唐狗太太返入狗屋有無好似Alicia 咁, 一大巴車落唐狗塊面到!

話時話,有傳聞話唐狗仲有隻『私生犬』跟尾! 明天放假,今晚都係要去買多幾包花生返屋企等睇戲 !

 

6 則留言:

Ebenezer 說...

佢遲早會玩到你想一大巴車落佢度,呢d就係佢最拿手製造大家嘅「感情缺失」囉^^

匿名 說...

所謂「感情缺失」, 可能係指唐英年自細到大都係對住同一個女人, 好很悶, 感情生活枯燥, 缺乏滋潤, 古語有云: 人不風流枉少年, 後生時候冇風流過, 對佢嚟講係一個好大的缺憾與失落, 此之謂「感情缺失」.

匿名 說...

依家智障都可以做特首,婚外情算乜?

hellow 說...

未正式上台, 巳經.....比人玩

正式上台后, 會唔會好多社会資源, 傳媒注意力都浪费曬黎玩Q佢,正經事务反而無人關注呢?

匿名 說...

呢隻唐狗未上台, 已經玩弄文字, 玩弄傳媒, 玩弄....

他日上台後, 會否亂用社會資源, 加強官商勾結, 打壓傳媒, 玩Q大眾, 正經事務反而不予理會呢?

Bittermelon 說...

當初我都覺得好奇怪,點解唐唐要自我引爆呢D"甚具娛樂性"既新聞. 呢家諗諗下,我估呢單嘢查實係件核彈(例如真係有私生子,搞基,etc.),而且佢既陣型可能收到風,知道屎好快包唔住火,所以自己先引爆好過比人爆.

不過最傷心既,應該係唐媽媽.一心想既仔成材,點知...