星期三, 10月 18, 2006

投資心得

今天看到中環博客 Central Blogger 禤中怡留言, 十分高興,因中環博客 Central Blogger 是小沙每天必看的Blog!!

講到交流投資心得,小沙也很想將自己的差勁心得分享. 只可惜小沙近日因忙於照顧初生(3星期3日)兒子及愛妻,加上工作異常忙碌,相信很難將投資決定一一寫上.

小沙投資股票已近十年,藍籌股,三四線股仔, IPO, warrant 都玩過, 長線短炒,樣樣試過,經歷1997及2000年股災洗禮,沒有欠債已算萬幸.

經過多年股海浮沉,小沙悟出以下心訣:-

1) 財不入急門:
越想賺快錢,死得越快 .

2) 永不貸款炒股:
欠債時心理壓力大,影響決定 .

3) 永不炒warrant:
小沙依據讀書時學習 (Black Scholes Model) warrant 的定價及計法去炒賣,最終發覺 warrant 的巿場價根本不是根據公式,而是受到街貨量及 warrant 商加印等不公平條款影響.

4) 先認知,再投資:
不買不熟的股票,所以小沙現在最愛銀行及保險股.

5) 小食多滋味,多食壞肚皮:
小沙由"沙士"後開始,從不同一時間持有超過5隻股票. 學 Warren Buffett 話,好好看管籃子中的雞蛋好過.

6) 長線 vs 短炒:
兩者都有其好處,不宜同錢鬥氣. 買入任何股票前,先要決定長線或短線. 切記不可在買入後長轉短或短轉長,此乃小股民大忌.

7) 貪字得過貧:
定下止蝕並嚴守止蝕.

8) 高位出貨計數:
股市像人生一樣,有起亦有跌. 若大市在高位,應出貨計數. 通常清貨後有約半年時間慢慢在低位再選新貨.

9) 目標要踏實:
小沙每年的投資回報目標為本金之15%,不要以為很低,在複利息的計算下,每年平均回報15%已很可觀了. 再者,大部份基金長線都不能達到每年平均15%回報率.


根據小沙以上的心訣, 小沙己於大市超越18,000點時將大部份股票沽出,增持手頭現金,靜待大市回落時買特價貨. 手頭上最後一隻持有的 #939 (建行) 祈望能在工行IPO前後再試其高位於$3.8以上沽出.


至於工行 (#1398), 小沙一於響應 "萬人圍(工)", 小沙申請25手, 為太太申請35手,希望每人坐2望3吧. 小沙相信上市當天有25%回報吧!!

P.S. 由於小沙今年要保住初生小兒子奶粉錢,今年投資比較保守,現時只取得14%回報,希望沽出建行及工行後能提早達標(15%)吧!!

16 則留言:

禤中怡 說...

馬沙您好,

我是禤中怡,看見您的留言,十分高興,想問如果我把您這篇文章,?登在中環博客Central Blogger專欄與am730的讀者分享,您介意嗎?請回覆我這個大?的請求。我的e-mail為investment@am730.com.hk
Thanks

禤中怡

馬沙 說...

禤中怡您好,

小沙當然不介意!! 此Blog 是公開的,小沙開Blog 的目的也是跟有緣人分享 ^_^"

匿名 說...

馬沙您好

我是波比,回應煩請觀看下列留言板:
http://www.inv168.com/phpBB2/viewtopic.php?t=32148

波比^_^

匿名 說...

馬生好勁呀! 加油!

CK 說...

今朝睇到am730,勁呀馬沙!

ShennongShi 說...

Hi Mr Char,

I absolutely agreed with your statement. I am an amateur investor. This is the first time I read your blog, and realised we are both waiting for the mark of 939. Keep up the good work and I know how it feels to look after a new born baby, wife and work, it is great and very pleasant :-)!

匿名 說...

唔同意"warrant 的巿場價根本不是根據公式,而是受到街貨量及 warrant 商加印等不公平條款影響".

事實剛好相反 - 打開本教科書睇睇, Black Scholes Model根本就冇考慮供應量係會收到限制. 比輪商加印就係為左令到巿場繼續根據公式定價. 試諗下, 如果唔比加印, 隻輪就會比市場供求人為地炒高, 最終令接貨既散戶損手.

近期港交所容許輪商係5成街商以上就可以加印, 實乃保障小投資者既德政.

匿名 說...

補充多句: 其實有好多理由去反對輪商加印, 只係偏偏你所講既就係最唔成理由既理由.

洛克 說...

to 馬沙

勁呀 !! 馬沙之反擊~~~



TO anonymous,

輪商加印不是問題, 如果輪商係想公正地維持市場流通是件好事,

但現實是輪商立心不良, 想利用機制從中獲利才是問題.

始終買賣 warrant 都係一場 zero-sum game.

不是散戶嬴, 就是輪商嬴, 問題是邊個嬴機率高D ?

匿名 說...

馬沙先生:

你好。我是投資初哥,讀到你的投資心得。故有所請教。

因常聽畢菲特言,好的股票宜長期擁有,但你又說在高位應沽貨,再待低位入市。那好似是不同的投資策略?望不吝賜教。

渣估 說...

小弟在匯豐有個股票戶口,每月定額買一皮野中壽,唔知大夫點睇?

匿名 說...

to 洛克:

買賣 warrant 並唔係一場 zero-sum game - 輪商都要做對沖, 你估輪場剩係得d散戶係度玩? 你估輪商真係可以玩晒成個股市, 而冇其他大戶係輪商身上打主意?

輪商同散戶絕對係可以雙輸或雙贏, 穩贏既人只有港交所.

匿名 說...

to 洛克:

買賣 warrant 並唔係一場 zero-sum game - 輪商都要做對沖, 你估輪場剩係得d散戶係度玩? 你估輪商真係可以玩晒成個股市, 而冇其他大戶係輪商身上打主意?

輪商同散戶絕對係可以雙輸或雙贏, 穩贏既人只有港交所.

匿名 說...

to Aries:

港股由今年年頭開始已經升左超過兩成(149xx - 18000), 仲未計股息. 一個投資組合今年回報只有15%, 即係連盈富基金都比唔上, 有乜參考價值?

睇多次畢菲特致股東的信啦.

馬沙 說...

To: 波比
小沙會盡快回覆,請見諒!!

To: 投資初哥 & CK
不要笑我

To: ShennongShi
謝謝

To: Anonymous
洛克兄已代答小沙的意思!!

To: 洛克兄
多謝洛克兄代答 ^_^
很不幸,馬沙在 “馬沙之反擊” 中再次敗給阿寶 >_<

馬沙 說...

To: Aries & 渣估兄

賜教就不敢當,好的股票當然應該長期擁有,但小沙經歷1997及2000年股災洗禮後認為,在股市風高浪急之際 (即破多年新高後), 如現在18,000點是6年新高, 先將股票沽出,增持手頭現金,靜待大市回落時買特價貨比較可取.

小沙不怕好的股票下跌,最怕大跌後唔夠現金買特價貨(投資股票最慘就是見到通街平貨但冇錢買)!! 每次股災或大調整後,很多財經演員在各大報章及電視高呼 “Cash is KING”!! 我都知阿媽係女人,但若手持大量下跌最少30% 以上的股票,有鬼錢買呀? 就算有,還敢增持嗎?

好多時講就易,但心理質數這家伙,每個人是不同的.在目前,小沙認識的網上朋友當中,最好的價值投資表表者為 ‘市場先生”. 你可到他的”市場先生自語” ( http://mrmarketofhk.blogspot.com/ )中學習.